الحب بهدلة

السلام عليكم ورحمة الله وبركاته

ازيكم عاملين ايه؟؟؟؟؟وايه اخبار الحياة معاكم؟؟؟؟

-فى الاول احب اتأسف جااااااامد جدا للناس اللى بدفعتى انا بجد فى ناس ضافتنى من بعد افطار الجروب

وحفلة التخرج ومكلمتهومش بس بجد العدد مع كمان مش بفتح كتير البعض اتضايق او مل ومسحنى من القايمة

فربنا يسهل واعتذر للناس دى بنفسى

-طبعا بشكر كل فرد ونفر دخل وزار المدونة من كل الدول فى انحاء العالم واللى كرر الزيارة للمرة التانية

والتالتة على التوالى للمتابعة

- بالنسبة لموضوع التعليقات انا حبيت اريح دماغى شوية من الناس اللى بتتدخل عشان تعكر دمى وطبعا لان الباقى

ملهوش ذنب فقفلت التعليقات وحطيت الجيميل اللى يحب يعلق يرسل على الجيميل وانا تحت امركم فى اى وقت

- انا كنت هكتب البوست بالانجليش نتيجة لان فى زوار عجبتهم المدونة كشكل ومضمون لكنهم عشان اجانب

فمقدروش يفسروا كل الكلام بس هحاول اكتب كده وكده مع بعض وفقرات لانى مش محترفة انجليش يعنى

-الحمدلله دلوقتى بحاول اعلم نفسى اكتر من لغة الى جانب اللغة الانجليزية وبشوف كام حاجة كده وربنا ييسر الحال

موضوع النهاردة بقى صغيوووووور خااااالص

واضح من اسمه جامد المضمون بتاعه وبصراحة انا كتبته نتيجة للمشاكل ولتهدئة النفوس

الحب بهدلة ااااه بس مش كل الحب كده ........لييييييييه؟؟؟؟؟؟؟؟؟؟

يعنى فى واحد محترم يحب واحدة محترمة النتيجة هتكون جوازة سعيدة ومحترمة طول العمر

لكن لو واحدة محترمة حيبت واحد مش محترم اكيد النتيجة هتبقى بهدلة

وهو ده من وجهة نظرى الحب بهدلة نتيجة لعدم الاختيار الصح لشريك الحياة وكمان الكل بينظر

للمظهر مش الجوهر

فى مشكلة محندقة جت لى واحد متجوز واحدة بقاله سنة اللى يضحك بصراحة انه اول يوم فى شهر العسل

خلع اللى فى رجله وقام ضاربها حتت علقة هههههههه واللى بيضحكنى انه ضربها لسبب هايف جدا جدا

قال ايه حضرتها ولعت على اللبن وسيبته قام اللبن فار عادى يعنى مخدتش بالها

لا حول ولا قوة الا بالله

ياجماعة ربنا رحيم وجعل بين الزوج والزوجة المودة والرحمة مش موضوع انك تضربها فى اول الجواز

او فى اخره او فى نصه

يعنى فى حاجة اسمها احترام للنفس واحترام للاخرين لو احترمتها اكيد غصبن عنها هتجبرها انها تحترمك

يعنى ربنا الرحيم بيرحم وانت عبد ولا روحت ولا جيت معندكش رحمة

عاوز تعاقبها عاقبها بالادب

ربنا يهدى الجميع

فى مشكلة برضو جاتلى ودى عاشر مشكلة وعلى نفس الشخص بجد انا اتخنقت هو اظاهر كان عامل ابونيه

فى المدرج وانا ولا واخدة بالى

واحدة بعتت ليه بتقولى زميل بحبه ويبص لدى ولدى ومش عارفه راسى من رجلى معاه

استناه ولا اتخطب ولا هو بيحب حد

؟؟؟؟؟؟؟

انا معرفش اقول ايه بس

بجد خايفة اظلم الزميل دون ذنب وخايفة يكون الكلام صح

عشان لو صح مش هبص فى وشه كده

وبكده صفحة سوابقه اتمليت عندى

وعامة كا حل يعنى:

يا تنتظريه كمهلة بينك وبين نفسك ومتروحلوش ولا تقوليله بحبك ولا زفت

يجيى هو يتقدم

يا تتكلى على الله وتهدى كده ولا كانك شوفتيه واتخطبى لواحد برقبته

والله انا لو مطرحك وطالما مكلمنيش وموعدنيش بمجيئه يبقى شكرا ودع هواك وانساه

ومين قال ان مفيش رجالة قسما بالله على قفا من يشيل زى البنات بالضبط

سيبيه وصدقينى مش هتعنسى وابعتيلوه ياحلو بانت لبتك ههههههههههههههههه

لا حول ولا قوة الا بالله

انا جيالى رسايل تتطلع الواحد عن شعوره والله

ياجماعة والله والله والله الموضوع مش مستاهل واحد مزعلك ومنكد عليكى متموتيش نفسك عليه يعنى

