دعوة للتقرب الى الله

السلام عليكم ورحمة الله وبركاته

اولا : بشكر الناس شكر جامد اللى بيعلقوا واللى بيقولولى رايهم على الميل عن المدونة وجمال كتابتى فى البوست

ثانيا: احب اخبركم عن الموضوعات ان شاء الله فى المرات القادمة هتكون عن تعدد الزوجات والاحساس والفرق بين السلفيين والاخوان

والفرق بينهم فى اللفظ بس على الرغم من اتباع الاخوان لاهل السلف الصالح

وهتكلم عن الحياة والظلم وكل ده قريب ان شاء الله

ثالثا:ولله الحمد نحمده ونشكر فضله دائما على نعمه التى لاحصر لها فبحاول اعود نفسى على التفكير فى اكتر من شىء

وفى جهات شتى فى وقت واحد عشان دماغى كمان تتبرمج على مود معين

وكنت مستنية حاجة كده بس شكلها مش هتتوفق فهغير باذن الله المسار خالص

ندخل بقى فى موضوع النهاردة زى ما وعدت انى هكتب عن يوم الخميس 14/2 اللى الناس بتسميه يوم الحب

وايه العنوان اللى انا كتباه النهاردة وياترى بيدور مضمونه حوالين ايه؟؟؟؟؟

انا طبعا كان الكمبيوتر تعبان حبة فنزلت كافية نت علشان اصلحه واكلم صاحبتى شيماء رنت عليه فدخلت كلمتها شوية

وقالتلى انا نفسى اتفسح ماتيجى ننزل يوم الخميس وكمان نفسى اشوفك قولتلها وانا اكتر والله

اتفقنا

المكان الباب الرئيسى لجامعة القاهرة

الزمان 5.30

نزلت انا وماما واختى هما راحوا نادى المهندسين وانا روحت الجيزة

طبعا روحت هناك بدرى قبلها بساعة لانى مش بضمن المحور وشوشو متنتظرنيش كتير

روحت لاقيت حفلة تخرج لكلية الهندسة والاحتفال بمئوية جامعة القاهرة

بس كان جامد بجد عقبال حفلة تخرج تجارة ان شاء الله

احنا بقى ماكوناش محددين مكان محدد نتفسح فيه فلاقيت شوشو جاية وبعد السلام والتحية

بدأنا فى الانطلاق وخدتنى على كوبرى الجامعة وبعد كده زى نادى بس بعد نادى هيئة اعضاء التدريس

لانى مشوفتش اسم النادى اللى احنا روحناه

المهم بقولها يابت دى جنينة فاضية مفهاش حد والدنيا ضالمة قالتلى استنى احنا لسه مدخلناش جوه

هتلاقى ناس استنى

المهم نزلنا السلالم ودخلنا على النيل بسم الله ما شاء الله كل عصفور واخد عصفورة وعلى مقعد وتحت شجرة

ولا كأنهم فى سينما ريفولى ههههههههه

فأنا وهى ضحكنا فى سرنا واختارنا مكان بعيد عن وجع القلب ده

عاوزين نشم هوا زى الخلق بس بأدب وبأحترام

ويومها الجو كان برد مميت فحتتتتتتت

دى كلمتها فحت دى هههههه

المهم جيه ضابط الامن بيمر على الناس فهزق واحد لانه كان قاعد بقلة احترام وبعد كده بص علينا كده وضحك وسلم من بعيد

وبيقول فى نفسه مصر لسه بخير ههههههههه

لان يعتبر احنا واسرة بس اللى كنا قاعدين باحترام الباقى بقى بيقضى الفلانتين

سبحانك يارب انتوا خليتوا للحب عيد يعنى استغفر الله العظيم ربنا ماكانش كفيل بأنه يعمل للحب عيد زى الفطر والاضحية

عارفين ليه؟؟؟؟؟؟؟

لان الحب عندنا بالفطرة وموجود من ولادتنا وفى كل وقت ده احساس وشعور متجدد

مش محتاج عيد لتذكره ممكن نقول يوم الحب علشان لو زوج حب يشترى حاجة لزوجته واولاده وهو راجع من الشغل

كده يعنى لكن مش عيد

المهم ...قعدت انا وشوشو نتكلم كتيييييييير اوى والوقت سرقنا بجد

فالمطرة مطرت بس على خفيف وانا كل شوية ببص للسماء بجد احب

وقت المطرة ..وماقبل العصر ..و السحر

الاوقات اللى رب العالمين بيسمح فيهم للعبد بأنه يدعوه بقلب طبعا الدعاء فى كل وقت

لكن بيقوله انا فى السماء الدنيا فاستغل الفرصة وادعى وشوف انا هستجيب ازاى

فيقول العبد يارب يارب يارب يارب

يقول الله لبيــــــــــــــــــــــك عبــــــــــــــــدى

وقعدنا ندعى ربنا وخدنا بعضنا وبنتمشى لغاية الجيزة فا واحنا ماشين جنب الجامعة كده

شيماء بتقولى هبة بصى هناك كده بقولها فين قالتلى شيفاه

انا طبعا زوهلت لانى شوفته بس كنت بحسبه ليزر لاقيت ملاك نوره ابيض بيطير ناحية القبة

فمقدرش اقولكم فرحت اد ايه ؟؟؟؟؟ لان عرفت ان ربنا بيحبنى وبيحبها وجعلها سبب انها تعرفنى ان النور اللى بشوفه فى السماء دائما

دول ملائكة والمفروض مخافش منهم فدعيت ليه ولناس كتير ويارب يكون دعائى وصلهم

فلما ذكرت المصطفى - صلى الله عليه وسلم- وببص حواليه مالاقتش الملاك فبقولها الله

هو راح فين ببص فوقيه لاقيته بيطير فوقينا حتى شيماء بتقولى هو ايه الحكاية

قولتلها بس ده بيحرسنا فضلنا على كده لغاية ما وصلنا للجيزة ومرضتش ابص للسماء

الناس هيحسبونى مجنونة او تتضربنى عربية بدون قصد

ده بقى ايه وبيحصل ازاى وازاى تشوف الحاجات دى ؟؟؟؟؟؟؟ ده مش سر لكن حقيقة موجودة بس احنا مش بنعرف نستغل الامور

