السلام عليكم ورحمة الله
*********************
ازيكم يا جماعه ؟؟ اسفة جدا جدا جدا لعدم الرد على كل التعليقات فى مدوناتى حتى الان
لكن حقيقة بشكر الناس جميعا على المتابعة والاستمرار فى الدخول هنا وبكل مدوناتى
طبعا الناس نفسها تعرف بختفى من الساعة 4عصرا ل9.30 بليل بروح فين ومش بكتب ليه؟؟
هو اللى حاصل انى نزلت تبع نقابة المهندسين لله الحمد وقدمت على دورة تفصيل ملابس والكلام ده يزيد عن شهر-
تانى حاجة نزلت تتطوع بدار ايتام الحصرى مش مشرفة ولكن مدرسة للانجليش والفرنيش-
بجد دعوة للناس ترفق بالايتام واللى عنده علم ..فلوس..قدرة على الاشراف اى حاجة يساعد بيها
قال الله تعالى ( فاما اليتيم فلا تقهر)صدق الله العظيم
انا امبارح جت الساعة 8.30 بليل ومش عاوزة امشى من هناك
وانا خارجة يوميا الاقى المسجد فى وشى المنظر السما بالمسجد بالهدوء جنب الجمعية
محسسنى انى ماشية لوحدى فى صحراء مش عارفه ليه الاحساس الغريب ده وايه مدى ارتباطتى بمسجد الحصرى
الله اعلم
والحمدلله بدأت مع نفسى كده فى حفظ القرآن بس ماشية ببطء شديد عشان معانى القرآن بس-
....الخ من المشغوليات لكن كفاية عليكم دول بقى :D
خلال الاسبوع ده هنزل بوست فى الدينى وبوست فى مدونة القصص
ان شاء الله
هتكلم بقى النهاردة عن قانون ساكسونيا
القانون ده اصلا جاى من دولة اسمها ساكسونيا ولاية من ولايات المانية والولاية دى مش بتعرف العدل خالص
ومتأخذة الظلم شعار ليها واللى وضع القانون ده امراء وملوك واغنياء الولاية دى
طيب يا ترى القانون ده ايه اصلا؟؟
كان ينص علي انه اذا ارتكب الفقير او الذي ليس له ظهرا جريمة فكان يعاقب فاذا سرق يسجن و اذا قتل يقتل .......الخ اما اذا ارتكب الغني او المسنود او الطبقة العليا من المجتمع جرما فهل كانوا يتركونه بدون محاكمة بالطبع لا لانه سوف يشاع في باقي الولايات الالمانيه انه ليس هناك عدلا في ساكسونيا فماذا كانوا يفعلون ليطبقوا العدالة علي من يسرق من الاغنياء او من يقتل مثلا كان هؤلاء يحاكمون ظل السارق او القاتل من الاغنياءفياتوا بالغني القاتل او السارق و يقف في الشمس ثم يحكمون علي ظله بالسجن اذا كان سارقا او بالقتل اذا كان قاتلا
عادلين اوووووووى الصراحة
حقيقى سا كســـــــــــــــــــــــــــــــــــــونيـــــــــــــا
لفت نظرى بصراحة قولت افتح بيه موضوع ونتناقش فيه
انا طبعا مش هقول القانون ده تطبيقا على الدولة ....لالا
هتطبقه على الدنيا
فى الوقت الحالى ; لاحظت ان البشر بينهم وبين بعض متبعين قانون ساكسونيا ده
هتقولولى ازاى ؟؟؟؟؟؟؟؟؟؟؟؟؟؟
ببساطة شديدة جدا على سبيل المثال وليس الحصر
انا واقفة فى الشارع عربية جت خبطتنى وسببت لى كسور خطيرة ومش بعيد عاهات
وصاحب العربية مثلا شخص له قدره او زى ما بيقولوا ممكن يعرف اى حد ويشيله زى الشعره من العجينة
اولا لو رفعت قضية هيلبسنى انا القضية بطرقه الخاصة لانه مسنود
لكن القضاء المصرى بالطبع معروف بنزاهته
اما الظلم الخارجى اللى بيحصل برة قاعة المحكمة سواء من تخطيط بعض المحامين او اللى بيسندوا المتهم
هما اللى بيخلوا العدل ظلم والظلم عدل حسب موقف موكلهم من القضية وحسب درايتهم بالاعيب الجهنمية فى انهم
يخلوا المحكمة تعلن البراءة
بس ربنا اسمه ايه العدل
ربنا سبحانه وتالى ارسل رسله وانزل كتبه ليقيم الناس بالقسط اى العدل الذى قامت به السموات والارض
فالعدل هو اساس الحكم لرد الحق للمظلوم ومعاقبة الظالم
حقيقى الدنيا دى كلها حتى بينا وبين بعض ماشيين بقانون ساكسووووووووووووونيااااااااااااااااا
وسأعود سريعا بموضوع هيعجبكم باسم روبابيكياااااااااااااااااا
السلام عليكم ورحمة الله وبركاته