طالما هو مش باقى عليكى انتهت غيره يفرشلك الارض كراريس:D

وبينى وبينكم الجواز مش املة يعنى

بسم الله ماشاء الله بوست كله تهزيق فى الرجالة هههههههه ربنا يستر

شكل المدونة دى هتتقفل قريب على ايد مين معرفش

بس قلب المؤمن دليله

يلا سلام

هبة سيد والحقيقة الغائبة

الرؤى والاحلام

السلام عليكم ورحمة الله وبركاته

ازيكم عاملين ايه؟؟؟؟؟؟؟

بصوا هحدد معاكم كام حاجة كده عشان نبقى مع بعض على لمبة جاز:D

1- طبعا انا امبارح كنت بشوف كام حاجة كده رجعت افتح الميل مقدرتش اقرأ كل الرسايل

فاعذرونى هرد على نفر نفر مفيش قلق

بس هنعمل شىء افضل انا هحط الجيميل وابعتولى الرسايل الخاصة بالمدونة على هناك

2- نتيجة لانى الحمدلله دلوقتى فى حاجات كده لسه برتبها ولسه هنزل جامعة القاهرة واقعد مع الدكاترة ومعيدين

وشغلانة هبقى مضغوطة ان شاء الله الفترة اللى جاية لاسباب هذكرها ان شاء الله فيما بعد

لذلك ده هيبقى آخر بوست الشهر ده وعدد البوست الشهر القادم هيبتدى يقل فمفيش قلق

3-بالنسبة للناس اللى بعتالى مشاكل شخصية هحاول بجانب اللى بعمله ارد على حلولها فى رسايل خاصة

4-الناس اللى بعتالى بتقولى ماشية فى موضوعين ايوة مواضيع شغل والله والله:D

ولا اكثر ولا اقل

5- واحد بعتلى بيقولى انا كنت بشتغل وسيبت شغلى فكلوا حقى اعمل ايه اكمل معاهم ولا لا؟

لا طبعا دول كلوا حقك هتكمل معاهم يبقى شكرا

كان فى حديث عن رسول الله صلى الله عليه وسلم

مش متذكراه بس مضمونه

اعطى الاجير حقه حتى يجف عرقه

ده حقك انت مش بتتمنظر عليهم وتاخد ما هو لا يحق لك

اى استفسار آخر

موضوعنا النهاردة بعد السلام والتحية والصلاة على الحبيب المصطفى صلى الله عليه وسلم

وعلى آله واصحابه اجمعين

هو عن الرؤى والاحلام واضغاث الاحلام

وده من وجهة نظر العبد لله:D

ازاى بقى نفرق وايه المرحلة اللى بيسمح فيها للشيطان التدخل فى الحلم وافساده ويتحول الى اضغاث احلام؟

الرؤى عبارة عن رسالة / تنبيه/ تحذير / تبشير من الله عز وجل لعباده

فى ناس بتشوف رؤى كتير وناس قليل وناس لا

ده تابع لنواياهم فمن عامل الله واتقاه ربنا هيفتحلوه كنوز مش رؤى بس

فالرؤى هى رموز بيتم تفسيرها شجر .. بحر...صخر...قمر...الخ

الاموات رؤيتهم حق لكن ممكن الشيطان يتمثل فيهم الا سيدنا محمد صلى الله عليه وسلم محدش يقدر

يتمثل فيه

الاحلام عبارة عن احداث اليوم بتكمن كلها فى العقل الباطن وبتظهر فى صورة حلم

نتيجة للتفكير المستمر

اضغاث الاحلام دى كوابيس الشيطان بيبتدى يتدخل وينغص عليك حياتك ويعملك فيلم رعب

طيب الرؤى والاحلام والكلام ده كله ازاى وامتى؟؟؟؟؟؟

احنا طبعا بعد ارهاق اليوم بندخل نقرا قرآن وبنام عادى جدا

النومة دى بيسموها الموتة الصغرى لان الروح بتبتدى تروح للبرزخ وبتكون بين يد الرحمن

هنا بتم الرؤية لما الروح بتبدى ترجع الجسد المرحلة بين البرزخ والاستيقاظ من النوم

المرحلة دى بيدخل فيها الشيطان وبيسوى الهوايل

طيب الحمدلله الذى لا يحمد على مكروه سواه

ربنا انعم عليه فى ان اقدر على تفسير بعض الرؤى اللى فى استطاعتى واللى مبعرفوش مش بفسر

ولا بجاذف وبسيبها على الله وبتتحقق وبتفسر نفسها

ودلوقتى هقول امثلة بقى :

طبعا الحاج والحاجة مكنوش بيصدقونى اصلا

تعالوا نشوف انا حكيتلهم ايه وتحقق بالفعل

الرؤية الاولى : كنت فى تانية كلية بشهر رمضان الكريم فشوفت رؤية اللهم اجعله خير يارب

قال انا نائمة ومن راسى لرجلى نور ضخم وبين باب غرفتى والسرير

مكتب عليه مصحف مفتوح

وابن صاحب البيت بيحاول يفتح الباب لكن مقدرش يدخل الغرفة

تمام

فلما صحيت وعملنا الفطار وسمعت الشيخ الشعراوى كعادتى فى رمضان

واحنا بنفطر بقوله ( بابا عمرو ابن صاحب البيت عايز يتجوزنى ارفضه فبابا قعد يضحك

قال يعنى الصيام عمل عمايله فبصلى باستغراب لاقنى مش بضحك

فقولتله خلى بالك من كلامى واسمعنى كويس

ارفضه فقومت من على الاكل صليت المغرب )

