خارج الخدمة

السلام عليكم ورحمة الله
----------------
انا آسفة جدا بجد بس مع الاسف مش هقدر اكتب لمدة قد تصل لشهور وان شاء الله بعد الانتهاء من اعمالى هكتب كل شىء ان شاء الله

السلام عليكم ورحمة الله وبركاته

تاج شامل

* السلام عليكم ورحمة الله وبركاته *

_*_*_*_*_*_*_*_*_*_*_

دى تاجات جاتلى اسبوع ميلادى جمعتها فى تاج واحد مع حذف المكرر منها

بسم الله الرحمن الرحيم وبه نستعين والصلاة والسلام على اشرف المرسلين سيدنا محمد صلى الله عليه وسلم وعلى آله وصحبه

أجمعين

كل عام وانتم بخير بمناسبة العام الهجرى الجديد يعود علينا وعليكم باليمن والبركات والسعادة وراحة البال وايمان شديد شديد

بالله وملائكته ورسله وكتبه

هنزل بالتاج والاجابات عليه بناء على رغبات من ارسلوا لى ايميلات

1- وضحى لنا بيانات البطاقة الشخصية ؟

هههههه..البطاقة الشخصية

الاسم : هبة سيد

السكن : بمدينة 6 اكتوبر

تاريخ الميلاد : 7/12/1986

الحالة : آنسة

الديانة : مسلمة

المؤهل : بكالوريوس ادارة اعمال ( تجارة القاهرة )بس

احط الرقم القومى كمان :D:D

2- علاقاتك باسرتك واهلك ؟

اسرتى ماما وبابا ونهله علاقتى بيهم عادية بما انى متواجدة فى الاسرة وتعاملى معاهم يومى

بس امى بعيدة عنى فى الفكر شوية ووالدى مش بتفق معاه دايما بحكم سفره المستمر

ويعتبر فكرهم تابع للخمسينات والستينات و ده مش عيب لكن انا فى جيل غير الجيل فمش عارفين نتأقلم فى الحديث مع بعض

اما اختى فالعجيب العجاب اننا مش اصحاب ..اه بنتكلم وبنتناقش لكنى صعب شوية الكلمة عندى واحدة

يعنى لو حد خد رأيى فى شىء ورايى مش عجبه رغم انه الصحيح ..اقولهم من فضلكم محدش ياخد رايى فى اى حوار

اما اهلى ( العائلة الكبيرة ) انا بتصل بيهم وبسأل وساعات الوقت بياخدنى ومش بسأل لكن علاقتى بعائلة امى اشد

لانى واخدة عادات منهم كتير فى النشأة و التربية والتدين ماشاء الله

بس مش معنى كده عيلة ابويا منحرفة هههههههههههه

عيلة بابا عادى تدين باطنى وماشيين فى حياتهم عادى زى الناس كلها لكن عيلة والدتى من جدى للاحفاد

اللى اعتبر منهم يعنى الحمدلله النشأة تمام من كله وفى تحفظ فى حاجات كتير يجوز العاديين شايفنها عادية

بس

3-بتحبى مين ؟وهل تقبلى تتجوزى واحد اصغر منك ؟والزوج بالنسبة ليكى ايه؟

ايه الاسئلة دى ..دى مجموعة اسئلة مش سؤال :D

بحب ربنا :D

عارفة غرض السؤال لكن انا حاليا مش بحب حد يعنى الحب من بعده جواز

واللى هحبه هيكون فيه بينى وبينه ارتباط ..كتير بعوز اكون زى البنات احب واقول لكن بتراجع لانى مش متعودة

اه ممكن اعجب بشخصيات ناس واقول اه لو اللى اتجوزه يبقى شاطر كده متدين كده حلو كده

ومقياس الجمال مش كل شىء ياما ناس شعرها اصفر وعينها خضرا وزرقا واسلوبهم وحش ومش يتعاشروا

وممكن اخلاقهم تبقى مش مظبوطة لان جمالهم حطهم تحت اختبار شديد ..هو الاعجاب بالنفس

فده مش مقياسى بصراحة..الراجل اللى احبه ليه ملامح مختلفة فى شخصيته اكتر من شكله

حوار اصغر منى ..قسما بالله الموضوع ده مسببلى قلق

لان فى ناس ناقشتنى فيه عن جد والمشكلة انهم عايزين خطوبة وجواز والفرق مش شهور لالا

ده سنتين وتلاتة ..انا مش برجح كده خالص لكن لما سألت ناس اعرفهم قالولى المهم يكون راجل ويقدر المسئولية

الله اعلم ساعتها هتجوز ازاى وسنه كام ..ده كله مكتوب عند الله

الزوج بالنسبة ليا : الحب ..الحنان..الدين ..الادب..الذوق..الاحساس..الطفل..الابن..الاب..الحبيب

كل حاجة حلوة احبها اشوفها فيه

3-بروفيلك فى الفيس بوك ناس مسحتى مين وليه ؟

مممممممم

كنت هحذف السؤال ده على فكرة ..لكن هجاوب

مين مش كتير واللى مستحهم كان لاسباب انا مبظلمش حد

يعنى لما الاقى حد بينفض او بيكلمنى بأسلوب خارج اللياقة خلاص امسح

وعلى فكرة فى ناس بتحسبنى مش بكلم شيماء الجارحى لا بكلمها عادى بس مسحتها من الفيس

ليه عشان لما بكتب وول عندها بتمسحه وقالتلى لا محصلش

فقولتلها عشان ارتاح مسحتك وهى قدرت ومزعلتش وبنكلم بعض ماسنجر عادى

وفى بنات وولاد من دفعتى مسحتهم ..انا لما بمسح مش بيبقى بناء على محادثة بس

لالالا انا بشوف الشخص من كل الجوانب مرة واتنين وعشرين وبعدين بقرر الحوار انى امسح ولا لا

والله حد كلمنى فيهم تانى برجع وكأن ولا حصل شىء

مرجعوش خلاص يبقى من الاخر ربنا مش عايزينى اكلمهم يجوز فى تحدثى معاهم مشكلة لى

قدر الله ماشاء فعل

4-وضحى طموحاتك؟

طموحاتى !!

والله انا بسعى جاهدة لتوزيع اكبر كم من المعلومات الدينية وبحاول انى اناقشها

عن طريق المدونات ..منتديات ..جروبس بالفيس بوك

والله المستعان

وفى حاجات ماشية فيها كده يعنى و ربنا ييسر الحال ان شاء الله

5- ليه مش قومتى بعمل دراسات عليا؟

بصوا مش هنضحك على بعض ..انا زمان والحماس بعد التخرج كان نفسى اشتغل واثبات كيان وحاجات كده

لكن انا بتعلم حاجات مخليانى افضل من اى حد عنده ماجستير ودكتوراة

ليه؟؟ عشان انا الحمدلله بتعلم فى كافة المجالات لكن الشخص اللى بيعمل دراسات تعليمه محدود

بتخصصه فقط الارتقاء بعمله معنويا وماديا

وكمان انا بشوف حاجات تفيدنى فى بيتى بشكل اساسى مع مواكبة التطور عشان اعرف اتعامل مع عقلية الزوج

والاولاد ان شاء الله

6- بتتخدعى فى الاشخاص؟

لا ..ممكن اقول اه ندمانة مثلا انى عرفت حد

لكن انا ببقى عارفة انه مخادع او فيه العبر يعنى بس مش بتكلم لغاية ما يثبت هو من نفسه

ربنا يهدى الجميع

قسما بالله من كتر اللى بحسه وبشوفه جيت قولت الله يكون فى عونك يارب

ربنا يكون فى عون نفسه وقولتها بدون قصد

يعنى انا كا بشر مش قادرة استحمل بجد ربنا رحمته وسعت كل شىء وصبور

7- اذكرى اسماء الاشخاص حسب صفاتهم؟

هذكر بالحروف عشان محدش يزعل:D

الاخلاق : أ هـ

الطيبة : م يـ

الدين : أ هـ

الجمال : ع ع

الذوق : م حـ

الادب : ش أ

العصبية : م أ

كفاية كده يا ناس

:D

الاسئلة كتير بس اجاباتى شاملة اهى وصريحة جدا جدا

يلا وكل سنة وانتم طيبين

السلام عليكم ورحمة الله وبركاته

موضوعات هامة جدا

السلام عليكم ورحمة الله وبركاته

-------------------------

اولا : كل عام وانتم بخير بمناسبة راس السنة الهجرية

ثانيا: وانتم طيبين وبخير يا جماعه ووالله مش عارفة اقول ايه ..كفاية ان الفيس بوك اتقلب قلبة كومنتات وهدايا

