الحادث..احنا بتوع المخصوص

السلام عليكم ورحمة الله وبركاته

اخبار الجميع ايه فى ظل هذا الوقت العصيب؟؟؟ ربنا يقوى الجميع

معلش واسفة لعدم تواجدى خلال الاسبوعين الماضيين بس كنت بدخل على الميل تخاطيف كده

-بالنسبة لموضوع الماهية والوجودية مش هقدر اتدخل فيه اكتر من كده لاسباب كثيرة لكن

ممكن اقولكم توضيحه بشكل افضل

مثال:لو عندنا عجينة وقوالب عشان اشكل العجينة دى فى شكل بسكويت وكحك..الخ

هنلاقى ان الماهية بتتمثل فى الاشكال وتعددها اللى هى القوالب اما الوجودية هى العجينة نفسها

لانها بتتمثل فى الاصل ذاته ياجماعه بس هى دى كل الحكاية:D

-الاخبار الشخصية بقى مش ولابد بس الحمدلله عايشين ونتنفس هههه

1- التحقت بمنحة ال ICDL ب6اكتوبر تابعة لوزالاة الاتصالات

2-ان شاء الله فى حاجتين مؤجلين حاجة كده باذن الله فى شهر سبتمبر والاخرى بشهر نوفمبر

اذا اراد الرحمن وكله بتسهيلات ربنا

3-حالتى النفساوية الفترة اللى فاتت ومازالت مش متزنة نتيجة لخواطر بتيجى على بالى

بحسبها هواجس وكنت بكدب نفسى لكن تاكدت من صحتها وبسبب الكلام ده اثر عليه و وقفت مشروع كنت

هبدأ فيه وهيبقى ناجح بنسبة 99% بس ربنا يسهل واقدر انهض تانى واكمل البيزنس ده

4-خبطت فى الكلام مع ناس كتير منهم كريم وشغلانة كده وطول ما انا قاعدة اقول مليش كلام مع حد

ربنا يهدى النفوس لان انا تحت ضغط ابتلاءات بشكل شديد وربنا يرحمنا برحمته بقى

ومحدش بيقدر او هما كلهم على علم بكده وبيضغطوا برضو على اعصابى

5- اشتركت على الفيس بوك بعد مارجعت حسابى فى جروب حلو اوى اسمه تقريبا مشروع 100 يوم قبل رمضان

وهحاول اشارك فيه بشكل جامد وربنا يسهل ولان روح الناس حلوة اوى

6-الحمدلله مبقتش اتابع ولا جروب ادارة ولا اى شىء ولا مدونات مفيش تقريبا غير الفيس بوك

واكلم الناس وبخرج من النت واى حد بيبعتلى لينك مدونة هدخل وهشارك

غير كده مبقدرش ابحث يعنى مكبرة على الاخر

موضوع النهاردة بقى

طبعا كان يوم الاثنين من اسبوعين تقريبا وحبة كده

طلبت من الحاجة انى انزل اشترى جاتوه من الدمياطى واكل من احد المطاعم كنوع من الترفيه

ركبت عربية مخصوص ودى داخل اكتوبر عاملة زى عربية نص نقل بدل التاكسى

وقولتله عاوزة اروح الحصرى

طبعا قبل ما انزل لحظى الحلو صليت الظهر وعملت رقية شرعية بسيطة

وانا بطبعى بحب اقعد فى الاودة لوحدى اتعبد فيها ومحدش يدخل عليه

عملت اللى فيه النصيب ويمكن اللى عملته كان سبب فى انقاذى

المفروض راكبة واطلع من الحى الحادى عشر على العاشر واخد ناحية الكنيسة شمال

الباشا خدنى يمين قولتله انت ماشى غلط

قالى هندخل من مكان تانى اسرع واسهل فبصتله كده بقوله عاوز تودينى من ناحية الواحات

الحصرى!!!