لو انت شخص طيب ومتسامح وقلبك ابيض من الحليب وبتحاسب نفسك او بأول وبتخاف على احساس

وشعور غيرك وذمتك كويسة وماشى فى الحلال فى كل شىء دائما ومحافظ على الفرائض

ده مش احتمال بل اكيد هتلاقى عندك شفافية وجسدك منور ازاى

؟؟؟؟؟

الشفافية هى رؤية الاخرين بالقلوب مش بالعيون انا ممكن اشوف حد من بعيد اعرف جواه او جواها ايه ده بقى الاحساس العالى

ومش موجود عند ناس كتير لان اكترنا بيشيل فى قلبه وبيحقد وبيفكر فى الانتقام دائما

بالاضافة للمراحل الاخرى بقى رؤية فى المنام

يعنى الحمدلله انا لما بتجيلى رؤية بتبقى صحيحة يعنى لو حد هيجيب تقدير جامد

او زواج او وفاة او حد بيفكر يأذينى ربنا بيبعتلى منامات صالحة

كتنبيه وتحذير علشان اخد بالى كويس

واللى جرب رؤيتى دى ناس فى محاسبة وادارة اعمال كمان واصحابى البنات بالاخص نورة

طيب انا هحكى موقف هيبين الامر ده على الرغم انى لما بحكى ممكن الحاجات دى متظهرش تانى

ليه ؟؟؟؟

لان ممكن حد يحسد بدون قصد طبعا بس انا قولت لناس كتير واللى حصل حصل خلاص

اعوذ بالله من كلمة انا علشان كررتها كتير انى لما بزعل ممكن ارد على الفاضى ومعرفش اجيب ولا حق ولا باطل

سواء بالقول او الفعل سايبة كل حاجة على الله فكنت ببكى بس بحرقة والكلام ده من الصغر

المهم انا بحب افتح الشباك فى بيتنا القديم بليل وقت السحر كده

فنوعى حب التأمل فى الكون وبالذات فى السماء فكل شوية اقول ايه؟؟؟؟؟؟

ياترى انت بتحبنى زى مابحبك ياترى راضى عنى طيب

شكلك ايه نفسى اشوف اللى بيحبنى واللى بيعطينى وحبب الناس فيه من سيرتى دون رؤيتى

المهم الكلام ده كنت بقوله بشكل يومى كان فى اجازة اولى جامعة وبداية تانية جامعة

فجيه يوم ومقولتش وقاعدة كعادتى وبتأمل بس مفتحتش فمى خااااالص

هوبا النور قطع من المنطقة كان يوم الاثنين فى شهر رجب الساعة 4 الا دقيقة بالاصح قبل آذان الفجر

فالناس طبعا اللى جريت تتدور على شمعة واللى بتفتح الكشاف

انا بقى كنت قاعدة ومقومتش ابص الاقى طالع طاقة نور من ورا البيوت حاجة فى ضوء الشمس

بل اقوى وواخدة جزء كبير من السماء وكنت بجد من شدة النور كنت هتعمى مش هشوف تانى بعينى

فندهلت لنهله اختى مجاتش بسرعة قولت لا اله الا الله ثوانى والنور اختفى مقعدش كتير

وبعدها الفجر اذن

طبعا حب الاستطلاع عندى وعدم تفقهى دينيا ساعتها

سألت مشايخ وناس اعرفهم

اللى قالى ليلة القدر واحنا مش فى رمضان اصلا

واللى قالى ده ملك النور ولو كنتى طلبتى شىء كان اجاب

المهم انا طلعت بخلاصة ان ربنا بيحب العبد القنوع المحب المطيع المظلوم ذات القلب الابيض دون نقاط سوداء

فأنا الفت خاطرة سميتها دعوة للتقرب الى الله

خرجت من بيتى يوما ما متحزنة

لكن دموعى فى عيونى وقلبى متجمعة

كنت ذاهبة فى ملكوت ربى متأملة

فى انتظار صديقتى لامر ربى مسلمة

وتلاقينا عند باب الجامعة

فمشينا سويا حتى الروضة متنزها

جلسنا امام النيل متفرجا

أخذنا نشكى لله كروبنا وهمومنا

فكانت استجابة ربى لعباده مسرعة

وجدت مطرا فوق رؤسنا متسايلة

والسماء بها نورا متوهجا

وملاكا يطير فى السماء متألقا

كنت لرؤيته كالطير على جناحى متطايرة

وعندما ذكرت المصطفى اصبح فوق رؤسنا

يطير يمينا ويسارا حارسا فرحا بنا

فيا عباد الله اذكروا الله بصورة متكررة

واجعلوا حبه كالشجر فى قلوبكم متفرعا

بسسسسسسسسسسسسسسس

كلاكيت عاشر مرة

ههههههههه

سورى للاطالة

يلا سلام وانتظرونى لاحقا

كونوااااااا معاناااااااااا

مع

هبة سيد والحقيقة الغائبة

الشات / المنتديات / المدونات / ربط النت بالموبايل

السلام عليكم ورحمة الله وبركاته

طبعا سورى للتأخير لان وعدت ان خلال الشهر ده هنزل اكتر من بوست جديد ورا بعض

لكن

اولا: مش فاضية خالص لان الجهاز كان فيه مشاكل ومازال بعالجه اهو

ثانيا: بقيت بدخل قليل على النت وبالاخص لما بلاقى صحبتى الانتيم قاعدة

ثالثا: مشغولة اوى بس مش موضوع شغل بس ده كمان بعمل خطة جامدة طحن علشان الوقت ضيق

واعرف ادير الافكار اللى فى دماغى دعواتكم جميعا بالتوفيق ان شاء الله

وهخبركم لاحقا

ان شاء الله هتكلم النهاردة بحاجات كده عن النت واللى شوفته سواء

فى المحادثات واللى استفادته والمنتديات والمدونات و...الخ

وهتكلم بصراحة شديدة واستحملوا الكلام بقى

1) موضوع الشات:

