*** اخبار جامدة جدا***

السلام عليكم ورحمة الله

*************

ازيكم وعاملين ايه فى الساقعة دى :D

اقرئوا البوست للاخر ده مكتمل عن اللى وصل بالايميل

ان شاء الله يا جماعه هنزل 3 بوست يوم الجمعه الموافق 27/2 صباحا

طبعا هيكون بوست هنا وبوست فى المدونة الدينية وبوست جديد خالص فى القصص والروايات

عشان الناس تبقى معايا على الخط هدفى الاساسى سواء من المدونة دى او غيرها من مدوناتى

دينــــــــــــــــى هدف دينى بحت

سواء بشكل مباشر او بشكل غير مباشر

وذلك لطرح افكار طرقت على الشعب المصرى ومع الاسف مفهومها غلط من الاساس

ولازم يا تتغير يا نعملها حد من الانتشار

زى ما تحدثت الاسبوع الماضى عن الحب وعلى فكرة جاء برنامج تليفزيونى على دريم 2 اسمه سيداتى انساتى

وقال ان الفتاة التى ترغب فى الزواج من شاب وشايفه من ناحيته قبول وذلك بعد معرفة اصله الكريم طبعا

انها مش تلمح بنفسها بل تبعت وسيط والوسيط ده برضو يلمح احتراما للاعراف ولكرامة البنت

عشان يعرف اصلا بيطيق البنت وعنده استعداد ولا لا

بشكل سطحى جدا ومن غير ما يحس

هههههههههههههه نومه تنويم مغناطيسى ماعلينا

اللى بقى عاوز يمشى على المبدا ده او غيره هو حر

كل واحد ودماغه وتفكيره واقتناعه

اللهم بلغت

الموضوعات اللى هتكلم فيها المرة القادمة كالتالى :-

1- فى المدونة الاجتماعية ( والشخصية ) حياتى

http://heba2007.blogspot.com

هتكلم عن حوار شيق جدا انا حضرته وهيكون عن كيفية معرفة الشيوخ من النصابين من المشعوذيين

2- فى المدونة الدينية ( جنة- هبة )الدينية

http://paradise-heba.blogspot.com/

ودى هتكلم فيها عن فضل استماع وكيفية تلاوة القرآن الكريم

3-المدونة القصصية والروائية ( مؤلفاتى) هتكون

http://novels-stories-of-hebasayed.blogspot.com/

هنزل ان شاء الله مقدمة للرواية الجديدة اللى بكتبها وهى بعنوان

*** صرخات أنسية فى بحور الروحانية***

وهى هتضم معظم قضايا الشباب اللى مع الاسف منتشرة بكثرة اليومين دول

الاستخدام السىء للنت و عبدة الشيطان والشذوذ والقتل والسرقة والمخدرات....كل حاجة بتمثل طريق الشيطان

وطريق النور فى التقرب الى الله والتحول الداخلى للانسان من سىء الى جيد والبعد عن الفاحشة والمنكر

وذلك فى شكل روائى ممتزج بجزء كبير من الخيال والرعب للتشويق

ولفهم الرواية بشكل اسرع وافضل

وهدفها دينى خااااااااالص

اتمنى قراءة الجميع لها

وخبرهام جدا: المدونة الدينية والقصصية هينزل بوست واحد فى الشهر بعد كده وهيكون يوم 27

من كل شهر

والسلام عليكم ورحمة الله

**الحــــــــــــــــــــــب**

السلام عليكم ورحمة الله

************************

عاملين ايه يا جماعه ؟؟ اتمنى ان تكونوا جميعا بصحة وعافية

النهاردة هتكلم عن الحب اللى اتكلمت عليه مليون مرة فى بوستات عديدة

ولكن النهاردة يوم خاص للتحدث فيه

وطبعا مش لان بكرة الفلانتين :D

من منظورى الحب شعور رقيق معنوى يساعد الطرف الاخر وجدانيا ومعنويا فى ان يخطو

خطوات سريعة جريئة مع ضحكات متقطعه شريرة :D

انا بحب اتكلم جد واضحك فى وسط الكلام عشان يبقى الموضوع ظريف ولطيف وابن ناس

الحب هو اننا نبعد عن الانانية وحب النفس قليلا وان نملىء قلوبنا بالخير والنور

والتضحية لان هو ده الحب

الحب كرامة بين اى طرفين...الحب من السهل جدا انه يتجرح بسرعة ومن الصعب ان يلتأم سريعا