سكت جيه يدخل فى الطريق الغير مرغوب واحنا بنلف الصينية العربية لفيت حوالين نفسها

طبعا هو اتجنن بصلى بخوف وجرى على الحصرى

واحنا رايحين ناحية الحصرى المفروض ندخل يمين فبقوله انت ماشى غلط

قام خابط عربية ملاكى شالها مالاقتش ليها اثر

قولت هيوقف خدنى وجرى قولتله اقف قالى لا

خبطنا فى مقطورة وكنت خلاص تقريبا قولت عزرائيل بيلف حواليه

وبدعى ربنا ان اهلى يلاقوا جثتى عشان متبهدلش اكرام الميت دفنه برضو

المهم خبط فى مليون حاجة وهو اتعور بس الحمدلله لم يصيبنى اى ضرر زى ما ركبت زى مانزلت

فضل يلف وقالى انزلى هنا فى الحى الثامن

وقالى مش عاوز فلوس ادعيلى بالهداية طبعا بصيت باستغراب واديتله فلوس اللى فيه

النصيب ومشيت

انا طبعا روحت رجلى مش قادرة امشى عليها من الذهول وكل الحوادث دى

بصيت لنفسى فى المراية قولت سبحان الله ولا خدشة

القرآن حقيقى فيه معجزات بس بقى اللى ربنا يعطيه ويعرف يطلع منه

مرة تانية

ركبت مخصوص برضو وفى طريقى للحصرى

قعد يتكلم وانا سامعه بس مش برد على الكلام الا قليل قوى

بيقولى ليه اقارب جامدين ده انا قتلت واحد ودفعت الدية

واتنازلوا عن القضية بمكالمة تليفون واسطة يعنى

فبصيتله بقوله وايه اللى يوصل الموضوع للقتل يقولى احنا لما يكون فى خناقة

لازم يكون فى قاتل ومقتول

قولتله اعوذ بالله

قالى وابن خالى اغتصب بنت فى اكتوبر وطلعناه زى الشعر من العجينة

انا اتخرست بجد

معرفش خوف ولا لان الواسطة مخلتش خير فى الدنيا

خلاص كل حاجة حلوة طعمها راح راح

وانقضـــــــــى

ده بقى ايه ناس شايلة السوء فى قلبها وناس بتعمل السوء وتحتمى فى غيرها من اقارب ووسايط

مصر خلاص راحت عليها

البنات اكتر من نصهم تركوا طريق الصواب والشباب بقوا بتوع اشتغالات ومش قادرين يكونوا

رجالة واصحاب مسئولية

والله الواحد بيدمع وبيحزن يوميا على الجيل اللى المفروض نفتخر به

يلا حسبى الله ونعم الوكيل

يلا سلام

هبة سيد والحقيقة الغائبة

الـــمـــــاهيــــــــــة والــــــوجـــــــوديــــــــة

السلام عليكم

ازيكم جميعآ واخبار الحياة معاكم ايه؟؟؟؟؟

فى حاجات احب اعرفها للناس بس عشان نتستغربوش زى ما انا مستغربة

1- صفحتى بالفيس بوك اتقفل حسابها امبارح ومعرفتش ادخل ليه الله اعلم

2- ميلى هبة سيد ملازم اكتشفت ان فى ناس معرفهوش بيدخلوا الميل وبيكلموا ناس من عندى

3- بتوصلى رسايل مش معروف صاحبها على الميل نفسه وبالذكاء عرفت انها ملفات اختراف السيرفر

خير بقى بجد فى ايه ؟؟؟ياريت الناس اللى شغالة وعاوزة تعرف عنى كل حاجة تريح دماغها وتحل عنى

يعنى كريم الحريرى كتر خيره بيحاول يحجب ناس عشان متبوظش المدونة واخرتها؟؟

ماعلينا

ان شاء الله هكتب عربى على انجليش على فرنساوى بس العربى اكتر لانى لسه مش متمكنة

helloooooo , my darlings

at the present time , I`m learning english & french & spanish and hebrew languages

Through:-

1- To get free courses ( online) in all languages.

2- To talk with my friends around in the world ( this is useful).

3- To read bbc news , stories , blogs , newspaper , magazine ....etc

I will talk about planning in a day next week

in the next period , I wiil be very very busy because of personal things in my life

frankly, I`m very pleasured because of increasing visitors and entering them my blog

نيجى حبة عربى بقى

موضوع النهاردة عن الماهية والوجودية

طبعا الحمدلله الذى لا يحمد على مكروه سواه معروف عنى مفيش حاجات فيك يا دنيا الا وهبة سيد

حطيت دماغها فيها

فا ساسى بموووووت فى الفلسفة وعلم النفس

فقولت ما نتكلم شوية عن الموضوع ده ايه النظام يعنى اكيد هتستمعوا بموضوع النهاردة

ياترى كنت بقرا لمين من الفلاسفة واكتر واحد داخل دماغ هبة سيد ومتربع جوها هنشوف

الحمدلله قرات ل ابن رشد ، افلاطون ، سقراط ، ارسطو ، ديكارت ، المعتزلة ، الاشاعرة ، الصوفية ، الغزالى ،سارتر