بابا اصلا بيحب ينزل ويطلع كتير فنزل على كافتيريا يقعد مع اصدقائه

المهم جوز خالة الواد كلمه

هههههههه

فبيقوله الواد متعلق بهبة على هيئة ان انا من الصغر قدامه ديما يقصد

وقاله وافق وطلباتك مجابة لانهم من الطبقة العليا

الحاج رفض وطلعلى

هبة قولتله نعم يا حاج قالى هو كلمك قولتله هو مين؟؟

قالى عمرو قولتله لا ما انت عارف انه اساسى بيحرج منى

قالى امال عرفتى منين حكايتله على الرؤية ومن ساعتها بقى يصدقنى

المشكلة ان بسبب الواد ده عزلنا من البيت لانه طلبنى تلات مرات

فابويا اتخنق ورتب حساباته وخلعنا من هناك

الرؤية التانية : دى خاصة بزميل عزيز هو محمد حمدى شوفته بيصلى فوق مبنى تجارة انجليش

ووجهه ملىء بالنور

فكان تفسيرى لرؤية انه ايمانه عالى جدا ربنا بيحبه جدا والمبنى اللى هو اعلاه

يعنى وصوله الى القمة سواء فى التعليم والعمل وبشرته بكده

وهو كان بيستبشر بوجهى كل سنة والحمدلله ربنا كرمه اخر كرم

الرؤية الثالثة : انا كنت جايبة فى التيرم الاول78 درجة ونورة 86درجة

المهم جاء التيرم الثانى

فقبل النتيجة باسبوع نورة شافت رؤية بأن هى قدامها 40 بيضة وانا قدامى 40 بيضة

اد بعض

فقولتلها كل دى مواد هنشيلها ولا ايه

هههههههههههههههه

المهم خدنا الموضوع هزار

ببص على النتيجة لاقيت انا وهى جاييبن 162 درجة اد بعض بالضبط

فقولتلها رؤيتك تحققت بالفعل

لان انا وهى كان نفس عدد البيض

الرؤية الرابعة : ودى اهم رؤية فى حياتى منتظرة تحقيقها كان فى سنة ثالثة كلية صليت استخارة

على شخص الكل ادعى بأنه رمز للادب والاخلاق والصلاة والصوم

بس مكنتش ميالة ليه مجرد صلاة بصليها لو فيه خير

ربنا هيكتبهوله او لا

فصليت ونمت

شوفت فى الرؤية انى قومت من نومى وبصرخ كأنى بتحدث الى احد

وبقول هينفعنى ولا لا مش متذكرة اللفظ بالضبط

المهم سمعت الملائكة بصوت عالى وزعيق لالالالالالالالالا

فاتخضيت وببص من الشباك

لاقيت قمر فى منتصف السماء وجنبه سحابة مليانة مياه

وفوقى فى السماء برضو 3 نجوم

صغار

وقعدت اغنى اغنية لسيدنا محمد صلى الله عليه وسلم وسمعت بالشيماء تغنى معى

وانتهى الحلم

انا بقى لما صحيت مسكتش قعدت اسأل

سألت شيخ فقالى الشخص اللى عملتى عليه استخارة ده مش هينفعك لاسباب يعلمها ربنا

لكن فى شخص قادم بالمستقبل

اللى هو القمر فقد يكون واخد صفات القمر فى الشكل او الطبع او الاتنين معا

وسوف يكون له رزق واسع ومركز بالمجتمع

اما الثلاث نجوم فهم اطفالك منه فسوف تنجيبى باذن الله ثلاث بنين ولن تأتى بالبنات

فشكرت الشيخ وتوكلت على الله

بس طبعا يمكن دى الرؤية الوحيدة هى ورؤيتين مشابه لسه لم يتحققوا بعد

الله اعلم فهو يهدى من يشاء ويعز من يشاء ويذل من يشاء

ويرزق من يشاء بغير حساب

وهو على كل شىء قدير

كله على الله

الاستخارة جميلة جدا جدا جدا

الانسان اللى بيتقرب من ربنا بينورله طريقه وبيبين له اشياء كثيرة

بتحدث حوله

اذكروا الله يذكركم

اشوفكم بعد فترة الله اعلم

يلا سلام

هبة سيد والحقيقة الغائبة

بــــــــاقى التــــــــــاج

السلام عليكم ورحمة الله وبركاته

هييييييييييييييييييه انا جييييييييييييت :D

ميرسى ليكى ياسلمى ومنورة ياقمر

بصوا بقى ان شاء الله هحاول انزل بوست كتير ورا بعض

لان فى ناس بعتتلى وبتتدخل تقرا كتير

والله الواحد بدا يشك فى عداد الزوار

اصل المدونة اساسى لما بنزل شىء بينزل فى منتدى الفردوس فمش بيحتاجوا

يدخلوا المدونة بيقراوا موضوعاتى هناك على طول

وان شاء الله بكرة هتكلم عن الرؤى والاحلام بقى وايييييييييييييييييييه هتبقى مذبحة بكرة:D

رابعا: البيت

من ناحية البيت فانا اساسى متعودة اقعد فيه ديما وده راجع لسبب رئيسى

وهو انى من صغرى بابا على طول مسافر فى دول

كتيييييييير ومش بنشوفه الا بعد شوقه زى مابيقولوا لدرجة لما نهله اختى وهى صغيرة شافته