طبعا كل ده مش بيأثر فيا بشدة غير انى حسيت ان الكومنتات دى حسستنى اد ايه الناس بتحبنى وحابة تسعدنى

والحمدلله ربنا اسعدنى ومطرت زى كل سنة :D

ثالثا: بالنسبة للموضوعات اللى اتبعت في تاجات ان شاء الله هختار تاج

موضوع النهاردة عام وعبارة عن حاجات فاقعة المرارة اللى مش عندى غيرها

مقتطفات

***********************

احم احم احم ... اولا تعالوا نتتطرق لمشكلة الاحتباس الحرارى الكل شايفها مشكلة عادية لكن من زمان وانا بدى للبيئة اهمية

لانى عايشة فيها وبتأثر فيا اكتر ما أنا بأثر فيها.. واحد زميلى زميل عمل اسمه محمود قابلته فى انترفيو ب EFE

فبيقولى انه كا عامل بحث عن الاحتباس الحرارى و ذوبان الجليد وتأثيره السلبية اللى ممكن يؤدى للتصحر

وكان الموضوع ده بيتقال اصلا من زمان وانا كنت على علم بيه ورغم ذلك الاهمال متزايد والادخنة السامة متصاعدة

كله عشان الحصول على اعلى انتاج فى مقابل المادة ..والله مفيش افضل م الحياة البدائية على الاقل فيها رياضة ومفهاش كسل

وفيها صحة متجددة وغذاء غير مشبع بسموم كالمبيدات والمياه الملوثة

طبعا ظاهرة الاحتباس هتظهر اكتر مع مرور السنين والعملية هتزيد سوء

ده حاجة

****************

انفلونزا الخنازير بقى ومن بعدها انفلونزا الكلاب والماعز حاجة هم بجد يعنى

ما كله بسبب التكنولوجيا والتجارب البيولوجية ونعمل لقاح و زفت وناس ملهاش ذنب تموت وتصاب عشان تجارب

يقوم بها القائمون بالغرب وادى انفلونزا الماعز مسببة هلع فى هولندا وبلجيكا

..وارجع واقول آية توضح كل ذلك وباختصار قال الله تعالى : ( كل نفس بما كسبت رهينة )ربنا يرحمنا

****************

نشوف البلاوى بقى ..من قلة الجواز كثرت جرائم الاغتصاب حاجة هم بجد طيب يشعروا بالناس اللى بتموت

لاحسن يحصلوهم ويشيلوا ذنوب كمان ..بجد مش عارفة اقول ايه حالات باسكندرية وتم الحكم فيها وبلاوى

لازم الاهالى تكون متفاهمة وفى نفس الوقت لازم الشاب يكون ملتزم لان مش معقول واحد يديى بنته لواحد

مش بيتقى الله ومش عايز ولا مؤخر ولا قايمة ولا شبكة فى ظل البلاوى اللى بتحصل ..وارجع اقول اللى ياخد حاجة بالسهل

وبرخص التراب هيرميها بالسهل وبرخص التراب ..فالشباب مش تزعل البنات عارفة انهم مش سلعة تباع وتشترى بالمال

لكن دفع الشاب لاحتياجات العروس واهلها فى حدود امكانياته بيدل على انه شارى انسانه بيقدرها وبيحترمها وبيحبها..الخ

اتمنى يتغير مفهوم الناس عن نظرة المال والحب والغدر

من وجهة نظرى بعد تمام 23 سنة مبقتش افكر فى الحب بالشكل الكافى اكتر ما بفكر فى بناء بيت صح من كله

لان كله هحاسب عليه

*******************

موضوع منع النقاب وكمان يليه الحجاب كمان مستقبلا ما خلاص بقى مخرجة تقول الحجاب شبيه بالمايوه

مش عارفة

يعنى انا لما بشوف بنت بشعرها وعريانة اه بشمئز لكن مش بظهر الكراهة على وجهى

لان ممكن ينصلح حالها فى يوم من الايام ومقدرش ولا اتجرأ ان احكم على اخلاصها وايمانها لان ممكن تكون اقرب منى لله

فلماذا الاخريات (اللى بشعرهم ) بيحاربوا السترة الحجاب اللى بيستر البنى ادمة

كل اللى هقوله :- حسبنا الله ونعم الوكيل

********************

الدين مش حفظ قرآن فقط..الدين مش قول وكتابة بوستات وادعية وموضوعات دينية فقط...الدين مش منظرة فى التلفاز والراديو

والمدونات

لـــــــــــــــكن ..الدين هو تعامل ..هو الحب ..هو التسامح ..هو اخلاص النية ..هو حسن الظن بالاخرين..هو هو هو

ومكرهش فى حياتى اد الاشخاص اللى يحكموا على اخلاص وايمان الاشخاص لانهم بيحسسونى انهم اتخذوا صفة من صفات الالوهية

استغفر الله العلى العظيم ..محدش يعرف اللى جوه الانسان ومحدش يعرف هيموت على اللى بقلبه ولا لا

ليه كده ..ربنا يهدى الجميع ان شاء الله

يلا السلام عليكم ورحمة الله وبركاته

شكرا جزيلا

وانتم طيبين وبخير يا عساسيل ..ميرسى ليكم جدا يا جماعه على الصور الجميلة دى

بس لسه عيد ميلادى يوم الاتنين فين الهدايا :D:P

ان شاء الله يوم الاثنين يوم ميلادى هكتب اى موضوع تختاروه وابعتولى على الجيميل وهكتب بالاغلبية

يلا سلاموز بقى

يوم عرفة

السلام عليكم ورحمة الله وبركاته

-----------------------

بسم الله الرحمن الرحيم

( و لله على الناس حج البيت من استطاع اليه سبيلا)

(آل عمران:97)

من أفضل الاشياء فى الوجود حج البيت ..الكل يهيأ نفسه كده سواء اللى راح او اللى لم يرزقه الله بمراوحه للحج

ياااه انا رايح لربنا هرفع ايدى وهيستجيب لانه وعدنى بالاجابة طبقا لشروط

قال رسول الله صلى الله عليه وسلم :( من حج لله فلم يرفث ولم يفسق رجع كيوم ولدته أمه ) رواه البخارى

لذلك جزاء الحج الجنة وذلك كما ورد ومتفق عليه فى حديث للرسول صلى الله عليه وسلم

(الحج المبرور ليس له جزاء الا الجنة )

متفق عليه

طيب..الحج ينفى الفقر والذنوب ازاى؟؟

قال رسول الله صلى الله عليه وسلم : ( تابعوا بين الحج والعمرة ، فانهما ينفيان الفقر والذنوب ، كما ينفى الكير

خبث الحديد والذهب و الفضة) رواه النسائى

شايفين الحج حلو ازاى؟؟

طبعا معروف ان البيت الحرام هو موطن الرحمة بالنسبة للمؤمنين لان فى كل يوم بينزل 120 رحمة

60 للطائفين

40 للمصلين

20 للناظرين

وهذا ما ورد ذكره فى حديث للرسول الكريم صلى الله عليه وسلم: ( ينزل على هذا البيت فى كل يوم مئة وعشرون رحمة : ستون للطائفين ، وأربعون للمصلين ، وعشرون للناظرين )رواه ابن حيان

******************

من الاشياء اللى المفروض يبقى المسلم عليها

هى الحب ...اه الحب ومش تبرق كده ..ههههههه

من أحب الله ..احبته الملائكة واحبه الرسول صلى الله عليه وسلم ..واحبته كافة المخلوقات

وعلى الانسان ان يبادل هذا الحب من بين حين وآخر ولا يتأخر عن محبوبه كى لاينساه

فاذا نسى ربه ..ربه سينساه

النسيان لو كان بالقول فيجب الا يكون ايضا بالجوارح والقلب والا انتهى الانسان واصبح فى تعداد الظلمات

واليعوذ بالله

الحب بيدخل ازاى بقى؟؟ بذكر الله كثيرا

استحضار النية لله فى اى عمل نقوم به فى حياتنا

*افشاء السلام فهو يورث المحبة : قال رسول الله صلى الله عليه وسلم : ( ألا أدلكم على شىء اذا فعلتوه تحاببتم ، أفشوا السلام بينكم ) رواه مسلم

* التواد والتراحم والتكافل : قال صلى الله عليه وسلم : ( مثل المؤمنين فى توادهم وتراحمهم وتعاطفهم مثل الجسد اذا اشتكى منه عضو تداعى له سائر الجسد بالسهر والحمى ) رواه البخارى ومسلم