الحب مش حرام لانه ذُكر فى القرآن كتيرا كلفظ وكا كلمة وكمعنى

فهو فى مضمونه المعنوى احساس شريف عفيف لا يخدش الحياء ولكن مجنونى الحب هم الذين يخدشونه

بافعالهم وباستهتارهم وباقوالهم الجنونية

الحب خفيف لكن التصريح به صعب امام الطرف الاخر لان الحب يجعل الانسان خجولا

وذلك لان الحب يضع نفسه متسائلا

كيف اُصرح بحبى وكرامتى امامى؟؟

هل من امامى سيقبل هذا الحب ؟ واذا رفضه كيف سيقابله من رد فعل ؟؟

وهل اذا تزوجت كيف يكون شكلى امام المرآه الخاصة بى هل سأرى نفسى مثلما كنت مسبقا؟؟

ام مخفضة الرأس لاهدار جزء كبير من كرامتى التى سوف تُهان فى لحظة غضب؟؟

واذا قبل الحبيب هذا الحب فكيف اتزوجه وهو من السهل الشديد عليه ان يلجأ لحبا اخر يُصرح له

عن طريق غيرى؟؟

وهل سيقبل هذا الامر على اخواته؟؟ واذا قبل فكيف سيكون مصيرى ومصيرهم بعد ذلك؟؟

وما حكم الدين فى هذه القضية ؟؟

وما الحكم الذى سينفذ على البعض الذين يستخدمون الحب كوسيلة لاغراض دنيئة تُلقى الاخرين بالهاوية؟؟

وتساؤلات عديدة يضعها الحب امام العديد من القلوب المحبة والمستهترة والجنونية والخاجلة

فالقلوب انواع ....مثل الانسان

فالانسان معدن قد يكون فضة وقد يكون ذهب وقد يكون الماظ وقد يكون ماااااس وقد يكون معدن ليس له قيمة كالحديد يطرُق

وهو ساخن وسعره قليل

لذلك فان الاختيار صعب بين هذا الاختلاف الشاسع

ولكن اولا واخيرا اذا وقفت امام اختيار واحد فسأقبل الانسان الماس فى معدنه والقلب الخجول فى تُقل طبعه وكتمانه

فها هم من سيعيشون معى طوال حياتى دون خداع او خيانة او كراهية

وارجع واقول ان العيب فى من خرب مفهوم الحب وجعله يُطلب باللسان من النساء والبنات

فجعلهن امام مرآيا لها اكثر من زاوية واصبحت ذو شخصيات عديدة

منكسرة وضائعة فى بحر اوهام الحب الذى يُطلب باللسان

اتمنى ان الناس تفهم الحب وتشعرُه وهو بالافعال وليس بالاقوال

والسلام عليكم ورحمة الله

كلاكيت عاشر مرة

السلام عليكم ورحمة الله

************************

طبعا متشكرة جدا جدا لكل اللى سألوا عليا ودعولى والحمدلله خدت حباية واحدة من وان تو ثرى

برشام اسمه غريب بس سريع المفعول وصفة منى الانتيم

ندخل بقى فى العنوان الغريب ده

الموضوع هيبقى عن اقوال غريبة سمعتها من الناس وطبعا كلهم بحبهم مش هزار

لكن اقوالهم خلت دماغى عملت العديد من علامات الاستفهمام

1- واحدة بتكلم... معاها بتقولى هو انتى بتكلمى مين من الدفعة قولتلها فلانة وفلان ...الخ

قالتلى وفلان بيكلمك !!!!!!! قولتلها ومالك مستغربة كده يعنى

قامت قيلالى بلاش تكلمى ولاد افضل

قولتلها شكرا على النصيحة ...اللى يضحك بقى من اسبوعين تقريبا وصلى ميل دينى من احد الاشخاص ولاقيت ميلها

محطوط ..قولت اسأل الشخص بيكلمها ولا لا ؟؟ عشان مبقاش ظنانة

قالى اه بكلمها مالها انا ورقى كله سليم

سكت ..قولتله لا ابدا انا بسأل بس

ادى النصيحة؟؟؟؟؟؟!!!!!!!!!!!!!! رحمتك يارب

2- روحت وظيفة بعيدة بكورنيش المعادى وكتاب الله لابسة لبس محترم جدا جدا ومع ذلك الكلام القبيح