بصراحة ان فى الاول مكنتش بضيف اى حدالا عن معرفة مسبقة يعنى اقارب.. زملاء.. زميلات...الخ

بعد كده بضيف الناس على قايمة الهوت والياهو بالاحساس

وبرمى الظن والنية الحسنة من ناحيتهم مسبقا

بس لاحظت ان فى ناس كتيييييير بتستغل الشات غلط خاااااالص

وناس عارفه بتجيب المعلومة من اللى قدامها ازاى

؟؟؟؟؟؟؟

*الاستفادة الشخصية اللى استفادتها من المحادثات :

1-انى متصلة بزميلاتى وزملائى من الدفعة وذلك بعد تخرجنالان كانت ممكن الصلة تنقطع من لاحظة تركنا للجامعة

2-تبادل للخبرات والمعارف والمعلومات سواء فى الحياة اليومية او المهنية غير انى كمان اتعلمت كتابة الشعر والخواطر بفضل

الله اولا وبفضل الدكتور شادى ثانيا

*العيوب اللى شوفتها من المحادثات:

1-الناس بتستغل النت فى افعال غلط وتضييع الوقت بشكل غريب

2-كمان بحس بشعور غريب انى عمياء لانى مش ببقى متاكده من الشخصية اللى بتكلمنى

لانه ممكن بينتحل شخصية حد او غلاسة ...الخ

3-الايميلات اللى بتتسرق والصور كمان ويعلم الله ان اتنين خدوا صورى كانت نسمة وشوشو بس

بس الخوف من اللى بيدخلوا على الميل انا مش بخونهم لكن فى ناس معرفهومش اصلا وبستقبلهم

ثانيا: المنتديات:

هنا بقى شوفت العجب ااااااااااااااه

بنات تقولك حرام انا مش ممكن اكلم ولد

ابص انا الاقى ايه بقى العجب الواد مزروع فى ايميلها ههههههههههه

والواد يجيى يقولى ازاى ماهى بتكلمنى اهى

منظرها بقى زى الزفت قدامى ليه بقى لما حد يحب يرمى نصيحة لحد

ياريت يبقى يشوف نفسه الاول وينظر للى بينصحه يجوز بيفكر وجواه احسن منه

من غير ماهو يدرى والمصيبة المنتدى بيبقى اسلامى ماعلينا

كلاكيت اول مرة

* واحد بيقول لواحد الحق البت دى بعتتلى رسايل خاصة يااامااااااااا هريانى رسايل هو ايه

مفيش غيرى ولا ايه تهنينى وتباركلى اظاهر بترسم عليا هههههههههههه

انا اقول ايه بقى

هو انت كراسة رسم ولا ايييييييييه؟؟؟؟؟؟؟

( قص اللقطة دى مش عاوزة حد يشوفها مونتاااااااااج)

ردى انا ايه بقى فى موضوع المنتديات دى

اولا : لو البنت مش عاوزة تكلم ولد او العكس وشايفة ان كلامك معاه حرام

يبقى بلاش مشاركاتك ومشاركته علشان حرام

ولا هو تحللوها بمزاجكم وتحرموها بمزاجكم

وفى الاخر تقولوا الله يخرب بيت الكفرة!!!!!!

ثانيا: علشان نبقى كلنا واضحين مش معنى انى بكلم بنات وولاد لا علشان حرام

الحرام هو انى استخدم النت فى كلام فراغ وملهوش لازمة او يجبلى ذنب

وطالما انك متربية وبنت ناس محترمة هتجبرى اللى قدامك انه يحترمك

محترمكيش اجنر وامسح اصلها مش ناقصة يعنى

ثالثا: المدونات:

والله انا ممكن اقرأ ومعلقش بس علشان صاحب او صاحبة المدونة عجبانى

فكرتهم واهدافهم فبكون زائر دائم ليهم

يعنى مثلا مدونة دكتور كريمى بعلق فيها كتير

مدونته اجتماعية وبتتطرح افكار جامدة موووووت

مثلا مدونة دكتور شادى بتعلم منها افكار فى كتابة شعرى وخواطرى

بالاضافة الى انه انسان خياله واسع وكاتوم وحساس للغاية وده بيظهر فى كتاباته

مثلا مدونة شيماء الجارحى هدفها من مدونتها عرض المشكلات اللى اصبحت منتشرة بشكل مؤلم

فى المجتمع وبتساعد على حلها

وعلى فكرة معرفتى بيها مش طيارى دى زميلتى فى الدفعة وندمت بحق انى متعرفتش عليها

من اول ما دخلت ادارة بس لان كان حواليه كتير وبفضل الجلوس وحدى مع نورة بالبينج

بس شيماء تعتبر الانتيم وده شىء يشرفنى طبعا وتعارفنا جيه بعد افطار الدفعة بشهر رمضان الكريم

وعلشان احنا الاتنين صادقين واجتماعيين وواضحين من الاول اتعرفنا على بعض بسرعة

وعرفت عنى كل حاجة من قديم الازل حتى وقتنا الحالى

رابعا:ربط النت بالموبايل

طبعا كلنا عارفين ان فى بعض الدول العربية مانعين التصوير بالموبايل فسمعت فى برنامج صبايا