روسو .....الخ كفاية عشان متتصدموش

بس اكتر واحد لاذق فى دماغى كده هو ديكارت

الراجل ده بجد دماغ بجد هو اصلا اللى تبنى المنهج الشكى فى الفلسفة وكان بيسموه بكارتيسيوس

هو فيلسوف فرنسى ورياضى وعالم وهو اللى كان من ضمن مؤسسى الفلسفة الحديثة

والرياضيات الحديثة ايضا

Rene Descartes est un mathematicien, physicien et philosophe , considere comme

l`un des fondateurs de la philosophise moderne

حبة انجليش بقى:D

Rene Descrates was ahighly influential french philosopher , mathematician , scientist

and writer , he been dubbed the ( father of modern philosophy )

تعالوا بقى نتكلم عن موضوع النهاردة من غير تفاصيل

ياترى ايه هى الماهية وماهى الوجودية؟؟؟؟؟؟؟؟؟؟؟؟؟؟؟؟؟؟؟؟

الماهية كلمة اصلا مشتقة من ماهي؟

معناها اننا بنشوف حقيقة الشىء وذاته التى تميزه عما سواه وبتختلف باختلاف وتعدد الاشياء

ولولا الماهية محدش فينا كان عرف الحقائق اللى حواليه

طيب والوجودية

معناها ان الانسان هو صاحب التفكير وله حرية الراى وارادة واختيار ولا يحتاج الى موجه

وهو اللى بيكون معتقداته وحياته وكده بس الغلط ان بعض نظريات الوجودية واليعوذ بالله

نفت وجود الله او انه كقوة على الانسان غير موجود

استغفر الله العظيم

وده طبعا غير صحيح لان ربنا سبحانه وتعالى اينعم بيسيب الانسان بحريته

ويتصرف كما يشاء الا انه لو حب يخسف بيه الارض هيخسف بيه

وفى امور مسيرة ومخيرة للانسان وفى قضاء وقدر

والدعاء من الممكن ان يقلب الاقدار

فكيف ومتى ومين بقى اللى هيبدع ويقول مفيش ربنا

لا اله الا الله

فقرات الوجودية بانواعها الغربية ..الكافرة ..الخ

طيب ما الفرق بين الماهية والوجودية؟؟؟؟؟

الاستاذ ديكارت قال ايه : ( انا افكر اذن انا موجود )كلام طحــــــــــــــــــــــــــــــن

بمعنى ان الانسان طالما بيفكر وليه عقل اذن ده اكبر شىء برهن على وجوده وتميزه عن جميع المخلوقات