* اصلاح القلوب : وده بقى شىء مهم جدا فيه اللى بيقدر وبيقاوم وفيه اللى اليعوذ بالله مش بيقدر وبينجرف الى الظلمات والمعاصى

والاصلاح بيكون بذكر الله والبعد عن المعاصى والضغينة والحقد والحسد والشرور والاذى

* حفظ الحقوق وعدم التعدى على حق الغير : وده برضو مهم جدا انا اقدر اسامح فى حقى لكن حق غيرى لا

لان اتضح ان الشهيد ذات نفسه عند نزول قطرات الدم من جسده بيتخلص من ذنوبه الا شىء واحد هى حقوق الناس

قال صلى الله عليه وسلم : ( المسلم أخو المسلم ، لا يظلمه ولا يخذله ولا يسلمه ولا يحقره بحسب امرىء من الشر أن يحقر أخاه المسلم ،

كل المسلم على المسلم حرام ، دمه وماله وعرضه ) رواه مسلم

ما هو مطلوب فى يوم عرفة للتقرب الى الله عز وجل؟؟

1- قيام الليل

2- قراءة القرآن

3- الاستغفار والتهليل والتكبير

4- استحضار القلب والنية

5- كثرة الدعوات جلوسا وسجودا

6- البعد عن كل ما هو لهو او يؤدى الى لهى الانسان عن ذكر الله

وطبعا الموضوع مختصر عشان الناس مش تزهق انا بس حطيت تخاطيف كده

وكل سنة وانتم كلكم طيبين وبخير وبعافية واتمنى ان الكل يحقق كل آماله برضا ربه وبحبه

ويرزقنا حسن الخاتمه وجنة الفرودس ان شاء الله

اللهم آميييييييييييييييييييييين

السلام عليكم ورحمة الله وبركاته

البربر

السلام عليكم ورحمة الله وبركاته

-----------------------

اولا: احب ان اتحدث عن ما حدث يوم الاربعاء الماضى رغم انى اصلا بتضايق لما بسمع او بتكلم عن الموضوع ده

فى عدة تساؤلات نفسى بس اعرف اجاباتها

ليه الشعب الجزائرى كده ..ليه فى حقد وشغب وقلة ادب من عدد كبير من الشعب الجزائرى

و انا مش بتكلم عن الشعب الجزائرى بأكمله لان اكيد فى ناس محترمة جدا جدا

تانى شىء فين اصلا رئيس الشعب ده ..المفروض الناس اللى هناك دى تتلم وتتربى صح والصحف اللى مش هقدر اقول

غير انها بذيئة و صفراء وملهاش كاسر بتشعل الفتنة بين العرب والمسلمين بأخبار وشائعات كاذبة وغير حقيقية

قال الله تعالى : ( الفتنة أشد من القتل ) ونفسى اعرف فين الجثث اللى بيزعموا انهم قتلوا بمصر

دول جاييبين ناس مغمى عليهم وصوروهم صور مفبركة!!!!!!

فطبعا مهما تحدثت بالآيات القرآنية مش هيأثر فيهم لان المعظم حرف القرآن الكريم وحرفوا الانجيل فى مدرجات الاستاد

عشان يظهروا ان من دخل مصر غير آمن وحرفوا فى الانجيل بمدرجات الاستاد

والغريب ازاى بقى يتم الافراج عن مساجين اكبر واحد فيهم 18 سنة واكتر واحد فيهم يحمل حكم ب 20 سنة سجن

ويتم نقلهم عبر طائرات خاصة بالجيش ؟؟!!

ومش دفعوا تذاكر ولا تأشيرة ولا اى شىء على عكس اللى تم مع الشعب المصرى

طبعا واضح جدا ان الموضوع تحت تنظيم الجيش وسياسى وليس تنظيم لمشجعى كرة القدم لان من الاخر دول مش منظر مشجعين محترمين

ومن الاخر الجيش الجزائرى متورط فى اللى حصل للجماهير المصرية المحترمة من سياسيين وحزب وطنى وممثليين واعلامييين وصحفيين وجامعيين ..الخ

صراحة انا كان نفسى بجد ناس من بولاق الدكرور وابو العلا وامبابة ..الخ اللى يروحوا يشجعوا مش لانهم ناس عشوائية لا طبعا

بس كانوا فعلا عرفوا يتعاملوا مع الاشكال دى وجابوا حق الشعب المصرى

لكن ارجع واقول اننا شعب محترم ومش هنسكت فى الضرب على قفانا وانهم خدونا على خوانة ضربوا ناس عزل

ثالثا: تعالوا نشوف الرجالة اللى بعتنهم من الجزائر والبنات دول مش مساجين بس دول عاهرااااااااااااااااااااااااااااااااات

اللى بيقول مصر وعاااهرات وظلموا شعب مصر بحاله والمشجعين الجزائريين نفسهم عاااااااااااااااااااااهرات

لما بعد الضرب بالسنج والسكاكين والمطاوى الثلاثية والسيوف يخلعوا ملابسهم امام الجماهير المصرية سورى بقى عرايا

يبقى ده بصمة للشعب الجزائرى بأنه شعب اوطى مما نتصور

والله وانا بحلف بالله اللى الشعب المصرى يعرفه رب العزة سبحانه لو بنت او ولد او الاتنين عملوا كده امامى لبطبنجة واطخهم وانا عند حلفانى لان ده عار بصراحة وناس فعلا بيوضحوا انهم اشراف وهما غير ذلك

والواد الشمام اللى طالع فى مطبخ ولا فى قهوة ده وبيسجل فيديو وبيقول هنبعتلكوا اوطى ناس عندنا

شكله شاب سيس فاشل ملهوش ولا شغلة ولا مشغلة وبيحقد على مصر والتطور فى مجالاتها وشبابها

ويقسم بالله وهو اصلا لو سألتوه عن الاسلام لا يدرى شيئا ولا بيعرفوا يتكلموا عربى بربرة همج

وبيقولوا ان مصر واسرائيل طيب احنا خسرنا جولة مثلا فى 67 لكن فى 73 انتصرنا وعملنا معاهدة السلام لان ديننا يدعو للسلام

وليس للحرب وسفك الدماء والفساد فى الارض

و رغم دخول الانجليز عندنا واسرائيل الا اننا احتفظنا بلهجتنا ولغتنا العربية والقرآن الكريم

انتوا بقى احتفظتوا بأيه؟؟؟

وبتعيبوا علينا واحنا معلمنكم الالف بيه اللى بتشتمونا بيها وبنستضيفكم بمصر احسن ما بنعامل انفسنا

طبعا مش هتكلم لكن هوريكم المشجعين اللى من الشعب الجزائرى

اتفرجوا بقى

1- مشجعى الشعب الجزائرى بالاسلحة البيضاء بالاستاد

http://www.youtube.com/watch?v=FUZwof4pIUE

2-الاعتداء على الحافلة المصرية بالسودان

http://www.youtube.com/watch?v=GQfWI_5Bn5g&annotation_id=annotation_350477&feature=iv

3-ارقصى يا خضرا ( طبعا ده مش كلامى ) ده كليب لراجل راجل ها عاوز يبقى رقاصة:D

http://www.facebook.com/home.php?#/video/video.php?v=178967577206&ref=nf

للاسف كان نفسى يجيبوا فيديوهات من اللى حصل بالسودان

الناس اللى قعلت دى ههههههههههههه بجد قلبى عندكم العار بقى محواطكم

من صحف صفراء عندكم ومن مشجعى العاهرات وخريجى السجون

واخيرا هقول لو انتوا فعلا مسلمين يعنى

ربنا قال ( ولا تعثوا فى الارض مفسدين ..)وقال ربنا سبحانه وتعالى ايضا

( ياآيها الذين آمنوا وعملوا الصالحات )

واظن كلام الله سبحانه وتعالى واضح جدا

السلام عليكم ورحمة الله وبركاته

الحب و ابعاده الجديدة

السلام عليكم ورحمة الله وبركاته

-*-*-*-*-*-*-*-*-*-*-*-

اولا : الموضوع اللى فات ناس كتير ناقشتنى على الفيس بوك بسببه وعلى الايميل ..وبيقولوا الراجل معذور وبتاع

ماشى انا بقتمع ببعض الاسباب والبعض الاخر لا لسبب بسيط ا مش الست فى كل الحالات هى السبب يعنى

ربنا يهدى الجميع ان شاء الله

ثانيا:موضوع النهاردة بسيط جدا يجوز اتكلمت فيه كتير قبل كده ..لكن المرة دى هتكلم فى الموضوع بأبعاده انا شيفاها اختلفت بالنسبة لى