تقريبا حاجات غريبة

ناس بتصور ناس تعرفها او ميعرفوهاش

ويعملولهم فوتوشوب وجرافيك سورى قذر وينزلوه على النت

طيب ليه يا بابا كده ..بجد قلة تربية ومفيش اهالى ونفوس خربة

فالمذيعة بتسأل الناس فى الشوارع لو انت شوفت والدتك - اختك -مراتك-...الخ

فى الوضع ده وانت واثق كل الثقة انهم مش كده هتعمل ايه ؟؟؟؟؟؟؟؟؟؟؟

هنا بقى السؤال ياريت الكل يبعت تعليق وانا منتظرة الردود

رايى انا بقى الشخصى

حراااااام بجد لما يكون فى امانة بين ايدك وعلشان الكابتن متعلم جرافيك وفوتوشوب يقوم منتقم

من صاحبه فى اخته او خطيبته او امه...او لان حضرتك مش محترم تعمل كده

لان دى مش اخلاق ولا الاسلام ولا المسلمين

ان شاء الله المرة الجاية هكتب خاطرة وبوست عن يوم الخميس اللى فات

انتوا بتسموه عيد الحب بس انا نزلت فيه للفسحة مع صاحبتى شيماء لكن

مكنش غرضنا انه عيد واننا لازم نتفسح فيه

كونوااااا معانا ااااااااااا

مع

هبة سيد والحقيقة الغائبة

دخولـــــــــى الى عالــــــــم النـــــــت

السلام عليكم ورحمة الله وبركاته

اولا : للتوضيح مش هعلق بعد كده على اى تعليقات مش معروفة باسم مين

ثانيا:انا مليش اعداء ولو ليه ربنا بيخلصنى منهم على طول

ثالثا: انا معرفش حد من جنوب الوادى هههههههه

رابعا: اسفة للتأخير والله بس الجهاز اصلا بقاله فوق اليومين فى العناية المركزة وكنت بظبته

وان شاء الله كل اللى وعدت بيه هنزله وهكتبه زى ما اتفقنا

خامسا: ان شاء الله هتكلم عن دخولى للنت بشكل عادى والمرة اللى بعدها هتكلم عن النت والموبايل

والحاجات اللى بتسبب للخلق فيها من مشاكل ملهاش حصر

تــــــــــعالوا بقى وشوفوا الكلام اللى هقوله ان شاء الله النهاردة

انا اصلا مليش فى موضوع النت ده حتى لما دخلت المنتدى والجروب

الناس حست انى مش بعرف احط عنوان يدل على المضمون وده اتعلمته بممارسة الدخول على النت وكلامى مع الناس

تقريبا بداية دخولى كان من شهر رمضان الكريم فى سنة رابعة ادارة سمعت ان فى من دفعتنا فى منتدى بيتجمعوا

ويتكلموا قولت طيب ما اشترك وادخل واتكلم هو حد هياكلنى يعنى

فدخلت وانا بتكلم فى المنتدى كنت بحسب شخصية معينة بتحدث معاها فحبيت اشوف طريقة الكلام

فلاقيت توقيع اسطوانة عليها كش ملك تقريبا

فسالت عن معنى الاسم لانى استغربت التوقيع وفى نفس الوقت بحسب ده الشخص اللى معانا فى ادارة

المهم مرتاحتش الا لما فضلت اقرأ الكلام القديم ليهم ففى كلمات دلت انه مش الشخصية دى

دى شخصية تانية خالص هههههههههه

قولت انا كده كده فى السليم لانى بكتب فى المنتدى وبرد على كل الخلق شىء طبيعى

وطبعا ماكانش عندى ميل عملت ايميلين زى بعض ووالله مش انا اللى عملته ده واحد زميلى عاملهم ليه هدية كده

اظاهر صعبت عليه انى مش بفهم فى النت فجبر بخاطرى

بدأت بقى رسايل خاصة تهل وانا مليش فى الحوار ده اللى طلعت اعرفها وصاحبتى واللى معرفهاش واللى معرفهوش

المهم انا كنت عادى بس حقيقة انا كنت بخاف من خيالى وده بقى اللى محدش يعرفه انى ممكن اكلم اى حد وامثل انى متنرفزة وانا هاكلك

دلوقتى ههههههههههه بس طبعا من داخلى فار مرعوب

الاحساس ده كان بيجيلى مع كل رسالة تتبعت ليه او شخص بنت او ولد يكلمونى

وتقريبا الكل بنات وبنين ضافونى ماعدا شخص ضفته بنفسى

انا طبعا الحمدلله رب العالمين بحب الناس جدااااااا واجتماعية خالص يعنى ببارك واهنى بنجاحهم خطوبتهم زواجهم

ولو عندى معلومات ببعتها فى رسايل خاصة والاقربون اولى بالمعروف يعنى لوحد لاقيت معاملته كويسة

ببعتله او ببعتلها احنا اخوات مفيش فوارق

وكذلك لما بسال حد عن شىء وكده

بس الخوف كان من كتر تعاملى مع الناس بكثرة يتفهم غلط وحصل بالفعل مع ناس كتير

بس على رأى زميلى محمد عبد النبى كل واحد مختلف عن التانى فمعقولة علشان انا مختلف هوصل لكل

واحد ان دى طبيعتى

طبعا كان مستحيــــــــــــل

والنت مشكلة كبيرة ولا بعرف شعور اللى قدامى ياترى متنرفز ياترى فرحان ياترى زعلان

بس حقيقة ......النت عالم كبير زى البر والبحر والجو عالم ملهوش اول من آخر ولا آخر من اول بس شر لابد منه

على فكرة انا مش بسعى علشان يكون ليه اسمى لالالالالالالا مش هبة سيد اللى لماتحب تبنى لنفسها اسم يبقى من خلال النت

وده مش قلة تواضع منى لا ولا كبرياء بل حقيقة يجب ان يدركها الجميع

انا من الصغر وانا معروفة باسلوبى وشكلى وطبيعتى المختلفة ناس كانت بتقولى انتى خمس شخصيات فى بعض