مرة خافت منه لاننا مكناش بنتعود على وجوده بالبيت كتير كان يجلنا زيارات

سافر اسوان-اسيوط -الصعيد بالاصح من جنوبها لشمالها - شرم الشيخ - الغردقة - حفر الباطن- المدينة المنورة

- موريتانيا-عمان...الخ

الله يعينه بجد

فالمهم احنا بنات مفيش خروج ولو خرجنا بيبقى مع اهلنا

انا تقريبا مخرجتش الا على كبر مع اصحابى فى رابعة ادارة :D

فالبيت بيمثل ليه الاساس اللى مقدرش استغنى عنه ولو قعدت فيه سنين مزهقش

خامسا: الثقة

بثق فى نفسى واقعد اقول هبة سيد

هبة سيد

قدام الناس لكن امام نفسى بحس بتردد فى قولها مش موضوع عدم ثقة

بس بخاف اتغر والناس متحبنيش

لان مش كل واحد هيعرف طبعى

اما الثقة فى الناس فانا اى حد يقولى حاجة اصدقه

تصدقى فلانة شتمتك امبارح وازعــــــــــــــل واتارى البت بتهزر

فا كريم زميلى مش اى حد يابنتى تصدقيه هو مستغلبنى انا واختى

عارف ان اللى على قلبنا على لسانا وبنثق فى الآخرين فى التعامل

وكريم هاين عليه يفرجنا الدنيا كلها عاملة ازاى لانه عارف ان بابا وماما حطونا فى زجاجة وقفلوا عليها

فا كريم كان بيقولى هتعيشوا مع الناس ازاى بالشكل ده

واظاهر صعبنا عليه

سادسا: بيوتية ولكن .....

بحب البيت اوى اااااااااااه ولكن بمووووووووووت فى التغيير فى البيت

وفى اللبس وفى الشكل

بطبعى بكره الروتين

وده شىء حلو طبعا فى عالم ملىء بالانفتاح والمعرفة

بحب اتجمع فى الوقفة بتاعت العيد الكبير عند خالتى

ونقعد وندبح كلنا هناك

وبشوف الفرحة لما ولاد خالى خالد وكريم وعمر و محمد وسارة ونورهان ...الخ

كلهم فرحانين بالخروف والعجل وهما بيدبحوا

وقولت لمصطفى نفسى اعمل اى حاجة معاك عشان اخد ثواب

اللى عملته انى كنت بتفرج من بعيد

عليه وهو بيدبح العجل والخروف

هههههههههههههههههههههههههههههه

يمكن دى تعتبر الفسحة الاساسية كل سنة ولو حد جالنا او كده

ولسه عارفه ساقية الصاوى من قريب

فيلا اهى ايام وبتعدى

سابعا: التفكير

ياااااااااااااه انا اصلا بقيت مولد كهربائى بسبب التفكير من كتر ما بحلل

الشخصيات والمواقف والموضوعات والتفكير فى حياتى الشخصية والمهنية

بقيت والله بطلع كهربة ههههههههههههه

ثامنا:الرأى

بحب اوى اشور ربنا الاول وبعد كده الخلق وفى الاخر طبعا اللى ربنا بيريده

انا بعمله

ومحبش اجادل حد الا فى حالة المامى بالموضوع محبش اجاذف فى شىء

معلمش عنه شىء

وبحترم راى الاخرين حتى ولو معجبنيش

تاسعا: الحرية

الحرية فى الراى

الحرية فى التعبير

الحرية فى التعامل

لكن الناس بتستعمل لفظ الحرية كستار لتخفى بيها اعمالها المخذلة و الخارجة عن الآداب

وده طبعا مش صح

الحرية شىء جميل وياااااه يااااااه لو بناء على مبادىء وضوابط وقواعد والتزام

هتحسوا بمتعه فى الآداء

عاشرا: دموعى

دموعى عزيزة جدا فلن ابكى الا وانا بين يد الرحمن وفراق المحبوبين

لكن الدموع الحقيقية لا يراها احد فهى فى قلبى وعينى كالبحور

لا يراها ولا يحسها احد الا الله سبحانه وتعالى والموتى ومن يشعر بى من العباد على وجه الارض

فول استوب

كلاكيت 10 مرة

يلا سلام

هبة سيد والحقيقة الغائبة

تــــــــــــــــــــاج

السلام عليكم ورحمة الله وبركاته

اهلا بيكم معى من جديد وموضوع جديد بس المرة دى ادبست فى تاج كده وكان لازم يتجاوب عليه

واللى دبستنى فيه صاحبتى الانتيم شوفتوا بقى ههههههههههههههه

هى شيماء الجارحى ماشى لما اشوفها بس

التاج عبارة عن كلمات بس عندى الكلمات دى مضمونها كبير اوى

اولا: الحب

الحب فى معناه جميل اوى اوى ولو فعلا حد يعرف معناه الصح مكانش ده بقى حال الدنيا

حبى الاول هو حبى لله عز وجل الذى خلقنى وكرمنى وجعلنى فى احسن تقويم ، ربى اللى اعطانى نعم لا تتحصى ،

