السلام عليكم ورحمة الله وبركاته
اولا بعتذر عن شىء لم افعله بعد؟؟؟؟ معرفش بجد مين اللى كتب التعليقات
طيب هل لو حد بيحب حد يكتب كده طيب ماتقول انت مين محرج طيب
قول لصاحبة الشأن يجوز ربك يرضى عنك وافكر وارد بالقبول او الرفض
لان بجد اللى حصل على المدونة ده تهزيق ليه من الاخر يعنى
يلا حصل خير
ان شاء الله هتكلم النهاردة فى اكتر من نقطة وارجو القراءة بعناية
اول نقطة : حكاية سهرتنى جامد اوى خليت دماغى شطحت ونطحت وكرهت كل حاجة وكله بقى اسود
مفيش الوان خلاص
واحدة بتسالنى بتقولى انا طلبت فلان لانى كنت بشوفه بيبتسم ومهتم وكده يعنى
فكلمته فى نهاية الدراسة عن ارتباط وكده
الباشا غرضه يكمل بس ظروفه مش سامحه
قولتلها ربنا يقدم الخير
الغريب واللى مخلى دماغى ناطحه حبة اتنين اربعة خمسة ستة
ان الموضوع اتفتح واتقفل واتفتح
فبتقولى هل انا اخطأت فى هذا الطلب
؟؟؟؟؟؟؟؟؟؟؟؟؟
المهم انا قاعدة بشوف الكلام واستمع الحمدلله الله سبحانه وتعالى رب قلوب
مش رب مناظر
الباشا عاوز الموضوع يستمر قولتلها خير خير
وهو بينظر للجميع بنفس نظرة الاهتمام
طيب هل بقى من وجهة نظر هبة سيد هل لو الكل عمل زيها وطلبوه
هيوعدهم بانه هيكمل وهيستمر فى الارتباط والخطوبة
ولا دى مجرد مجاملات وبيتسلى
طبعا انا مفهمتش ومعرفتش احدد اصلا
وانتى يا امى مش غلطانة الغلط منه هو الله يهديه بجد
بس ده يعلم واحدة زى حالاتى ان لو حد اتقدم وهو اللى بيحب اذن هيحافظ عليه صح
وعلى فكرة هتخطبله فورا
احسن ما اجرى ورا سراب وماينوبنا غير الزعل
تانى نقطة: انى بجد عاوزة اى حاجة جديدة اعملها تقريبا يوميا بروح مقابلات فى الشركات
ومش عاوزة اقعد على النت وكرهت حتى البيت
اكتريت الشغل بمصر sales بس بهدلة
والناس مش زى الاول
وعلى راى محمد هنيدى الحب مش مضمون
فقررت كالتالى انى اسافر امريكا عند اقارب والدتى عندهم بنتين من نفس عمرى
عايشين بكندا بفكر اذهب اليهم كزيارة واحصل على اقامة
اقعد هناك 5-6 سنوات ومش بعيد اقعد هناك وماارجعش هسيبها لكم مخضرة
يلا ومش بعيد استقر هناك واتجوز اجنبى واغيظ الشعب كله
بسP-:
اصل الرجالة فى مصر اكتشفت ان اكثرهم تعبانين نفسيا بيحبوا ويبتسموا ويبصوا كتير
ربنا يهدى يارب
ثالث نقطة: والله شكلى هيجيلى نقطة وانا قاعدة ههههههههههههههه
المهم لو محصلش نصيب فى الشفر لكندا فى منح بتتعمل فى مصر لكاليفورنيا فى شهر اغسطس
تقريبا
عن التسويق وكده وربنا يسهل يمكن يساعدنى الحظ واسافر
هناك دراسة وشعل وراتب وعمولات محترمة
وفى سعر للبشر مش هنا ارخص حاجة الانسان
بصراحة امريكا مش هى حلمى الاساسى
لانى من زمان بقول لو ربنا اراد لى السعادة ببلدى ماكنت افكر فى ان اتركها
وكان حلمى الحقيقى لو مالاقتش سعادتى اتركها واسافر انجلترا او فرنسا فى منح تابعة للدولة طبعا
الحمدلله كل يوم طموحاتى بتزيد كل ما اشوف حاجات وحشو وتصرفات غبية من الرجل
طموحاتى بتزيد بشكل مش طبيعى
نفسى احفظ القرآن الكريم ومفيش وقت
نفسى اتعلم بيانو - جيتار ومش عارفه اخلق وقت
نفسى اشترى شقة وافرشها واتكفل بطفل يتيم واعيش اربيه واشتغل
نفسى فى حاجات كتير زى اى حد
انا قنوعة جدا جدا لكن شوفت كتير بالرغم من صغر سنى
فده اللى خلى طموحى اكبر
فى ناس بتحسبنى متكبرة معاذ الله
فى ناس بتحسبنى مغرورة عشان اقول انا هبة سيد
لا ياجماعة دى ثقة مش غرور
ربنا يارب يكفينا شر الكبر والغرور ووالله ووالله ووالله اللى هيعرفنى بجد هما الاشخاص اللى
بيكلمونى ديما ووجها لوجه
وشكرا ليكم
وسورى للاطالة
هبة سيد والحقيقة الغائبة