وناس تقولى الصدق مش لازم يكون مسلكك فى كل شىء عشان تعيشى

بس انا بحب اكون على طبيعتى وده يمكن اللى جاذب نحوى ناس كتير واتعرف بسرعة مش اكتر

صدقونى لو حد اتعامل معايا شخصيا هيقول مش ممكن البنى آدمة دى يكون ليها اعداء

معلش للاطالة هكمل المرة الجاية

كلاكيت تانى مرة

ومع السلام عليكووووووووو

هبة سيد

بناء على طلب الجماهير

السلام عليكم ورحمة الله وبركاته

اييييييييه دنيييييييا

انا قولت موضوع الحب ده عادى وخلص وهيبقى زى اى موضوع كتبته او لسه هكتبه

وهياخد يومه وساعاته ودقائقه وماعلينا ثوانيه ويخلص

لاقيت عدد كبير بيكلمنى فى مشاكل متعددة وقالولى كملى عن الموضوع

ده

بس انا بصراحة هكتب حالتين بس المرة دى لان المرة اللى جاية

هتكلم عن النت والموبايل وماسببه التطور من خراب للعقول

او

بالاصح اللى العقول معرفتش تستفيده من التكنولوجيا الحديثة

لان نفوسهم هما اللى خربة

هيبقى موضوع كوييس جدا ومش بعيد يتفوق على موضوع الحب

بس بعد ماشوفت كل المشاكل دى تأكدت ان مصر كلها بتحب حب حقيقى ولسه

بخير وان العدد اللى تعبان منهم نفسيا وبيتسلوا بالبنات قليل بالنسبة للعدد الكويس

الحالة الثالثة: واحد بيحب واحدة جدا كان بيحسبها اكبر منه بشهرين

ولكناكتشف فيما بعد انها اكبر من ذلك اى ب10 شهور وليس بشهرين

ومع ذلك لم يقل مقدار حبه لها الا ان والدته على الرغم من اقتناعها

بأخلاق وتدين البنت الا ان سنها هو الفارق الاساسى فى هذا الموضوع

والمشكلة الولد ده اعترفلى بحاجة جامدة جدا وانا بحترمه عليها

انه هوائى

على فكرة مش انت بس ده كل الرجالة كدهههههههههه

الحل بقى : حاجة من اتنين لا ثالث لهما أ) يا تتمسك بالبنت وتتطلبها مع العلم انك لازم تكون متاكد من شعورك

والسن مش فارق لان الرسول صلى الله عليه وسلم تزوج السيدة خديجة رضى الله عنها بفرق 15 عام

ب)حاسس بأنك هوائى يبقى حرام اتركها لحالها ومتعلقهاش معاك وريح قلبك وقلبها وخليها تشوف حياتها

الحالة الرابعة :واحد وصاحبه بيحبوا بنتين مأنتمين

المشكلة بقى ان البنتين معجبين بشخص واحد

فلما الراجل راح صرح للى بيحبها طبعا فرحت لكن الاخرى اتصدمت

ولما اتصدمت صاحبه عرف انها كانت بتحبه هى التانية وبقيت عقدة بس اللى عجبنى فى الولد ده انه جاب من الاخر وطلع راجل

صرح للبنت لانه لو مكانش قال كانوا الاتنين هيفضلوا متعلقين بيه

وكمان علشان الاخت التانية تشوف مسستقبلها

منتظرة ردودكم على الميل الشخصى ماشى تعليقات فى البلوج مفيش مانع اللى تحبوه

يلا سلااااااااااااااااااام

هبة سيد والحقيقة الغائبة

الجزء الثانى صعوبات الحب الحقيقى والزائف

السلام عليكم ورحمة الله وبركاته

المرة اللى جاية ان شاء الله هرفع فيديوهات للدكتور ابراهيم الفقى

اولا : ميرسى لارائكم على الميل جداااااا بس البنات حابين اوى الجرأة اللى فى الموضوع علشان بحاول انقل فكرتى

وافكار كل بنت عن الحياة بشكلها

دلـــــــــــــوقتــــــــى

ثانيا : بعلن عن مدونة لصديقتى العزيزة شيماء الجارحى وفكرة مدونتها مختلفة تماما عن مدونتى هى بتعرض المشاكل

اللى بتجيلها على الميل وبنحلها مع بعض

وهى سميتها مشاكل 2010

http://mashakel2010.blogspot.com/

وهى فكرة جادة جدا وربنا يوفقها يارب

ثالثا: الحالات اللى وعدت بيها سابقا تحت عنوان صعوبات الحب بوجهيه الحقيقى والزائف

ودون ذكر اسماء اصحابها

يلا بينا نبدأ

ورجاء معرفة هدفى مسبقا من عرض هذه الحالات هى النصح وارشاد البشر لا اكثر ولا اقل

الحالة الاولى :طبعا لانى مشتركة فى منتديين معروفين جدا وكنت برفع اناشيد دينية على الفورشيرد فكان ميلى الشخصى بيبقى محطوط

ونتيجة لكده بيبقى فى وافدين كتير على الميل من كافة الدول العربية وبداخل المحافظات بمصر كمان فأنا يا اما بتجاهل او اقبل الدعوة او ارفضها

المهم كلمنى شاب محترم جدا مصرى بس مش عايش بالقاهرة وفى نفس عمرى تقريبا

فبيشكرنى على البوم الشيماء واناشيد تانية لانى بحط حاجات نادرة جدا

فعرفته وبقيت بكلمه عادى نتناقش فى مواضيع جادة وكده فجاء يوم كده وحط صورة بنت محجبة على الميل

قولتله اختك العسولة دى قالى لا دى اللى بحبها فسكت احرجت الصراحة وقولتله ربنا يخليهالك

قالى ما احنا سيبنا بعض وقولتلها انا مش هنفعك شوفى حالك يابنت الناس فقولتله ليه كده مردش

فمعلقتش

قالى بصى على الصورة دى لاقيت واحدة اجنبية ومش محجبة قالى دى بقى اللى هتجوزها

قولتله مش انت بتحب التانية وهتتجوزها

قالى ياهبة من الاخر الزواج من بنت مصرية مكلف جداااااا

ولو اتجوزتها اهلها هيقولوا ده جوعها ومرمطها قولتله طيب ماهى لو عوزاك هتتضغط على اهلها وتستناك