ربى اللى وقف بجانبى دائما فى ازماتى ، ربى اللى لما بدعوه بدعوة ابواب السماء تفتح الي ويستجيب الى دعائى

، ربى الذى اعطانى البصيرة ، ربى الذى غرس فى قلبى الحب والحنان فلا اقدر على كره احد ،

مهما اقول فلن اوفى حق ربى عليه ومهما شكرته فلن اوفى ربع ما اعطانى من نعم

فانى احبه لذاته ليس خوفا من النار وطمعا فى الجنة ، فعندما ارى الآسى بحياتى اقول اليه

اذا كان يرضيك ما انا فيه فزدنى آسى فاستمع الى الرعد والبرق والسماء ترُج رجا

وكأن الله سبحانه وتعالى يرسل لى هتافات بانى اسمعك واراكى ولا تحزنى ابدا فلن اخجلك مهما طال الزمن

فكده يعتبر حبى الاول هو حبى لله وكل ماخلق من رسل وملائكة

حبى الثانى رسول الله صلى الله عليه وسلم تمنيت ان آراه فلله الحمد رايته فى سنة تانية كلية

ولن انسى وجهه الجميل المنير ولا ابتسامته التى جعلت وجهى لايفارق ابتسامته للناس

حبى الثالث يضم امى وابى واختى الوحيدة اللى طلعت بيها من الدنيا

حبى الرابع هو حبى لزميلاتى وزملائى وهو درجات الاولى

صديقتى الانتيم نورة التى تحملت معى مصاعب الزمن ووقفت بجانبى فى اصعب المواقف

ودافعت عنى امامى وفى غيابى فهى حق عليه ان اشكرها ايضا فى غيابها

وصديقتى الثانية منى التى كانت تجعلنى ارى الناس على حقيقتها حيث انها تعلم ما بداخل هذا وما بداخل هذه

وصديقتى الثالثة والرابعة شيماء وسلمى والذى اغفلنى عن صداقتهما الزمن فلن القاهم سوى بالسنة الاخيرة وبالاخص

فى اجازة نهاية العام

فا شيماء تفهمنى من نظرة عينى وسلمى تحس بنبضة قلبى

والخامس هو محمد حمدى شخص يحبه الرحمن والملائكة فكان لفرائض ربه اكثر طاعة

وفى اتقاء ربه اكثر التزاما

وتعامله نحوى ونحو غيرى اكثر ادبا واحتراما

فكان عند آذان المغرب يقول اثناء المحاضرة انا رايح اصلى

اقوله يا حمدى المحاضرة يقولى المحاضرة تستنى لكن فرض ربنا ميستناش

عشان كده يعتبر محمد حمدى من اقرب الناس الي فى التعامل

و محمود اسماعيل رجل بمعنى الكلمة والرجال قليل ياتى بالحق ولو فى فم اسد

لا يخشى سوى الله عز وجل فانه مطيع لاهله فى كل امر

ومحب لاصدقائه لكن الحياة لا تعطيه الكثير واتمنى له التوفيق فى حياته

و عمر الجارحى رجل العلم والدين فانى اطلق عليه هذا اللفظ تكرارا لانه يستحق هذا اللفظ

فى نظرى انه يجمع بين الدين والدنيا فى تصرفاته وهذا سليم

وهو شكله بيحب الندوات والخطب اوى اوى

لكن مع الاسف كل ما احاول افسر اى موقف او تصرف او فعل

بيطلع فى الاخر تفسيرى غلط

مش موضوع انى مش فاهمه الشخصية او الشخصية صعبة لا لالالا

الموضوع انه كاتوم فمعرفش استخلص اى حاجة فى اى حاجة

بس هفضل ورا الشخصية دى لغاية ما اعرف ايه حكايتها لانها شخصية تستحق البحث

طبعا مش هقدر اذكر كل الشخصيات بس اكيد طبعا الناس عارفه انا بقدرها اد ايه من غير كتابة يعنى

ثانيا: ما قدرش

ما قدرش ومعرفش انافق حد فصراحتى تغلب لسانى وقلبى وابوح بالكثير مهما كان الثمن

ما اقدرش اكذب ولو كذبت محلفش

يعنى موقف حصل فلان بيقولى انتى حلفتى انه مش فلان

كان عن المنتدى

فانا قولت على الميل والله ما هقول ؟

ولما اتكلمت فى التليفون عشان مقولش هو مين قولت اسم واحد تانى خالص

اذن انا حلفت على الشخصية الحقيقة وغير كده لانى محبش اوقع بين اتنين

انا كنت بتقطع ومنعت الاكل والشرب عشان اتظلمت وانا معرفش فى ايه اصلا

ولكن اتهمت كتير بالكذب وده مش ذنبى

وماقدرش ازعل حد ولو زعلته او كلمته ببرود لازم اصالحه وبالعافية

ممكن ما يصالحنيش او متصالحنيش بس انا باخد حسنات من وراهم ورضيت ربنا

ثالثا: الحزن

عمرى ما كرهت فى حياتى سوى الحزن والكآبة لان بطبعى بحب التفاؤل جداااااااا

والضحك وبكره الغم

كفاية كده المرة دى المرة الجاية هكتب باقى التاج

فول استوب

كوما

يلا سلام

هبة سيد والحقيقة الغائبة

الحلقة الثالثة: شياطين الانس والجن والرؤى والاحلام

السلام عليكم ورحمة الله وبركاته

احم احم لاحول ولا قوة الا بالله :D

الواحد مصـــــــــــدع على الآخر والواحد كان بيفيش الهوامش بس محدش يستغرب لان خلاص فعلا من البلد دى