من ثلاث سنوات كنت لسه وردة مفتحة شابة صغيورة بفكر ياترى فارس احلامى هيكون شكله ايه؟

طويل ..قصير ..تخين ..رفيع ..بيعرف يتكلم ولا لا..مقبول ..وسيم ..عنده اتيكيت وبروتوكول

..عنده دين وبيطبقه ولا بق ..اخلاق ولا معدومة

الخ

بعدها بسنة فكرت بقى ..ايه هفضل كده مش هعجب ولا هحب حد ولا هرتبط ولا هلبس الفستان طيب

؟؟

دلوقتى وحاليا بفكر فى الحب والجواز بمنظور تانى هو انى اشوف الشخص لو ارتحتله وقبلته ادى نفسى فرصة عشان احب واتحب

بغرض الاستقرار والاحساس بالامان ونشأة اسرة سعيدة فى جو دينى ممزوج بالوسطية والبعد عن التقليد والروتين اللى بيخلى الست تمل

والراجل يطفش

حاطة فى افكارى جداول ودراسات عشان تنشأ حياة سعيدة وزوجى يبقى كويس فى معاملته وتتحسن للافضل دايما واولادى

يبقوا كويسين دينيا وتعليميا

لكن بتقف عندى نفس المشكلة العقدة المكبوتة كل ما اقابل راجل وخلاص توصل المرحلة للخطوبة

اخاف واجرى ووشى يقلب ببقى خايفة من اى راجل بحس بقوته وبتحكمه وطبعه الخفى اللى بيظهر بعد عقد القرآن بالاخص

دى حاجة

حاجة اخرى ومصيبة يعنى معظم البنات بتتجوز واحد من 35 لفوق عشان بيكون الراجل نضج فكريا مش يلحق يعدد زوجات

جاهز وبيقولوا الحب ده بتاع الشباب مجرد حب لان الشباب بقى تافهه

ممكن يخطب ويتجوز وعشان تافهه وعيل من جواه ممكن يبيع الدنيا باللى فيها لانه بيحب نفسه

ابتديت ابعد عن الحب بمشاكله بهمه بقرفه وألجأ للصدفة وللزواج التقليدى لانه بقى يعيش اكتر وانجح من الجوازات التانية

فى ناس كتير تزوجت عن حب كتير وفشل لانه بكل بساطة من الاساس المعرفة بين ولد وبنت غلط باسلوب الشات والتليفون والمقابلات

دون جدوى

فى ناس بتحسب جواز الصالونات اى كلام ..بالعكس والله ده فيه جوازات تمت فيه وكانت عشرة على عشرة

لان من الاخر جواز دينى واحد جاى على سمعه ومن باب البيت ولن تتم الزيجة الا بالقبول والارتياح

ورغم انى مقعتدش فى الصالونات خالص لان جالى صالونات قبل كده ورفضت الاسلوب ده

الا انى لاحظت نجاح كبير فى الحاجة اللى بيكون فيها حب بعد الارتباط مش قبله من الاخر ربنا بيبارك فى الزيجة دى

بس ده رأيى حبيت اقوله

وعلى فكرة نزلت بوستين كويسين جدا فى كيف تكسب رضا ربك؟؟

العند يرث الكفر

و

اسباب النزول

يارب يعجبكم بقى

السلام عليكم ورحمة الله

مخ الراجل

السلام عليكم ورحمة الله وبركاته

-----------------------

اولا: اشكر محاسن وتعليقها الجميل وزيزو وكل الناس اللى علقت ومرت بالقراءة عندى

ثانيا: موضوع النهاردة واضح من عنوانه وهناقش حاجات جامدة وخطيرة وجريئة جدا فاستحملوا بقى ومتخافوش الحمدلله

مش بحب اشتد على الرجال دون النساء لان دول فيهم عيوب ودول فيهم عيوب اللى انا اعد واحدة منهم يعنى

لذلك هيتم كتابة موضوع بعنوان مخ المرأة المرة القادمة ان شاء الله

------

طيب ايه اللى خلانى افكر فى كتابة الموضوع ده؟؟؟

هو انى كنت على الفيس بوك فلاقيت عند واحد من اللى اعرفهم صورة ومكتوب فيها بيانات عن مخ الرجل وكذلك المرأة

فقولت الله ..طيب ما اناقش الموضوع بشكل جاد ونطلع بقى مواهبنا فيه ونفصفص كده مخ الراجل

نمسك بقى فص فص
:D:D
1- الغرور :- ده اكيد فى معظم الرجالة يعنى ..البعض منهم بيظهر عليه وبوضوح وكل من حوله يعلم ذلك والبعض الآخر
بيكون غروره داخلى ولكنه لا يظهر فى كل الوقت ..فى اللى غروره جاى من جماله رغم ان الجمال فانى!!! وفى ناس غرورها جاى من شخصيتها و ده من حقها لان شخصيتها ليها وضعها وغير قابلة للفناء بل بيتم ذكرها بالخير حتى بعد الممات !!
لان الانسان سيرة
طيب تعامل الرجل مع الفتاة بهذا الحد من الغرور بيكون طبعا لطبيعة الشخص وحجم الغرور عنده اللى ممكن يودى ورا الشمس
يخلى البنات تهرب منه حتى لو امور امور حلاوة طحينية يعنى..الناس كلها تعامله بحذر مش خوف على مشاعره او خوف منه
لالا..ولكن لان النوع ده من الممكن ان تصدر منه اى حماقة فبالتالى مش معروف آخره ايه؟؟
وبيواجهه مشاكل بعد ذلك فى التعامل مع الاخرين.
2-مركز الصراحة :- مش كل الرجالة صرحاء ..حتى وهو غلطان بيطلع الغلط على غيره اى انسان كده حتى لو فتاة او طفل
ولكن الراجل بطبعه ميحبش يبقى غلطان ولما يحب يفلسع زى ما بيقال ويتداول اللفظ بين الناس يعنى
بيفلسع وبيجيب الحق على الطرف الآخر زى ما حصل بالضبط امبارح او اول حادث على طريق حلوان المعادى
شاب عنده 25 سنة توفى آثار حمض الكبريتيك اتدلق عليه ايه يا جماعه وفيه ايه
ده كان شغال محاسب فى المكان الفلانى وحب واحدة عندها 24 سنة وشغالة محاسبة معاه فى نفس المكان
المهم حبوا بعض الواد غرغر بيها وقالها هبقى اتجوزك ..حسيت انه بيتهرب ضيعته ولقى مصرعه
يعنى حاجة فظيعة ..ليه لانه فاكر لما غلط معاها انه مش اخطأ والمجتمع مش هيحاسبه وربنا هيغفرله عند استغفاره
ولا عمل حساب لقوانين السماوية ولا لاى كلمة فى القرآن الكريم يبقى يستاهل بصراحة وهى برضو تستاهل ولكن
لا اقسى عليهم لان ربنا يكفينا شر مداخل الشيطان
3-مركز التفكير :- الراجل بطبعه مفكر جدا بس فى نفسه مش فى غيره ..يعنى ايه الراجل بطبعه انانى جدا عايز يعيش حياته
اكل ..شرب..لبس..بنات..زواج..عيال..المهم ميتحملش مسئولية فوق طاقته عاوز يتجوز اتنين وتلاتة رغم ان زى ما ربنا سبحانه وتعالى قال مثنى وثلاث و رباع
قال ايضا فلن تستطيعوا ان تعدلوا بين النساء ولو حرصتم
كل راجل واخد الاية اللى تمشى على هواه واللى تتكييف مع حالته النفسية ..عجبت من هذا الزمان
واحد رايح يفكر فى واحدة عشان حلوة وبصتله وضحكتله نسى مراته وعياله فى الضحكة دى لان الراجل طفل كبير
من السهل الضحك على عقله وقلبه بضحكة ..ممكن يكون العيب فى زوجته لكن فى زوجات بتأيد صوابعها العشرة شمع من أجل ارضاء الزوج وبدل ما يتجوز ويعدل بين زوجاته واطفاله ..لالا بيطبق الدين بأنه بيقطع من مصاريفها وممكن يرميها برة الشقة عشان يتزوج الاخرى ..هو ده التفكير حب شهوات الدنيا نساه دينه وما أمره الله به.
4-مركز كرة القدم :- مفيش راجل مش بيحب كرة القدم فلو مش بيلعبها ..بيشاهدها ..بيسمعها ..بيهتم بالاخبار حولها
لان الراجل بطبعه حيوى بيتحرك كتير عكس المرأة فهو نشيط
5-انا متجوز غفير :- جملة بيقولها كثير من الازواج ..منهم اللى حابب مراته تبقى ماشية جنبه فى الشارع حاطة احمر واخضر ومسيبة شعرها عشان يقولوا مراته حلوة وعرف يختار ..ومنهم اللى يلبسها ويغطيها من فوق لتحت ويبص لغيرها عارية ويقولك اتجوزها عشا استرها هههههه او ينظرلها وينسى غض البصر اصلا !!!! ومنهم اللى بيزنى ومنهم اللى بيتجوز عرفى ومنهم اللى بيبص بس وحاجة تقرف بصراحة
6-الاكل والشاى والقهوة:- الشاى والقهوة دول حاجات نسبية بس معظم الرجالة مدمنى الحاجات دى ومستعد يشربها فوق الخمس مرات
فى اليوم اما الاكل فطريق قلب الراجل معدته وده يدل على انه طفس بصراحة :D
يعنى لو جيه ومالاقش اكل مثلا عشان مراته تعبانة ويقضى بأى لقمة ممكن يقلب الدنيا عليها واطيها الاكل اصل مش لاقى الراحة فى بيتى ويتلكك بقى :D
7-مركز الخيانة :- الخيانة اصلا بتبدأ ببصة عشان نكون واضحين و دى بتفرق من راجل لراجل واحد يبص بس واحد يبص ويكلم وياخد ميعاد ومش بعيد من واحدة متزوجة و زى ما بقول العملية كلها عدم تمسك بالدين ومن وجهة نظرى كل ما فيه الرجل ماهو الا ابتلاء
لان ربنا سبحانه وتعالى اعطاه القوة والسلطة بعكس المرأة لكى يحاسب كل شخص على ما اعطاه من نعم وكيف تصرف بها؟؟
8-مركز المسئولية :- الراجل بطبعه يموت عشان يشييل المسئولية واول ما بيشيلها بيلعن اليوم اللى اتجوز فيه لانه بيحب يبقى حر دايما
مش بيحب القيود
9- البصبصة :- ده اساسى مش شرط بالكلام ده بالعيون كمان وبالجوابات الخ والله لو واحدة مفهاش رائحة الجمال هيبص عليها