فقالى انا بضحى بسعدتى علشان سعادتها

قولتله بالعكس انت كسرت بقلبها

بيقولى مصر مفهاش شغل ولا فلوس والاجنبية هتتجوزنى وتسفرنى وتشغلنى

ردا على الحالة دى بقى : الاجانب بياخدوا المصريين لحم ويرموهم عضم بالاضافة ان اللى بيسعى وبيشقى ربنا هيرزقه

وكمان البنت اللى هترتبط بيها ليها رزقها فمتعقدش المسائل وتوصلها للدرجة دى

الحالة الثانية : دى بقى تشمل تصنيف من وجهة نظرى لانواع الرجال من خلال كلامى القليل مع عدد قليل جداااا منهم

والقاء نظرة على من حولى

النوع الاول:بيحب بجد وعاوز يرتبط بواحدة بس انه كطالب بالكلية ولسه متخرجش ومش عارف مصيره فبيكتم فى قلبه ومش بيتكلم

النوع الثانى: يقولك اييه ؟؟؟؟؟؟؟انا داخل الجامعة اهيس واروح هشترى هدوم كاجول وهلم حواليه 50 بنت وهعيش اللحظة

النوع الثالث:ده بقى تشوفه بيبص للبنت بنظرة توعد انه بيحبها علشان يعلقها واول ما البنت تتغيب من الكليه او تدى ظهرها بس يبص

لغيرها ومش بعيد اقرب واحدة لى قلبها

النوع الرابع:بيحب بجد بس بيكتم شعوره جواه علشان مش متأكد من شعور الطرف الآخر

طبعا الكلام اللى اتقال ده مش جيباه من دماغى ده سمعته بأذونى

لان دى رسالة بوصلها للبنات بالاخص خوفا على مصلحتهم جميعا

الحل فى دول ايه:

النوع الاول: يا ابنى الارزاق على الله قولها انتظرينى واجتهد وهى بالطبع هتقف بجانبك ومتديش الحاجة اكبر من حقها وفوق

طاقتك ( ان الله لا يكلف نفسا الا وسعها)بسسسس

النوع الثانى:دى شخصيات معندهاش هدف كل اللى يهمهم نظرة فى العيون وسهمُ فى القلوب

علاجهم ان اللى هيبعد عنهم ويديهم كلام فى الصميم هيتعدلوا صح

النوع الثالث:ده نوع بيفرسنى بجد وشوفت منه كتير وفى فئات مختلفة وده اكبر حرام بجد

اللى يعلق بنى آدمة ملهاش اى ذنب غيرانها حبته بأنه يعلقها بالشكل ده

الراجل من دول فنان بيعرف يمثل الدور صح يفتح الاسطوانة ويقول البقين وعيونه يونيفرسال اووووووون لاين ههههههههههه

ومعرفش ايه مقدار استفادته من كده

ده علاجه بقى انه يقرب من ربنا ويحط اخته او امه او قريبته موضع تلك الفتاة التى ينظر اليها ويعلقها بوعوده الخداعه

من خلال النظرة

والناس تبعد عنه شويه فاهيحس بغلطته وهيمنع البصات الآثمة دى من تكرارها ثانية

النوع الاخير:ده بقى اللى انا بسميه الراجل المحترم بجد كاتوم اه

بس اى واحدة مهما كانت بتحب الراجل الجرىء بس بأدب وكمان ميفضلش معلق نفسه على امل

وممكن يتصدم فيما بعد

صارح الطرف الآخر وريح نفسك وتيجى زى ما تيجى

بسسسسسسسسسسس كده

على فكرة انا حذفت حالات كتير قولت بلاش نكتفى بهذا القدر حتى لا يتم اغتيالى

ههههههههههههه

القاكم بعد الفاااااااااااااصل

يلا سلام

الجزء الاول ( تاج - وشوية موضوعات )ربنا يستر

السلام عليكم ورحمة الله وبركاته

احم احم يا جماعة يااللى هنا اوعوااا تكونوا نمتوا لاحسن النهاردة هكتب كلام جامد طحـــــــــــــــــــــــن


اولا: واحد بعتلى على الجيميل تاج بس صراحة ربنا جرىء حبتين وعلى فكرة الاسئلة دى شوفتها فى


منتدى انا مشتركة فيه

بس انت فى تعليقاتك بتهددنى ولا ايه هههههههههه زى المرة اللى فاتت ماشى هجاوب عليه

على الرغم ان اصحابى قالوليلى دى حريتك الشخصية ومش ملزمة بالاجابة

تماااااام يافندم

ولونى معرفش مين حضرتك بس ربنا يسهل

ثانيا:هتكلم عن حب الله للعبد وحب العبد لله فى جملتين بالضبط


ثالثا: موضوع كنت اشتركت فيه فى احد المنتديات (حبيبى اصغر منى ) وياترى ردى فيه كان ازاى ؟؟


رابعا: النظرة والتعليق على الشماعة



وخبر هاااااااام جداااااااااا


ان شاء الله هنزل بعض الفيديوهات للدكتور العظيم ابراهيم الفقى

الله المستعان


اللهم صلى وسلم وبارك على المصطفى صلى الله عليه وسلم وعلى آله وصحبه وسلم


اولا:احم احم معلش بكح بس للتمهيد ههههههههه ( التاج )يلا بينا

س1:هل تفتش عن الحب أم تنتظر ان يدق بابك؟

اصل ده نصيب فى ناس ممكن تتدور عليه بس متهيالى ان الحب نفسه شعور الانسان بيبحث عنه دائما وابدا