طبعا شكرا جزيلا للناس اللى بالدفعة اللى عبرونى وعجابهم المدونة وسألوا

عنى وانا تعبانة بس الحمدلله انا خفيت ومفيش مشاكل لان فى ناس بالدفعة بتسال لدلوقتى

وانا رديت على نص الرسايل والايميلات وارد عليكم كلكم قريب بس اعذرونى مشغولة اوى

ويعلم ربنا بكتب وانا مش شايفة قدامى اصلا

النهاردة بقى بناء على رغبة الجماهير المصرية والسعودية والاوروبية والاردنية

سوف اكمل حديثى عن السحر بتعمق شوية وتوسع اكبر

طبعا امبارح كنت فى نقاش جميل بينى وبين سلمى عن تفسير الرؤى وموضوعات شخصية

وحوار طحـــــــــــن بينى وبين شيماء الجارحى كنا بنقطع بعض فى النقاش على الميل هههههههههه

وانا وعدتكم بانى هنزل حاجات وافية بتطبيق سواء على حياتى الشخصية او الآخرين بالمودنة كمثال

اولا: السحر عشان نبقى كلنا على لمبة جاز قصدى على نور هههههههه اى حد بيعمل اعمال او سحر

لازم بيكفر بكل الاديان واليعوذ بالله وده حرام حرام وربنا بيسقط على الساحر غضب آجاركم الله

ثانيا: السحر عشان برضو نبقى مع بعض فى الصورة عبارة عن شيطان او جنى مسلط ومسخر من الساحر

نفسه على المسحور وتخريب بيته او اى شىء من قبيل الاذى

ثالثا: السحر له انواع منه المأكول والمشروب والمرشوش ...الخ

المأكول اللى بيوضع بالطعام والمشروب كذلك ونفس الوضع المرشوش ده بيكون على عتبة باب الشقة او المكان

اللى ممكن الشخص يخطى عليه

طيب هل بيبان السحر فى الاكل والشرب؟؟؟؟؟؟؟

لا مع الاسف لان بيتم كتابة ورقة وتحضير بخور معين حسب العمل وتسخير الجن الموكل لفعل كذا وكذا ويكتب

بزعفران اسماء بعض ملوك الجان وبيتم وضع الورقة فى شوربة او ماء او عصير

حتى يتم اذابة محتويات الورقة من طلاسم ( اللى هى لغة مش مفهومة ) وبعد كده الورقة بتتشال وبيقدم للفريسة

العمل حسبـــــــــــــــــــى اللـــــــــــــــه ونعـــــــــــــم الوكيــــــــــــــــل

دلوقتى نعرف بقى السحر منه ايه؟؟؟؟؟؟؟؟؟

- فى سحر تفريق وهو ما يفرق بين الزوج والزوجى

- فى سحر محبة وجلب وتهييج وهو عبارة عن سحر بيخلى الرجل او المراة زى مجنون ليلى تماما

بيحب دون وعى

- سحر ارسال باللغبطة وده سحر لتشتيت الافكار والتردد وعدم القدرة على اتخاذ قرار سليم

وده ممكن يوجد بمشروب او ماكول وبيستقر بالمعدة

..............الخ

طبعا فى فترة تدريب الشغل اتعرفت على زميل بجد دماغه تحفة هو اصلا مرشد سياحى

وعشان هو متدين جدا ترك العمل بالسياحة واتجه الى اخذ العديد من الدبلومات بكافة الكليات

منها دبلومة السحر والتحنيط بكلية آثار القاهرة السنة دى

فأنا نوعى بحب المعلومات فى شتى المجالات واسمع واناقش لكن لا اجادل فيما لا اعلم عنه شيئا

فحكا لى عن السحر من ايام الفراعنة وان كان فى مدرسة للكهنة مش بيدخلها غير اولاد الناس

زى ابناء الوزراء واولاد الملك وكده

وذلك لتعلم اصول السحر

وقالى ان كان فى حاجة اسمها المركبة الشمسية كان بيركب فيها الملك والملكة والحاشية ويطير فى السماء

قولتله ازاى يا احمد ؟؟؟؟؟؟؟؟؟؟

قالى من خلال تسخير الجن الطاير بيحط المركبة على ظهره وبيطير بيها

وكان فى كتب بالاهرام بس فى ناس سرقت كتابين مننا وخدوه بالمغرب منهم كتاب السحر الاعظم

عشان كده هما اشرس ناس على مستوى العالم فى السحر وبالاخص السحر الاسود واليعوذ بالله

فا احمد دلوقتى بيحاول يعمل دراسة عن الموضوع ده وبيعالج ناس بالفعل بمنطقته وبيسجل فيديو وصور