مستمر ..دخلت الشركة محدش موحد ربنا محجب

قولت لو دخلتها يا هيبقوا زيى يا هبقى زيهم

ماذا افعل اولا المشوار بعيد و انزل عبد المنعم رياض وشغلانة وحتة هادية وفتنة بالشركة

قولت بالها ..وانا راجعة منها الاقى السواق وانا بفكر اصلا ومش معاه ..يقولى سيبك شغلى عينيكى وهتشوفى الدنيا

ماشية ازاى !!!!!!!!!!!!!!! ولا فهمت حاجة اظاهر تعبير جديد

3- واحدة ما ...بتقولى اه كنت بكلم فلان بالميل قولتلها وتليفون قالتلى لا مش بكلم ولاد فى التليفون

غلط وحرام ....طبعا دى وجهات نظر ويجب ان احترمها بس انا متهيألى اللى على الميل راجل واللى على التليفون برضو راجل

ولا الوضع هيختلف

سورى للجرأة ولوجهة نظرى الغريبة

4- واد وبنت ساندين على عربية والدى تحت الساعة 10.30 بليل والحتة هادية

قولت طيب خلينى باصة يمكن يحسوا

الاقى ايه ياترى يا هل ترى الاخ الكريم ربنا يباركله او مش يباركله اصلا مش قصتى بقى

حط ايده على كتفها وبصلى كأنى واحدة ملهاش لازمة واقفة

قولت عليه النعمه لهرخم ...كابتن ياريت العربية بس

قالى هتموتى وتبقى نفس الوقفة دى .ههههههههههههه وقح وقح يعنى

انا قولتله لو راجل خليك واقف طبعا ماكنتش هعمل حاجة :D

غير انى هندهه الجيران عشان يقوموا باللازم

كل المواقف دى شلانى وبشكل مختلف و بجد حاسة انى ورا القضبان

هل عشان الدنيا اتغيرت اتحولت معاها البشر وانا ومبادئى اصبحنا فى نظر الغير متخلفين؟؟؟

اولا : ناس بتنصح ناس ومش عارفة تنصح نفسها

ثانيا : ناس تقول ده حلال لى وده حرام عليكم وهو هو نفس الموقف

ثالثا :بقى الولاد خلاص اكتر من نصفهم شالوا فكرة الزواج من دماغهم والمشكلة البنات عارفة

ومع ذلك بيرخصوا نفسهم جدا جدا تمشى وتلف معاه ...الخ

رابعا: حاجات كتير بتظهر اننا بنقلد الغرب وبقينا اسبور ...ياجماعه سيدنا محمد

والسيدة خديجة آدمين لن يتكرروا بعد فكيف لا نفعل مثلما يفعلون

وعند طريقة الزواج نقتدى بيهم

وفى الاخر الكل بيندم بعد الزواج لان يا اما الكرامة قلت

او بتتمحى خااااااااااااااالص

وتصبح الاهانة ملصقة بنا الى نهاية الحياة الزوجية

يا اما بنقل من نظر بعض

الرسول نُزعت من قلبه الكراهية والحقد والغيرة وكان عادل تقى

هل حد زى سيدنا محمد؟؟؟؟؟

بلاش هل حد زى السيدة خديجة مهما وصل حتى لو انا شخصيا فمش هصل

زيها ولا فى يوم من الايام حتى لو تقية اوى كمان

ارجو ان البنات تنتظر ولا تستعجل فى اختيار عدلها بارادتها

يجب ان تترك الامر للخالق وحده يقدر الاقدار

ويأتى شريك حياتها الى اهلها

احتفاظا بكرامتها وحتى لا تصبح ذو منكسرة فى النظرة والنفس امام اختيارها للابد

وقلبها وكأن به خنجر لا تستطيع ان تنزعه

نحن جميعا كالقوارير من السهل الانجراح ومن الصعب علينا النسيان

وهذا الكلام ليس بأن الرجال سيئين لالالالا

ولكن هذا طبع الرجل فانه يجب عليه الاقدام على فعل الاشياء مهما وصلت الفتاة من جرأة