ويقولها ياقمر 14 :D
نفسى اقول حاجة الراجل بجد لما بيحب مراته اوى وبيحترمها لما بيكون عنده حاجتين**
&&الفقر
&& المرض
كفاية كده لاحسن هتضرب و طبعا ده على بعض وليس كل الرجال
:D

وانتظروا منى بوست ان شاء الله عن مخ المرأة المرة القادمة بقى

تاج رووعه

السلام عليكم ورحمة الله وبركاته

-----------------------

ده تاج وصلنى وبصراحة مش عارفه يعنى بس عاجبنى لان كنت حابة اقول حاجات والتاج ده سبب فى تحدثى

المهم

التاج وصلنى على الجيميل باسم واحد اسمه احمد رفعت

1- اسمك الحقيقى والمستعار؟

والله هبة سيد هى الناس مش مصدقة ولا ايه :D

المستعار محدش يعرفه غير ناس من العيلة اسم جميل بس دلع عشان كده مش بقوله يعنى

2-هل عملتى حاجة ندمتى عليها؟؟

لا الحمدلله لان بفكر كويس وبعرف اتصرف ازاى وامتى وازاى وبعرف مين يستاهل ومين مش يستاهل فتصرفاتى محكمة

3-بتتخذى قراراتك بعقلك ام بقلبك ام بالاتنين؟؟

الاتنين ..عقلى عشان المنطقية وبدرس الموضوع من كافة الواحى ام قلبى برجعله لكن مش من حيث العاطفة فى الاولوية

ولكن برجعله فى انه دليل اى مؤمن والحمدلله بيدلنى

4-اصعب مواقف فى حياتك؟؟

والله فى كتير ..بس فى الاول والاخر بقول الحمدلله رب العالمين

يعنى يجوز اقرب موقف كان من كام يوم دخلت المطيخ بحضر سحور فماسكة سلك مواعين بايد وبشد بايد

لاقيت جسمى كله اتنفض نفضة زى الفل..اتارى السلك كان داخل فى فيشة كهربا وربنا سبحانه وتعالى ستر

صعب فى ايه ؟؟ فى انى فى كل مرة اشوف الموت بعينى عشان اتعلم معملش اى شىء غلط او اغضب ربنا

5-قضية الاخلاص للرب والاخلاص للصديق..رايك فيهم ايه؟؟

الفرق كبير طبعا..الاخلاص للرب شىء والاخلاص لاى مخلوق شىء اخر

يعنى الاخلاص لله بيكون ناتج عن رضا الله على العبد وحبه ليه وكما مقدار اسراع العبد فى ارضاء ربه بكل الطرق

الاخلاص للمخلوق ده امر طبيعى انك انسان بتحب وتكرهه وتخلص وتوفى وتوعد وده امر واجب حتى لو كان صاحبتى مش حلوة من جوه

:D

نسيت بالنسبة للاخلاص فى العمل ..فى ناس بتقول ان الواحد مش يعلن عن اعماله الخيرية لانها لازم تكون بنية مخلصة لوجه الله

و انا بقول انى بروح الحصرى والحصرى محتاج ناس تتطوع للتدريس..واذا كان معنى ذلك الاعلان بيبطل فعل المؤمن من خير لعدم اخلاصه فاعتقد محدش استغفر الله ربنا عشان يحكم على نوايا واخلاص غيره لربه

وفى الحتة دى ابن الشيخ الشعراوى بيقول لوالده ليه هتعلن فى الصدقة الفلانية قاله عشان الناس تعمل زينا

وفى صدقات مخفية وصدقات معلنة عشان غيرك يقلدك ومش يحبط

ومعنى كده ياجماعه رسالة للايتام وبنك الطعام المصرى والناس اللى بتنشر ليه غير مخلصين لله بقى

كل اللى هقوله ربنا يهدى الجميع ان شاء الله :)

6- صادفك بنت شايفة نفسها او ولد شايف نفسه؟؟

اه كتير بس البنات اكتر من الولاد من وجهة نظرى لان البنات بتحب تتنطط على اللى قدامها وتبين نفسها اوى

قليل فى الولاد ..بس صادفنى شخص زى اللى كنت حكيت عنه بتاع عزيزى دى :D

والله حتى الا بضحك على الكلمة فكرنى بحمادة هلال لما كان هيغمن عليا فرامز جلال بيقوله مالك بيقوله دى بتقولى ياجميل

قام رامز بيقوله امال لو قالتلك بحبك هتعمل فينا ايه ..هههههههههههههه

فى ولاد يا اما مش بتصدق نفسها او مش بتعرف تتعامل صح مع الجنس اللطيف

7- هتختارى شريك حياتك بناء على ايه؟؟

ان شاء الله هختاره على اساس دينه واخلاقه ..شكله وامكانياته المادية اخر حاجة بالنسبة لى حتى لو معندوش شقة هستحمله شوفتوا لدرجة ايه؟؟

لسبب انا ممكن اخد واحد بيقول قال الله والرسول وهو اصلا غير مؤهل لكده ولا بيعمل بيه

ويبقى حلو اه حلاوة طحينية يعنى :d

لكن دمه يلطش ويبقى جلنف زى ما بيقولوا ومش عاطفى وقليل الذوق ..يعنى راجل ملل بصراحة ومش يتعاشر

ولو اخدته على فلوسه يبقى على راى المثل يا واخد القرد على ماله يروح المال ويفضل القرد على حاله :d

8-بتعرفى ازاى تحددى مدى منطقية وعقل شريك حياتك وتعامله؟؟

اكيد ان شاء الله لما اقعد معاه وهتكلم لان اسئلتى فظيعه والحمدلله بعرف احدد اذا كان راجل هايف ..راجل بيعرف يتعامل وسياسى فى كلامه ..يعرف يضحك عليا بالكلام ومش يزعلنى هو ده الراجل الصح من وجهة نظرى ..اللى يحسس شريكة حياته ان ليها اهمية قصوى فى حياته من الاخر مش يبقى راجل شاطر فى شغله بس لان ده سورى بيسموه حمار شغل :D

لازم يكون ليه تعاملات كتير مع الناس عشان يعرف يعامل مراته ازاى

بس

9-هل انتى راضية عن نفسك؟؟

لا طبعا لانى حاسة حتى الان مش كل انجازاتى حققتها و ده بيزعلنى جدا

كفاية كده كتير اوى وو اظن اجاباتى كافية اوى :D

السلام عليكم ورحمة الله وبركاته

دونياااااااااااااااااااااااا

السلام عليكم ورحمة الله

-*-*-*-*-*-*-*-*-

احم احم احم

ياااااااااااااااه انا كان جيه عليا فترة كتبت 8 بوستات فى شهر واحد

الواحد تعب ولا ايه ...اييييييييييييه دونييييا

هى دى الدنيا وهى دى حالها ولازم نستوعبها بمنظرها ده..بس يا ترى طاقتنا بتستحمل لحد فين وامتى بتنفذ وامتى بنملى البطارية؟؟