عند الاحتياج اليه بس انا مبعثتش هو اللى بيجيلى لوحده


س2:هل تؤمن بالحب من اول نظرة ؟

اولا النظرة حرام لان فيها غض بصر والكلام ده بس طبعا اؤمن بيه

لان ممكن اشوف حد صدفة ومليش كلام معاه واحبه ايه المشكلة


س3:الحب افضل من وجهة نظرك أم الصداقة ؟

السؤال ده صراحة ربنا مش عاجبنى بالمرة ليه بقى

فى فرق بين المفهومين اولا : الحب شامل كل شىء وقولنا انه انواع

والنوع اللى انت بتقصده هو اللى بينتهى بالزواج من وجهة نظرى غير كده محبش

ثانيا : الصداقة بتكون بين البنات وبعضها والرجال وبعضها لكن لو انا كلمت ولد وسمعت منه كلمة اصحاب

بزعل مووووت واقوله اسمها اخوات لان مفيش صداقة بين ولد وبنت



س4:دائما عندما تختلف معه تكون من يصالح اولا ؟

والله أنا عامة بصالح الناس كلها بس اللى بصر على انى اكلمه رغم جرحه يبقى هو ده المقصود

وانا بكره الخصام اصلا


س5: شخص تحبه وظلمك بشدة هل تكرهه؟ او ماذا تفعل؟

لا طبعا اللى بيحب عمره ما يكره حد ابدا ممكن لو ظلمنى اوى يعنى اقول حسبى الله ونعمه الوكيل بس على فكرة ده مش دعاء عليه

يا ربنا يهديه يا ينتقم منه واذا اراد ربى الانتقام منه فبقول بلاش وبسامح هذا الشخص على الفور


س6:انفصلت عن حبيبك وعرفت انه يذكر عيوبك امام اصدقائك ماذا تقول له ، لهم ، لنفسك ؟

اقوله الله يسامحك ، هما حرااااام ، لنفسى ندمت على معرفتى بهذا الشخص


س7:هل من الممكن ان تحب شخص على الرغم من عدم تمتعه بالجمال؟

اااااااه طبعا وعلى فكرة انا لما ان شاء الله هتجوز واحد مش هيبقى مقياسى الاساسى شكله

بتـــــــا تــــــا لان الشكل مش كل حاجة فى انك تشوفه اخلاقه وتدينه وشخصيته

لازم يكون فرفوش متدين جذاب فى طريقة كلامه والقاء الكلمة كده يعنى


س8:ما مدى صدق عبارة الحب اعمى من وجهة نظرك؟

الحب مش اعمى الناس بتقول كده بعد الزواج لانهم بيشوفوا بعض على حقيقتهم

لو كانوا ظهروا من الاول بهذه الحقيقة مكانش الحب بقى اعمى كان بقى ابصر


س9:اكثر ميزة تراها فى حبيبك؟

انه يكون محترم


س10:اكثر عيب تراه فى حبيبك؟

انه يكون شكاك ومعندوش ثقة فى اللى بيحبها وبيكذبها فى اقوالها


س11:هل من الممكن تحب شخص وانت تعلم انه لايحبك ؟

اه ممكن عند القدر يعمى البصر
كل شىء جايز


س12:شخص يحدثك عن انسان يحبه هو هل تكون مهتم وتسدى له النصح ام تستمع فقط ام تغير الموضوع ؟

استمع وانصحه لان ده واجب


س13:لو حبيت حد هتقوله؟

لا طبعا لانى اذا ربنا اراد مش هقدر اكلمه وجها لوجه اساسى وهو هيحس من نفسه انى بخاف منه


س14:هل تحب شخص على الرغم من اختلاف ( الفكر - المركز المادى - الروح ) ها ؟

اختلاف فى اى شىء مقبول بالنسبة ليه الا الروح


كفاية كده يا آلهى حلو كده اوى انتوا عارفين كام سؤال فوق الاربعين لييييييييييه

انا مهمة اوى كده محبش اخد فى نفسى قلم



ثانيا: حب العبد لله وحب الله للعبد

ياجماعة ربنا كريييييييم جداااااااااا

فاتباعه علامة حب العبد لربه وسبب فى حب الله لعبده قال تعالى

( قل ان كنتم تحبون الله فاتبعونى يحببكم الله )

( آل عمران :31 )

بسسسسسسسسس


ثالثا: حبيبى اصغر منــــــــــــى

كان فى احد المنتديات قرأت عن موضوع حبيبى اصغر منى وانا شاركت بالراى فى الموضوع ده

وضعوا بأن يكون الحد الادنى فرق بينهم 3 شهور واقصى سنتين

اللى قال مستحيل


واللى قال لازم البنت تكون اصغر من الرجل


واللى قال سيدنا محمد تزوج السيدة خديجة رضى الله عنها بفرق سن 15 سنة

انا بقى قولت ايه: ان السن لو فرق شهر اتنين خليها تلاته معلش علينا اربعة مش وحش لو خمسة

بس المشكلة فى العقل ماممكن يكون صغير وبيفكر حلو وقادر على تحمل مسئولية والعكس

وكمان طريقة التفكير

بس برجح خير الامور اوسطها تلات شهور او خمسة

ليه لان الراجل فى عصرنا هذا مش قنوع ممكن يرميها ويقولها انتى اكبر منى والحوارات الفاشلة دى



رابعا: النظرة والتعليق على الشماعة

حــــــــلو اوووووووى الحركات دى

نظرة فى العيون وسهم ُ فى القلوب

أهذا حلال أم حرام ؟

الواحد لما بيبص للواحدة واذا كان المكان معروف للقائهما يعنى

زى ( جامعة - شغل حفلات ......الخ) تلاقيه يبص ويرمى نظرة اوك ( ماشى ) مش حلو الكلام