وحتى يشعر بقيمتها

بس كفاية كده بوست صغير بس فيه كل الفايدة:D

وكلاكيت عاااااااااااااشر مرة

ان شاء الله يا جماعة بالنسبة للمدونة اللى عملاها للرواية والقصة

هدفها الاساسى دينى زى باقى مدوناتى سواء الدينية خالص او الاجتماعية

السلام عليكم ورحمة الله

****

***HEBA SAYED***

****

الحب..الاذواق.. الذوقيات ..الاحساس..الالوان

السلام عليكم ورحمة الله

*****************

عاملين ايه يا جماعة؟؟ يارب يكون شكل المدونات واللى بنزله فيه من موسيقى هاديو وانشاد دينى

وقران ...فاتمنى يكون الشكل واختياريى للديزاين والصور ملائم لكل الاذواق

رقم واحد : معلش انا طالبة من الناس الدعاء لان بقالى فوق الاربع ايام زكام وبرد واحتقان وحالتى حالة

رقم اتنين : انا صممت مدونة هيكون بها مؤلفاتى من قصص وروايات نثرية لكن دى يبقى قدامها شهور

وممكن الحوار ده يدخل على سنة لانى مش هكتب ولا هنزل اى حاجة

لان باذن الرحمن هتبقى رواية ساحقة

ولينك المدونة اهو :

*******************

http://novels-stories-of-hebasayed.blogspot.com/

ندخل بقى فى موضوع النهاردة

هتكلم عن العنوان اللى حطاه ..دلوقتى يا جماعة الحب على راى اشرف عبد الباقى الممثل

يقولك ناس ليها حظ وبتلاقيه وناس بتدور عليه وبتموت ومش بتلاقيه

وناس معندهاش حتت الذكاء فانها تحبب اللى قدامها فيها وناس عندها مهارة بالغة فى جذب الناس بالحب ليها

وكده يعنى

طيب ايش دخل ده بالاذواق والاحساس والذوقيات والالوان

الذوق هو اول حاجة بتجذب الراجل او البنت للطرف الاخر لان الذوق بيضم ادب..خجل..طاعة..الخ

فالراجل لما بيشوف البنت خجولة كده محترمة بيكون ليها مذاق خاص شىء مشوفهوش قبل كده

كذلك البنت لما بتلاقى راجل محترم مهندم فى لبسه وكلامه اكيد نظرتها بتختلف وبيحصل اعجاب بس مش الحب اللى الناس بتقصده

طيب عاوز تعرف اللى قدامك ده عنده ذوق واحساس ولا لا؟؟

انا جربتها وطلعت صح بنسبة مش بطالة

شوف اللى قدامك لابس ايه؟؟ لونه وتناسقه مع باقى اللبس ازاى؟؟الاناقة؟؟ الشياكة؟؟

اختيار اللون؟؟طريقة الكلام؟؟ مقدماته ؟؟ وهل ليه داخله شيك فى كلامه ومشيته ولا لا؟؟

فالالوان والاحساس والاذواق والحب كلهم مرتبطين ببعض

الحب ده نعمه من الله ومش اى حد بيحب بصدق ..فى شباب متهور بيسمى الجمال الخارجى

والمحاربة من اجله انه حب

لكن الحب فن ..ذوق ..تضحية ..احترام متبادل.. حب روح ودين واخلاق وليس كماليات

انا حُبى مفهوش تهور يعنى اذا حصل نصيب واتخطبت خطيبى هحبه اه ولكن مش اخنقه

لان الحب زى النسمة ميحبش اللى يقف امامه بتيار عكسى

الرجالة بتكرهه الخنقة ..لكن بيحبوا الاهتمام والغيرة وليس الغيرة على الفاضى والمليان واتفهه الاسباب

الاذواق بقى فى ناس ذواقة فى الاكل والشرب والاكل والذوقيات فى ناس ذوق وناس قليلة الذوق

وقلة الذوق بكثرة فى الرجالة ههههههههههههههه

اما الاحساس فطبعا الفتيات والنساء كائن رقيق واحساسهم عالى الرجالة ههههههههه

بلاش عاوزين ناكل عيش فى المدونة خلى الموضوع يعدى على خير

بس كده بوست صغيور المرة الجاية هتكلم فى حاجة جديدة ان شاء الله

السلام عليكم