النهاردة هتكلم ان شاء الله عن ايه ؟؟

الدنيا فى شكل ثلاثى الابعاد

لو انت قاعد كده فكرت فى منصب والجاه والفلوس وعايز حب وقصور ونفوذ

طيب هل بترتاح ؟؟

لاحظت شىء غريب ناس غنية جدا ومبتعرفش تنام

وناس غلابة وبيناموا ولا على بالهم

فى حين فى ناس بتعطى ناس وناس بتاخد ومبتديش

وناس بتلوم ناس وناس بتعاتب ناس وناس بتهين ناس لان دى اخلاقهم وبيئتهم ومش بحبنا ليهم هنغيرهم

دايما بنقول الدنيا هى السبب..بنظلمها وهى زى ماهى بل بالعكس احنا اللى بنخرب فيها

كل واحد عامل نفسه يا ما هنا ياما هناك وقال الله وقال الرسول

وربك العالم بالنوايا

نفسى بس اعرف انت لو غشيت واحد صاحبك هتستفيد ايه ؟؟هو كان بيأكلك ولا بيرزقك فخايف تصبح تلاقى نفسك على الرصيف

البت اللى بتقرطس اخوها وبتتمشى مع ابن الجيران ولا صاحبها ..ما انت السبب الاخ يصيع ويبص لدى ويرتبط دى

ويحب فى دى وتلاقيه فى بيته اكبر قرطاس ماهومن عملك ملهوش دعوة بالاستغفار

لان دى حقوق ناس ولازم تترد فى اللى بيوجعوك

واوعى تنسى ان ربك بيسيب ..الله يمهل ولا يهمل

كله سلف ودين

حاجة غريبة برضو ..امبارح بتكلم بصافى نية وبقول لشخص ما كيف الحال ياعزيزى؟

ذوهلت من الرد الجارح والله اشياء غير متوقعه مش زعلت على الشخص لان هو اللى خسران

كلامه معايا مكسب وكلامى معاه خسارة لانى اكتر حاجة بكرهها الاهانة

لكن زعلت لما اسلم بسلام الله ونية كويسة واللى امامى ياخد كلمة عزيزى بمحمل اخر

شىء لا يطاق

عزيزى كلمة ليها شأنها والمفروض سامعها يقدر قدرها ويعرف مكانتها ولا يعنينى اذا كانت الكلمة لم تدرك فى قاموسه الفكرى ولا يهمنى رايه كمان لانه خلاص نزل من نظرى وكرهت حتى النظر الى وجهه ..اها بسببها

بجد كل اللى هقوله ربنا يهدى الناس بس انا بجد مش مسامحه

هى دى الدنيا ..تتقى الله وتحسن للناس وتعاملهم كويس يبقى وراك مصيبة يا مصلحة يا تبقى تلقيحة

:D:D

والا بقى اللى بحسه من اصحابى يااااااااه احساس القرطسة ....احساس منعش هههههههههههههههههه

بس مش لذيذ يخربيت الفقر ..نفسى اعرف احنا مسلمين ازاى واحنا اصلا مش بنطبق الاسلام صح

هو الاسلام صلاة وصوم وزكاة وقال الله والرسول فقط؟؟!!

سبحان الله ..سبحان الله ..سبحان الله..ولا حول ولا قوة الا بالله

الواحد خايف يموت موتة مش حلوة ولا اخرته تبقى زفت ..انا مرعوبة بخاف اظلم بخاف اهين حد بخاف اضرب حد بخاف ادوس على حيوان ماشى بخاف بخاف بخاف

بخاف ربنا ..انا ببقى نايمة خايفة اشرق وروحى تتطلع ومنطقش الشهادة

بقول النهاردة المغرب قبل ما افطر يارب خدنى ..بس قبل ما تاخدنى شوف عملى وارضى عنى ولو كده خدنى بعدها

فين الخوف من الله

حسبنا الله ونعم الوكيل على من يخاف المخلوق ولا يخاف الخالق

حسبنا الله ونعم الوكيل على من يعمل حساب للمخلوق على حساب الخالق

حسبنا الله فى كل من افترى على شخص ليظهر جبروته ويزورمن اجل سلطته ويضرب من اجل قوته

واخر حاجة احمد ربى على كل حال ..الحمدلله الذى بنعمته تتم الصالحات

التطاول على الله

السلام عليكم ورحمة الله وبركاته

********************

الموضوع اللى هتكلم فيه النهاردة ان شاء الله شائك جدا ويعنى المفروض اصلا انى مكنتش اتحدث فيه بشكل او بآخر

كنت معتمدة على موضوع مكارم الاخلاق فى مدونة ايام من حياتى هو اه استوفى وبشكل عميق مش سطحى وجامد وبآيات وبأحاديث

بس انا معرفتش اعرض مواقفى هناك بالتعليقات لان مفيش روح تبادل النقاش هناك لضيق وقت الكاتب فى الرد على التعليقات

طيب

ملاحظة بقالى فترة كبيرة نتيجة لعدم رضا وقناعة الناس بما يجرى فى الواقع من ضيق وازمات داخل وخارج البلد

والضغوط النفسية تجاه العمل ..اصبح الظلم ماهو الا شبيه براعى الاغنام حيث يسوق امامه الناس بما لديه من جبروت وظلم دفين

تجاه الآخرين...الحيتان كترت والصغير حتى طلعله سنان والبيبى بيسن اسنانه لمقابلة ذئاب الجبال والطرقات

الدين ناس وخداه ستار .. وناس وخداه عن فطرة ومورث..وناس وخداه عشان تتجوز على غير ملتها وبعدين يرجعا لملتهم الاساسية

لمجرد متعة كام يوم وحاجة نفسه فيها يحققها وخلصت العملية على كده ...وناس بتقول احنا بنعرف ربنا وبترشى وبتاخد رشوة اللى

بيسموها كرامات ...وناس بتقول انها بتعرف ربنا وبتظلم زوجاتها واولادها واهلها ..وناس بتقول بنعرف ربنا وبيلعنوه وبيسبوا دينه استغفر الله ..واللى واخد الدين مصلحة واستغلال ولابتزاز الناس من خلاله..الخ

يعنى افعال مع اقوال على النقيض ومحيرة للغاية

ومنكرش ان فى ناس كتير كويسة لكن انا بناقش الجانب الوحش اللى المفروض فى مجتمع اسلامى ميكونش له وجود من الاساس

هحكى مواقف غريبة جدا

قبل ما اسيب منطقتى القديمة خرجت انا واهلى بالعربية ووقفنا بيها على المزلاقان حيث محلات الجزارة والسوق

لاقيت واحد جزار استغفر الله شتم الخالق ذاات نفسه

اتذكر من كتر عصبيتى ومش مدركة انا ساعتها المفروض بنت مش تجاذف وقوة اللى امامى

فتحت باب العربية وكنت هنزل اضربه ..بابا هزقنى وجرى بالعربية قالى انتى مجنونة ربنا يتولاه احنا مالنا وبتاع

يا بابا ازاى ده قال كذا ازاى نسكت على كده ..و زعلت منه فترة بجد لكنه خايف عليا ومن وجهة نظره ربنا يتولى الشخص ده

طيب مهما وصل حجم الخناقة او الشتيمة متوصلش العملية للتتطاول على ربنا ..للدرجة دى الناس متخلفة ولا ايه معرفش بجد

ده غير بقى اللى بيفتروا بالكذب على الله

واحد اعرفه بيقولى والله ياهبة ده فلان اللى قال وبتاع فبقوله طالما هو انسان حقير كده بتكلمه ليه

قالى اصلى بحبه قولتله اللى يحب حد يغيره لو انت شايف فعلا انه كده

المهم انا عارفه انه كذاب وسيباه براحته وبكلمه عادى ..لما يقسم بالله كذب

قولتله اقف عندك انت بدأت بظلم نفسك متحلفش المهم حلف ووالله الدنيا زى ما قلبها على غيره اتقلبت عليه

وسبحان الله اتحط فى نفس الموقف واصبح مظلوم وقالى سامحينى قولتله يا ابنى انا خلاص سامحتك المهم ربنا يسامحك