الجن عند طلوعه من الجسد وقالى هبعتلك الفيديو بس طبعا انا هتفرج لوحدى

عشان محدش يدعى عليه

الحاجة الغريبة اللى عرفتها منه ومن بعض الشيوخ اللى ليهم وزن بالبلد

ان فى نوع من الجن الشرس مينفعش يطلع بالقرآن

طبعا انا زوهلت اتارى ده نوع من المجوس واليهود لازم تسخير جن مسلم قدامه عشان يحاربه

او خادم من خدام القرآن الكريم عشان يقضى عليه او يتم سجنه وتأديبه

الجن زينا بيتأدبوا وبيعذبوا وبيسجنوا

فى ناس دلوقتى هتسألنى ايه الفرق بين تسخير الجن وخدام القرآن؟؟؟؟؟؟؟

فى فرق طبعا شاسع

تسخير الجن هو ان الانسان بيستخدم الجن فى اتمام بعض الامور ولكنها جميعها فى اتجاه الشر واليعوذ بالله

لانهم بيستعينوا بجن يهودى ومجوسى

....الخ

قال تعالى : ( وانه كان رجال من الانس يعوذون برجال من الجن فزادهم رهقا) صدق الله العظيم

والجن انواع

منهم الجن الطاير وهو ذو اجنحة والناس اللى بتعرف معمول عمل ولا لا ومين اللى عمل

بيعرفوا باسم الام والجن الطاير بيشوفلهم العمل هل معمول على النجوم ولا لا؟

وده بعلم الفلك

وعشان الكل يبقى عارف فى سحر دائم

وفى سحر بيبطل مفعوله فى شهر او بعد شهرين وبيجدد

ده نتيجة لان الاعمال اللى على النجوم

لما النجوم بتتجمع امام الله لتحاسب كل فترة بتفك الاعمال من عليها فبتبطل

وفى الجن الغواص

وده ناس بتعمل عمل لناس وترميه بمحيط البحر

او تكتب على قرموط او سمكة ومحدش يعرف يجيبوه

الجن الغواص ده بيجيبه بقى

اما خدام القرآن الكريم هما خدام السور الشريفة فلكل سورة بالقرآن خادم ولا يفعل سوى الخير للناس

ومايرضاه الله سبحانه وتعالى

والانسان اللى بيتعامل مع الخدام لازم ميحبش الا الخير للناس واوعى يفكر ولو التفكير بسوء والا انقلب عليه

ودى حاجات قرئتها وسمعتها والله من مصادر موثوق بها

وانا قولتلها لسبب للمعرفة

ثانيا ارجو من الناس الرحمة فانكم تفعلون ما يغضب الله عز وجل

ثالثا لثبات الايمان وازدياده بقلوبنا

كفاااااااااااااااااااااااااااااايه يا احبائى فى الله

بجد الدنيا ماهى الا كجناح البعوضة لا تسوى بالنسبة لى شيئا

سوى حبى لله وحب الله عز وجل اليه

اسأل الله لى ولكم الرضى والحب وزوال النقمة ودوام النعمة

واشهد ان لا اله الا الله وان محمد رسول الله

يلا سلام

هبة سيد والحقيقة الغائبة

الحلقة الثانية : شياطين الانس والجن والرؤى والاحلام

السلام عليكم ورحمة الله وبركاته

ازيكم عاملين ايه؟ انا قولت انزل بوست سريعا لان الموضوع ده حلو ولان الموضوع اللى فات كتبته

وانا دماغى متعبة ويمكن بسبب كده معجبش حد او اتفهم غلط

طبعا الكل بيشوف قناة الحقيقة للشيخ محمد الهاشمى وبرنامج عم يتساءلون وبرامج كثيرة جدا

فى قناة الناس وخلافه اكثرها يتحدث عن السحر وطرق علاجه بالرقية الشرعية

وبعضنا يقول ان السحر ليس له مفعول ولم يفعل شيئا او لايوجد سحر من الاساس

على الرغم ان رسول الله صلى الله عليه وسلم سُحر وتقريبا العلماء قالوا كان سحر من سنة الى ثلاث سنوات

ولما الرسول عرف او حس بذلك عمل رقية للتخلص من هذا السحر

وان شاء الله هتكلم فى الحلقة دى عن فعلا فى جن وشيطان عايشين بينا ولا لا؟؟

والرقية الشرعية والايات وكيفية وضع السحر للاشخاص دون الشعور به؟

ربنا سبحانه وتعالى خلق الجن والانس لكى يعبدونه ويطيعونه فى كل امر وفى كل وقت وفى اى مكان

ومعروف ان الانس عالم والجن عالم آخر

ولا يجوز بل محرم زواج انسى من جنية والعكس

فى ناس مش بتصدق ان فى جن ممكن يحب انسية وطبعا الكل عرف دلوقتى ان فى حاجة اسمها

المس العاشق

وده عبارة عن سحر لما بيطول فى الجسد بيبتدى خادم السحر وهو الجنى يحب ويعشق صاحبة الجسد

وفى نظره وكأنها زوجته ولا يحق لجنى آخر او انسى ان يتزوج بها

وده اللى حاصل عند البعض بسحر يدعى سحر تعطيل الزواج

وطبعا المس العاشق مش شرط يأتى من عمل معمول ولكن ممكن لو واحدة او واحد فرحان بنفسه وواقف امام مرآة