هو بص لمين لواحدة طيب ياترى الواحدة دى بيحبها اه طيب مطلبهاش ليه هنا بقى السؤال

؟؟؟؟؟؟؟؟؟؟

اذن غرضه مش كويس وسهمه مسموم غير انه كمان هيحاسب وده اكيد على غض البصر

وكذلك الوضع للبنات

اما الامورة ففى حالتين يا تطلع زيه وبتتسلى اللهم احفظنا

ياغلابة وطيبة وفهمت انه بيحبها وهو غير كده ودى ربنا يرحمها برحمته

والموضوع ده شوفته قدام عينى خمسمائة مرة

يبقى بيبص ليها ولصاحبتها والجامعة بحالها مش عاتق حد لوجه الله

ربنا يسهل للجميع

ان شاء الله المرة الجاية هنزل حالات دون ذكر للاسماء

انتظرونى المرة القادمة هيبقى بوست ناااااااااااااااااااااااااااااااااااااااار

يلا سلام

الحب شعور رقيق لا يدركه البشر

السلام عليكم ورحمة الله وبركاته

الصراحة الموضوع ده بقالى فترة كبيرة اوى وانا عاوزة اكتبه

هتكلم فيه عن الحب بمفهومه الصحيح وليس بمفهومه الخاطىء الذى يدور

بأذهان الجميع

فى الموضوع ده هعرف الحب وهحط حالات من الواقع ومن غير ذكر اسماء

وربنا يسهل طبعا انا بحب اخد راى اللى حواليه اولهم شوشو وهنشوف الوضع ايه؟

يعنى ايه حب بجد ايه عناصره ونظرة خبراء علم النفس له؟؟؟؟؟؟؟؟

ايه الفرق بين الحب الحقيقى والزائف؟؟؟؟؟؟؟؟؟؟؟

هل الحب بهيئته اعمى كما تحدثت الناس عنه فى اقوال مأثورة ؟ ام ان صاحبه هو اللى مغمض العينين؟

هل الحب يعرف الانانية ام انه طريق اوله نور وفى كل لحظة من لحظاته تغمره التضحية ؟

الحب هبة من الله يجب المحافظة عليها واسمى حب هو حب الله ورسوله

فهل احد منا يستطيع ان يعيش بدون حب؟

هل منا يقدر ان يعيش ومن حوله لايحبونه حبا شديدا ؟

هل يكفى ان يحبك قلب واحد لكى تعيش؟

هل الحب من الممكن ان يتحول يوما ما الى كره او انتقام؟

هل انت مش بتحب والدتك - والدك -اختك-اخوك-ابنك-خطيبتك-زوجتك -الفتاة التى تتمنى ان تكون شريكة حياتك مستقبلا؟؟؟؟؟؟

ياجماعة اكبر دليل على وجود كلمة الحب انها ذكرت فى القرآن الكريم

(....... ان الله يحب ....) (ان الله لايحب....)

اذن فان الحب شىء معترف بوجوده من قديم الازل

الجملة اللى هقولها دلوقتى قرأتها مسبقا

( الانسان قبل الحب شىء وعند الحب كل شىء وبعد الحب لاشىء)

والاقوال دى هتوضح بعضها فيما بعد

*love isn`t blind itjust only sees what matters.

*you will know the real meaning of love when you fall in love.

*when I saw you Iwas afraid to talk to you

when I talked to you I was afraid to hold you

when I hold you I was afraid to love you

Now that I love you I am afraid to lose you.

* the meaning of love offers and explains adefinition of love

in away that is interesting , intense , clear , logical ,and meaningful

All relationships.... love , infatuation , friendsship , marriage , family , community

and professional ....involve three elements:-

*Emotions......how we feel about each other.

*Ethics........how good or bad we are for each other.

*Joys .......how much we satisfy or dissatisfy each other.

العبارات اللى فوق منها انا اللى كتبته ومنه مقتبس

دلوقتى بقى نعرف الحب ونشوف راى علماء النفس

*تعريف الحب

هو مشاعر تحقق التقارب والتجاذب والارتياح الداخلى بين البشر والحب ايضا يصف مشاعر

من العاطفة وهو الفعل الذى يتصرف فيه الانسان عن عمد ولكن باستجابة رقيقة فيها تعاطف

تجاه اللآخرين ( او طرف واحد آخر )ده المقصود يعنى

* انواع الحب

كتيييييييييييييير

1- حب العقل او النفس

2- حب المال

3- حب الجسد

4- حب القوة

5- حب العمل

6- حب التعلم

..........الخ

* الفرق بقى بين الاعجاب والحب نفسه

الاعجاب هو المرحلة السابقة على الحب أو تمهيد الحب وبذلك نجد أن حدوث

الحب مرتبط بمرحلتين عندما يكون فى بدايته يسمى ( اعجاب ) ثم تأتى المرحلة

الثانية التى يتحول فيها الاعجاب الى ما نسميه ونعرفه بالحب

*خبراء علم النفس عند المقارنة بين الحب الحقيقى والحب الزائف

الحب الحقيقى : هو الحب الذى يبنى على اسا س الاحترام المتبادل والثقة المتبادلة بين الطرفين

والحب الحقيقى من الآخر هو حب الروح وهو بالاصح عفيف جدا

فأن الحبيب لا يجرح حبيبه ويحاول احتواء الحبيب وقد يكبر الحب الحقيقى بمرور الايام ولاتهزه

رياح الاختلاف بوجهات النظر ولا يتأثر بالامور البسيطة العارضة

الحب الزائف:هو تلك الحب الذى يبنى على اساس الاعجاب بالمظهر فقط

والانبهار بالكلام وهكذا فانه يختفى ويتلاشى بمرور الوقت

كفاية كده فى البوست ده لان ايدى تألمت من الكتابة الصراحة

اللى كتبته النهاردة مجرد مدخل ان شاء الله المرات اللى جاية حالات على بنين وبنات

وكمان تصحيح الاخطاء الواردة فى اذهاننا جميعا

لان لو حد قال حد بحب يا نهــــــــــــــــــــار

الدنيا بتتقلب وكأن الشخص مخطأ فى اخراج هذا اللفظ

ربنا يسترها علينا جميعا ونصحح الكلام اللى الناس فاهمينه غلط ده

يلا سلام بقى