انت خرجت برة الحدود وانت مش فاهم حاجة لغاية ما ابتدى يتعدل وربنا كرمه

انا مش شايفة داعى للكذب والتزوير وقلة الادب والتطاول على ربنا

شىء غريب

يعنى ربنا سبحانه وتعالى يعلم ان فى شخص زى الفل متقدم لى وطوب الارض بتشكر فيه وعشان عرفت انه كان مرتبط ببنت والبت مازالت بتحبه رفضت الجوازة من اساسها ..رغم لو واحدة فى موقفى هتقولى ماهى اللى بتحبه وطلبنى انا ما اخده انا الكسبانة لان فعلا اخلاقه ودينه مش شوفتهم على حد

لكن لمجرد انى مش عايزة اكون سبب فى جرح شعور بنت زيى والله يا جماعه انا بخاف وانا بطلع اللحمة والفراخ لامى واختى

اخاف اطلع حتة لحد اكبر من حد مش لشىء غير اخاف احاسب عليها

ناس بتحسبنى بتبطر حتى والدى بيقسى عليا عشان كده وقولتله عليا النعمة لو قاسيت عليا اكتر من كده عشان اتزفت واتجوز هروح اى دار ايتام او مسنين اخدم فيها طول عمرى لغاية ما اموت ومش هتجوز خالص ومش هتشوف وشى تانى ومش يهمنى مخلوق فيكى يا ارض

كل واحد فى الدنيا عايز يحقق كل حاجة ومش يهمه غيره بس بلاش نتطاول على حقوق الاخرين لان كده برضو بتتطاول على الله

هتقولى ازاى هقولكم فى التطاول على شرعه ..ربنا سبحانه وتعالى شرع فى القرآن اشياء كتيرة لازم تتطبق مش مجرد كلام وخلاص

اى انسان عاوز يفرح باولاده لكن لكل شخص معايير ومواصفات خاصة للقدرة على التعايش والتأقلم مع الغير

كده اتكلمنا فى نقطة السب ..الكذب..العدل..التطاول على الشرع

النفاق بقى

ههههههههههههه من اكتر النقاط بصراحة اللى ضحكتنى ليه؟؟

معظم الناس اللى بكلمها بتبقى فى وشى حبيبه و يدوبك اقفل كلام معاهم او ادى دهرى للدنيا تشوف يا اعوذ بالله

حقد الدنيا فى قلبهم وكرهه من ناحيتى ..رغم انى مش عملت شىء وببقى عارفه وبكلمهم عادى

مرة واتنين وتلاتة وممكن توصل لعشرين حسب طاقتى معاهم اقول يمكن فكرتهم تتغيرلكن بعد كده بقى بضطر انى امسحهم خالص من حياتى

نمرتهم ..اكونت ..اى حاجة خاصة بمعرفتهم بصفة شخصية

اصل ليه النفاق يعنى زهقان من واحد يا تعاتبه يا تقوله انا مش طايقك ومتكلمنيش تانى من فضلك وانتهيت

المنافقين فى الدرك الاسفل من النار

ربنا يكفينا شرهم ومش يجعلنا منهم

طيب الظلم بقى

واحد مصاحب واحد فيقوله فلان مبهدلنى اقف جنبى انت صاحبى

المهم معظم الناس ماشية بمثل الصاحب ليه على صاحبه سلفة و كذبة وشهادة زور

:D:D:D

ويمشى ويشاركه فى الظلم ويقول انا وهو واحد ده صاحبى وانصر اخاك ظالما او مظلوما

والناس طبعا بتحلل وبتحرم على كيفها كالعادة وبتفهم غلط بمزاجها

تنصره ظالما بأنك بتوجه للصح والطريق السليم مش انك تشاركه فى الظلم

اما المظلوم تقف جنبه لغاية ما حقه يرجعله

واصلا حق المظلوم بيرجع من ربه لان دعوته مستجابة ونفاذة

لما عبد يقول يارب انا مظلوم كفاية اوى

ربك يقول وعزتى وجلالى لانصرنك ولو بعد حين

كفاية كده انا تعبت

بس ان شاء الله خلال الاسبوع ده هكتب فى رواية صرخات انسية التكملة

وهنزل موضوع فى كيف تكسب رضا ربك بعنوان عن المثل اللى بييقول العند يرث الكفر

ويلا السلام عليكم ورحمة الله وبركاته

الفتاة ذات الوجهين

السلام عليكم ورحمة الله وبركاته

********************

هتكلم فى كام نقطة على السريع

1-:D وانتم طيبين كلكم واشكر كل نفر علق او فكر يمر بالمدونة او قرأ ولو سطر

2- انا مش عارفه ابتدى منين ؟؟ بس ده مش على الاشخاص اللى بتعلق يعنى على المدونة ده عن قراء المدونة اللى بيراسلونى على

الميل والجيميل ...يا جماعه انا بستغرب الناس بتحكم على شخصيتى ومدى اعجابهم بيها لدرجة ان البعض يرغب بالزواج ولو لفكرة

طيب هل ينفع اخد شريك حياة من خلال نت ؟؟ وهل ينفع مثلا احب واحد لمجرد انه بيكتب حلو ..اه ممكن اعجب لكن حب و زواج لا

ومحدش يزعل من كلامى انا عندى مبدأ اللى هتجوزه هيكون على الاقل شافنى او شوفته من خلال زمالة عمل ..قرابة اى نوع قرابة بقى

والله اعلم كل واحد فينا هيتجوز ازاى؟؟ اه الناس صادقة وبتثبت حسن نيتها ومحرم يبقى معانا واحنا بنتكلم لكن انا واننى اعلم ان اللى بيتقدم شخصيات زى الفل لكن مع الاسف دماغى كده لا اؤمن بتاتا بزواج من خلال النت حتى لو هعنس

3-انا نزلت الفصل الثالث من صرخات انسية فى بحور الروحانية واتمنى يعجبكم فى كتير دخلوا قرئوا ولكن البعض قال حلو والبعض بيقول اتجاهها صوفى رغم انى هعرض الفتن اللى بيتعرض لها الشباب بكل انواعها وسببها وحلها عموما نشوف لاخرها وبعدين هتعرفوا فكرى رايح فين

4- كل مدونة بتكون بشكل واسلوب مختلف لان فى منا بيحب الرواية وفي منا بيحب الكلام الدينى اوى و فى منا بيحب الموضوع يطرح زى اللى بالمدونة دى فغرضى الاساسى هو مجرد ان اعرض افكارى ورسالاتى من خلال التلت مدونات بشكل وباسلوب مختلف لتحقيق الاهداف المرجوة الا وهى اصلاح الذهن ومفاسد وفتن المجتمع السائدة وترسيخ المبادىء العقائدية والتمسك بالدين فقط

معلش طولت فى النقاط بس كان لازم اوضح الحاجات دى

موضوع النهاردة هدخل فيه حاجة برضو هو عن خراب البيوت اللى زاد الفترة الاخيرة وخصوصا قبل شهر رمضان وهقولكم ليه

زى ما احنا عارفين اى واحدة لفت نظرها واحد بتلفت نظره بشتى الطرق عشان يحس ويفهم ..مفهمش بضطر تكلمه او تبعتله حد ..سواء الموضوع مشى او لا بتضطر تستخدم وسائل اخرى زى اللى هتكلم فيه النهاردة وهى لو عاوز تحرق قلب واحد ويتنحرر زى ما بيقولوا

اتخطبى وولعيها تمام وبيبان بعدها انه ولهان وبتاع وبيحن بطرق اخرى

طيب اللى اتخطبت ليه ذنبه ايه؟؟؟ اولا اداها ثقة واداها قلبه واحساسه وهى اكيد غصبن عليها هتبادله لان ده حقه ..مش اتغصبت على الخطوبة منه وبمزاجها ..طيب نفترض الواد التانى زعل وكسر الدنيا واتسبب فى جناية ولا نفض وانتى اتدبستى فى خطيبك ده

ولا بوظتى الجوازة وبرضو رجع الواد على ماهو عليه ..يبقى ايه الوضع؟؟؟

طبعا سمعت كتير وشوفت كتير والبقية تأتى هو فى انفلونزا خنازير وكلاب من شوية ..كل نفس بما كسبت رهين

يعنى بصراحة منتهى الاستهتار من البنت والولد الاول ولا حاسين بمسئولية ولا مشاعر الناس

كل واحد دلوقتى عاوز يوصل على قفا غيره حتى فى الشغل والله لو كل واحد حارب ويفعل عشان يسعى لرضا ربه مكانش بقى ده حال الخلائق