بيبتدى قرينه يحبه لكن ميحبلهوش الخير طبعا

طيب الحاجات دى ايه اللى خلانى اكتشفها ومع الاسف كنت فى حالة زوعر بس ربنا طبعا ولله الحمد راضى عنى

ساعة امتحانات التيرم الاول فى سنة رابعة كنت بذاكر ادارة بنوك

ومنمتش تقريبا اربع ايام صاحية وروحت الجامعة كالاموات كل اللى يشوفنى بيزعل عليه

المهم لغبطت بالامتحان ونمت فى الميكروباص وكنت ببكى وانا نايمة لانى ذكرت كويس لكن اللغبطة مش هتوصلنى للامتياز

فبعد ما روحت البيت ونمت وصحيت على موبايل منى صاحبتى كانت بتسال عليه كان 4 الصبح

الاقى نفسى دماغى كأن امواج بحر ودوار جواها وحاجة بتحاول تقرب بس انا شعرب بيه لكن مش شيفاه

فأنا نطيت من على السرير وعليت الراديو على القراءن فقولت يمكن تهيآت

صليت ونمت

اجاى الصبح حد بيشدنى من شعرى بعنف ومش كابوس والاقى حاجة طويلة سودا قدامى بس انا نايمة

وعاوزة افوق

فقولت يمكن الامتحانات

فربنا سبحانه وتعالى كان بيحط قدامى حاجات وابتلاءات شتى

عشان يختبر ايمانى وهعمل ايه؟؟؟؟؟؟

فقومت ضيفت على الميل الشيخ محمد هداية واتكلمت معاه

فقالى ممكن تذكرى الاعراض فلما ذكرتها سكت قالى طيب عندك كام

قولتله مع الاسف بايظة هو كان عاوز يشوفنى ويشوف الاودة اللى انا فيها

هو ليه حساباته

وبعد كده انقطع الاتصال بينى وبينه ومعرفتش اكلمه تانى

ومع العلم انى مش محبة للمرآه

فقولت هو انا هفضل كده قولت لا ؟

انا هروح الحصرى احفظ قرآن واتمسك واشوف الوضع

المهم موضوع الحفظ ماكانش بيكمل نتيجة للجهد والوقت معرفش المهم ماكانش بيكمل

فانا متعودة انزل فى اكتوبر باسدال ليه معرفش بس دماغى كده

خارجة من المسجد فواحد بيقولى ربنا معاكى ومشى

فاستغربت ولما ركبت المخصوص واحد دعا ليه لوحده

فبرضو استغربت

فأول ماروحت جيبت كوباية مية وقرأت عليها الآتى : الفاتحة - الزلزلة ( 7 مرات )- الكرسى ( 7 مرات )- لا يفلح الساحر

حيث أتى (7 مرات)- الاخلاص والمعوذتين ( 3 مرات )-ومن يس الى مبين الاولى -وقولت بفضل بسم الله الرحمن الرحيم

ارقى نفسى من كل همى وجنى يتابعنى واشفنى من كل داء فانك رب العالمين سميع الدعاء

دعاء بسيط ومش متكلف ومن الآخر لازم تقرأ بحضور قلب وخشى وهتشوف الامور عاملة ازاى

وانا بشرب الميه قسمابالله ما قادرة اكملها صبر مية صبر بجد

وقولت فى عقل بالى حسبى الله ونعم الوكيل

والحمدلله حياتى طبيعية وماشية فى الدنيا عادى

وشفيت من كل شىء يؤذينى

الفرق بين المس والتلبس؟؟؟

ان الشخص الملبوس واليعوذ بالله كان بيغنى فى حمام او وقع مياة ساخنة ...الخ

فاللى بالخلاء بيلبسوه لان ده مكانهم وهو آذهم

فبتبقى حالته مش طبيعيه

اما المس فده شىء اصاب به ملايين الناس وممكن شخص بيصلى ويعرف ربنا

وميعرفش انه عنده مس

والكلام ده عرفته من شيوخ بالازهر وبالحصرى والاوقاف

وبالرغم من حفظه للقرآن كاملا

بس لكل حاجة قولها

يعنى فى آيات اعرفها ممكن والله تنطنط اجدعها جنى حتى ولو مجوسى

سورة البقرة ( 1-4) ، (163-146) ،(255-257) ،(285-286) ،سورة الاعراف ؟(54) ،المؤمنون (115- 118)

الصافات (1-10)،الحشر (21 -24 ) ، الاخلاص والمعوذتين ، الفاتحة ، الجن ، الدخان

آل عمران (18 ) فالحمدلله رب العالمين تدخلت فى الدين والحمدلله ملمة بجزء كبير منه

وبطبقه بالفعل

ونفسى ربنا يفتحها عليه واتعلم ارقى البشر واقوم بمعالجتهم

لكى يزيد رضى الله سبحانه وتعالى عليه وما اتانى من علم كى يستفيد به العباد

طبعا فى حاجات كتير فى الموضوع ده بس انا اكتفى بهذا القدر

والمرة القادمة باذن الواحد القهار خالق كل شىء وصانعه

سوف يكون موضوع المرة القادمة عن الرؤى والاحلام وما الفرق وبامثلة

شكرا لكم

والى اللقاء

هبة سيد والحقيقة الغائبة