لان ربنا سبحانه وتعالى كرم الانسان بالعقل والتفكير

فلو فرضنا ان فى مياه وعصائر وشوربة

فما هى الماهية وماهو الموجود

الموجود هو الماء حيث انه موجود بذاته لايتشكل

بينما الماهية هى العصائر والشوربة حيث ان المياه تتشكل فيها

طيييييييييييب

مادة الفكر فى القرآن نفسها موجودة حوالى 19 مرة

وكلمة تعقلون ويعقلون ذكرت حوالى 46 مرة بالقرآن الكريم

وانا حاولت اجمع الايات فى نهاية حديثنا لكى يستفيد الجميع

{وَهُوَ الَّذِي يُحْيِي وَيُمِيتُ وَلَهُ اخْتِلَافُ اللَّيْلِ وَالنَّهَارِ أَفَلَا تَعْقِلُونَ} (80) سورة المؤمنون{إِنَّا جَعَلْنَاهُ قُرْآنًا عَرَبِيًّا لَّعَلَّكُمْ تَعْقِلُونَ} (3) سورة الزخرف{أَفَلَمْ يَسِيرُوا فِي الْأَرْضِ فَتَكُونَ لَهُمْ قُلُوبٌ يَعْقِلُونَ بِهَا أَوْ آذَانٌ يَسْمَعُونَ بِهَا فَإِنَّهَا لَا تَعْمَى الْأَبْصَارُ وَلَكِن تَعْمَى الْقُلُوبُ الَّتِي فِي الصُّدُورِ} (46) سورة الحـج
هذا فضلا عن الإشتقاقات الأخرى لأصل الكلمة ومن ذلك:{وَتِلْكَ الْأَمْثَالُ نَضْرِبُهَا لِلنَّاسِ وَمَا يَعْقِلُهَا إِلَّا الْعَالِمُونَ } (43) سورة العنكبوت{وَقَالُوا لَوْ كُنَّا نَسْمَعُ أَوْ نَعْقِلُ مَا كُنَّا فِي أَصْحَابِ السَّعِيرِ} (10) سورة الملك
وتكررت كلمة (تتفكرون/يتفكرون) 15 مرة منها:{بِالْبَيِّنَاتِ وَالزُّبُرِ وَأَنزَلْنَا إِلَيْكَ الذِّكْرَ لِتُبَيِّنَ لِلنَّاسِ مَا نُزِّلَ إِلَيْهِمْ وَلَعَلَّهُمْ يَتَفَكَّرُونَ} (44) سورة النحل{لَوْ أَنزَلْنَا هَذَا الْقُرْآنَ عَلَى جَبَلٍ لَّرَأَيْتَهُ خَاشِعًا مُّتَصَدِّعًا مِّنْ خَشْيَةِ اللَّهِ وَتِلْكَ الْأَمْثَالُ نَضْرِبُهَا لِلنَّاسِ لَعَلَّهُمْ يَتَفَكَّرُونَ} (21) سورة الحشر{قُل لاَّ أَقُولُ لَكُمْ عِندِي خَزَآئِنُ اللّهِ وَلا أَعْلَمُ الْغَيْبَ وَلا أَقُولُ لَكُمْ إِنِّي مَلَكٌ إِنْ أَتَّبِعُ إِلاَّ مَا يُوحَى إِلَيَّ قُلْ هَلْ يَسْتَوِي الأَعْمَى وَالْبَصِيرُ أَفَلاَ تَتَفَكَّرُونَ} (50) سورة الأنعام
وتكررت كلمة (تفقهون/يفقهون) 14 مرة منها:{وَهُوَ الَّذِيَ أَنشَأَكُم مِّن نَّفْسٍ وَاحِدَةٍ فَمُسْتَقَرٌّ وَمُسْتَوْدَعٌ قَدْ فَصَّلْنَا الآيَاتِ لِقَوْمٍ يَفْقَهُونَ} (98) سورة الأنعام{رَضُواْ بِأَن يَكُونُواْ مَعَ الْخَوَالِفِ وَطُبِعَ عَلَى قُلُوبِهِمْ فَهُمْ لاَ يَفْقَهُونَ} (87) سورة التوبة{ذَلِكَ بِأَنَّهُمْ آمَنُوا ثُمَّ كَفَرُوا فَطُبِعَ عَلَى قُلُوبِهِمْ فَهُمْ لَا يَفْقَهُونَ} (3) سورة المنافقون
وتكررت كلمة (يتدبرون) مرتين:{أَفَلاَ يَتَدَبَّرُونَ الْقُرْآنَ وَلَوْ كَانَ مِنْ عِندِ غَيْرِ اللّهِ لَوَجَدُواْ فِيهِ اخْتِلاَفًا كَثِيرًا} (82) سورة النساء{أَفَلَا يَتَدَبَّرُونَ الْقُرْآنَ أَمْ عَلَى قُلُوبٍ أَقْفَالُهَا} (24) سورة محمد
وتكرر ذكر أولي الألباب في 16 آية منها:{إِنَّ فِي خَلْقِ السَّمَاوَاتِ وَالأَرْضِ وَاخْتِلاَفِ اللَّيْلِ وَالنَّهَارِ لآيَاتٍ لِّأُوْلِي الألْبَابِ} (190) سورة آل عمران{كِتَابٌ أَنزَلْنَاهُ إِلَيْكَ مُبَارَكٌ لِّيَدَّبَّرُوا آيَاتِهِ وَلِيَتَذَكَّرَ أُوْلُوا الْأَلْبَابِ} (29) سورة ص{هُدًى وَذِكْرَى لِأُولِي الْأَلْبَابِ} (54) سورة غافر

اتمنى ان يكون وجهة نظرى وصلت ليكم

وتمتعتوا بموضوع النهاردة جايز يكون مختلف بس ربنا يسهل فى المرات القادمة بقى

يلا سلام

هبة سيد والحقيقة الغائبة