كالعادة بما انى انسانة هحط نفسى فى الوضع ده وشوفوا بقى التصرف السليم

دلوقتى لو انا حبيت واحد من مجرد رؤيته او اى شىء فعله جدعنه امامى ..تمام

والشخص ده حسسته بشكل او باخر ومفهمش او فهمنى انى ولا على باله اصلا

هعمل ايه ؟؟ العقل بيقول انسى الموضوع واشوف اللى يكملنى ويلائمنى ويبادلنى نفس الشعور دون اى اهانة

طيب لو قالى بحبك وجالى ..يبقى على عينى ولو اهاننى يبقى اسيبه بلا رجعه

لان الانسان اللى بيبدأ بالاهانة اعرف انه دايما انسان مهين لنفسه قبل ما يهين غيره

ده العقل اللى بيقول ..لكن الحكم القلبى والعاطفى كثيرا ما يتسبب فى ضياع العباد وعشان كده فى نساء متبهدلة

ومبهدلة كرامتها رغم ان الرجال كتير بس بتعتبر خلاص صغيرة فى ذهنه لانها جريت ورا عواطفها مفكرتش بعقل

اما حتت خراب البيوت بقى

كل ما اتصل بحد اعرفه يقولى هبة معلش بصى يابنتى شوية وهكلمك ليه يابنتى بعدين هقولك

ونفس الوضع بالايميلات اللى بتوصلى

معظم الرجالة بعد فقر وبدأوا من الصفر وزوجاتهم استحملوا و كونوا اسرة واولاد

عاوزين يخربوا البيت ويتزوجوا ..ماشى مش حرام بس لما تقطع من قوت بيتك وعيالك عشان تفتح بيت تانى يبقى انت راجل ضلالى

وانا لما بشوف راجل بيضرب مراته او بيشتمها بصراحة بقول عليه راجل عربجى سورى فى اللفظ او على راى محمد حمدى كفتاجى

هههههههههههههه

يعنى منتهى الاستهتار من الرجالة الشايبة يعنى عندك فلوس تعباك اعملوا جمعية و جوزوا الشباب وتكسبوا حسنات زى الفل

لكن كده قلة احترام وقلة قيمة ..لمجرد ان واحدة بصيتلك وضحكتلك او زى ما بيحصل دلوقتى تعالى اتجوزنى وسيبك من عيالك

عرفتوا انا ليه بقول طلب البنت للولد غلط

لان التجرؤ هيسبب بلاوى سودا بعد كده ..الكل بعد كده هيطلب ببقه واى حاجة مش الجواز بس

ومحدش يقولى السيدة خديجة وسيدنا محمد صلى الله عليه وسلم

عشان مفيش حد زيهم .. ولو الكل حلو كده سيبتوا كل السنن والمنهج من التطبيق ليه وبتطبقوا فى الجواز بس

والله رجالة غريبة..الكل بيفتى والكل بيحلل ويحرم على كيفه ..كفى بيتك يا راجل يا سيد الرجالة من كله وبعدين روح مع الف الف سلامة لمراتك الجديدة

واالسكة غلبت المحلة ..طريقك اخضر ياعسل

:D:D:D:D

السلام عليكم ورحمة الله وبركاته

تاج ...تأجيل

السلام عليكم ورحمة الله وبركاته

*******************

اولا: كل سنة وانتم كلكم طيبين وبخير واشكر كل الناس اللى علقت ومنتظرة الموضوع ولكن انا بدام جالى تاج

يبقى لازم اعمله قبل الموضوع عشان الموضوع اللى كنت هتكلم فيه نكد وبتاع واحنا داخلين على عيد يعنى

وقولت بالمرة ادبس التاج فى حبايبى

::D:D:D:D:D

التاج جالى من زميل عمل لانه اصلا مش بيدخل النت غير لقراءة المدونات فحب يعمل معايا واجب مش بطال

هوعدك هجاوب بصراحة قدر استطاعتى

1- هبة انتى ليه مستفزة؟؟

هههههههههههههههههه ... لا والله انا مش مستفزة ولا حاجة الموضوع وما فيه عند شعورى بأن اللى امامى واخد قيمة كبيرة او الناس كبرته وجاى يتكبر عليا بضطر اسفا استفزه لكن مش من الباب للطاق كده

2- هبة بتحب الضحك رغم ان ملامحك تدل على شخصية قوية؟

اه بحب الضحك فعلا جدا جدا جدا و بكرهه الكآبة جدا جدا جدا ..الموضوع مش بالملامح انا ممكن انظر لحد بصة بحدة اخليه يلف حوالين نفسه اصلا ..وممكن يبقى قلبى طيب وانظر بطيبة حسب اللى احسه تجاه الشخص والحمدلله بحس بالناس من وجهها

وملهاش علاقة بالملامح خالص

3- ارتبطتى كام مرة؟؟

امممم.. هو سؤال شخصى جدا بس هجاوب عليه

انا ارتبطت مرة واحدة بس مش نظام بقى جوابات وبتاع وحب وغرام ..لالا ..الارتباط كان فى اوائله عقل اكثر منه عاطفى

لان الولد بصراحة كان كويس ف حاجات كتير و مش تم الارتباط لاختلافات فى الراى واشياء اخرى شوفتها فيه فقط

دون الخوض فى تفاصيل

4- ايه اللى عجبك فيه؟؟

انا اولا مش من السهل انى ارتبط بحد او اعجب بشخصية من كل النواحى بسهولة.. الولد ده كان على خلق ودين وكمان اهله طيبين جدا وانا اعرفهم وكان معايا بالكلية بس مش بدفعتى وذكى جدا ..مش بيغلط بسرعه وكان لما يتعصب كان بيمسك نفسه عند الغضب

...شاطر جدا بدراسته..وفعلا التحق بشركة كبيرة وكويس جدا حاليا

5-رتب اصحابك حسب المرتبة

صعب

بس نورة وشيماء ومنى وسلمى يعدوا على نفس المرتبة

6- نفسك تبقى ايه بالمستقبل؟؟

والله كله بيد الله.. حاليا الحمدلله وضعى غير الاول

يعنى اتعلمت افصل حاجات صغيرة كده واضرب على ماكينة الخياطة واخيط

وبقرأ كتير فى كل المجالات بالاضافة لدراسة جزء من الجى مات و دراسة القرآن بالتعمق بالاضافة لسماع بعض البرامج الدينية

او بالاصح احس منها انه مش كلام متكرر ومش هيدينى جديد...و ربنا يسهل كده كام حاجة بفكر فيها بس تتم وافصح عنها قريبا ان شاء الله..رسالتى بقى كأم و ده ان شاء الله لما الاقى واحد عدل اتجوزه واجيب منه ذرية صالحة

بس

7- اكتر المدونات بتعجبك؟؟

انا عايزة اتطلق و...

أمة الله

ايام من حياتى

..الخ

8- الشغل افضل ام البيت؟؟

والله هو حسب ..لكن افضل البيت تقريبا مش بلاقى وقت عشان المطبخ والنت وكل اللى بعمله بخلاف ذلك يعنى

ولو اشتغلت يبقى لازم شغل يستاهل انى اطلع من بيتى ويستاهل انى اضحى بوقتى وغير كده انا غير مضطرة ..لان الحمدلله فى اهداف بوصلها من خلال النت اسرع من انى لو قعدت مع حد وقولتها ..الوسائل متعددة بس اللى يستخدمها صح

9- بتحبى حد؟؟

حب حب يعنى ..لا انا هحب جوزى بس عشان مش مستعدة اخلى قلبى مستهلك والحب اللى عندى مخزونه يفضى كده على الفاضى وهحتاج اشحت حب من برة ..ما كله بقى مستورد دلوقتى

:D:D:D:D

10- ايه رايك فى والدك؟

ابويا هرميه يعنى ههههههههههههههه لا حول ولا قوة الا بالله دى اسئلة يا ابنى

بابا مش عاجبنى فيه شغله واتمنى ان لا اتزوج مهندس خالص ... سفر وبهدلة وكمان بيتغيروا ف شخصيتهم بسرعة

11- ايه رايك ف نفسك؟؟

محدش بيقول رايه ف نفسه لان الناس هى اللى شيفاه

ولكن الحمدلله اننى اعلم انى كويسة جدا الحمدلله فى كل شىء ..ليس تفاخرا منى ولكن احساس بذاتى وكيانى المفقود فى هذا العالم الملبد بالغيوم

:)

يلا بقى كفاااااااااااااااااااااية

محاسن ..دكتور شادى...شيماء متدبسين فى التاج ده

:D:D:D:D

ومع السلامو عليكو والمرة الجاية هكتب الموضوع اللى اتفقنا عليه مسبقا