السلام عليكم
عاملين ايه ؟؟؟ تماااام يارب ديما ياجماعه
اخبارى الفنية كالعادة :D
اولا:- المفروض يعنى كان فى امتحان شفوى بمعهد اعداد الدعاة ومع الاسف محضرتوش لسببين
الاول ان حالتى النفسية فى هذه الفترة كادت لاتسمح فحرام اروح اخبط فى ايات ربنا
الثانى عندى هنا ماسكنى جامد من رقبتى معرفش فى ايه
ثانيا:- المفروض برضو كان فى موضوع هيتم لكن بعد استخارة ربنا مااردش والحمدلله الموضوع مش عن حب
لذلك متأثرتش بالموضوع اوى وزمايلى قالولى تأنى فى الاختيار
ثالثا:-مشكلة حصلت على النت ليس لى يد فيها والحمدلله اتحليت وربنا عداها على خير بعد تقريبا
يومين صاحية محروق دمى
رابعا:- هحاول انزل كام بوست حلويين كده
والموضوعات اللى جية هتكون كالتالى بس مش شرط الترتيب:-
حب تيتانيك-
الجزء التانى للتفريق بين العلاج بالقران والسحر والنصب-
مواقف فى حياة هبة سيد-
ههههههههههههههههه معلش استحملوا بقى العته اللى هتشوفه
خامسا:- ناس كتير اوى اوى بيحسبونى سورية والله ياجماعه بابا وماما صعايدة اصلا
مش من سورية هو يمكن ملامحى تشبه ناس سوريين وعامة انا اطول اكون مثل جمال الفتيات
السوريات وبسببكم سميت نفسى هبة خاتون يعنى هبة هانم بس بالتركى
:D
سادسا:- المفروض والله كنت انزل مع شيماء الجارحى فى شغل كده والنية كانت خالصة
لله وعملت ايميل باسم هبة الجارحى ووحدت اسمى معاها
وده يمكن كان تالت اسم ليه خلال الفترة دى
بس رجحت ان يصبح اسمى هبة سيد خاتون
فقط عشان لفظ الجارحى مع اسماء ناس كتير بس هبة سيد واحدة بس:D
نتكلم حبة نفضفض شوية
كنت سعيدة جدا جدا جدا يوم الخميس عشان طالما صاحبتى سعيدة هكون انا اسعد
الخطوبة كانت بفندق امون فنزلت معاها من الصبح وجت الساعة 8.30 ومكناش لسه خرجنا من الكوافير وفيصل
وياصباح الزحمة اللى هناك وساعتها كرهت حاجة اسمها فيصل
وعقبال ما اتصورت وروحنا الفندق 11 بليل طبعا الحاج والحاجة واختى فى انتظارى هناك
واللى حصل ان المفروض اروح مع العروسة بس ماما رفضت قولت مفيش مشكلة
قعدت نص ساعة بالضبط وبابا اخدنا ووصلت على 12.15 تقريبا
بس مالاحقتش استمتع بالوقت خالص
هى واخوها قالولى فاتتك الراقصة والاغانى هههههههههه
يالهوى راقصة ههههههههههههههههه
هى اصلا فى الكوافير عزمت عليه اخلع الحجاب قولتلها لا
وبعد ماروحت تانى يوم قالتلى انتى كئيبة
قولتلها مش موضوع كآبة بس انا اصلا بعيدا عن العيلة كمان محبش اعمل حاجة لنفسى وارجع فيها
المهم
رجعت يوم الخميس بفتح النت بهدوم الخروج والله
لاقيت بلاوى
فا ماما بتقولى مالك قولتلها لا مفيش دى دموع الفرح بس عشان دى الانتيم ومش عارفه ايه
بس سكت وبقيت فى مرحلة الغليان
وانا بريح كده الصبح من الزعل مش عارفه اتكلم وبترعش وازرقيت
والحمدلله قومت بالواجب وناس اصحابى هدوا النفوس وعرفت بعدها يعنى
المفروض يعنى معروف عن هبة سيد انها عاقلة وكبيرة ومتزنة عقليا فى تصرفاتها واقوالها وافعالها
ويكفى ان الانسان يشك ده فى حد ذاته ده يعد تقليل من شأنى
ده موقف من المواقف يعنى
تعالوا بقى نجاوب على سؤال جالى بالميل فى اسئلة كتير جاتلى بس والله نفسيتى معلش كانت تعبانة
فمعرفتش اجاوب بس هجاوب اون لاين
ما معنى الجاثوم؟
الجاثوم ده نوع ضعيف اوى من الجن هو قزم اصلا بس بيخيلك انه كبير وهو قد يكون من اثر سحر
او من عمار المكان
ده بيعمل ايه بيعمل شلل مؤقت بالجسم وبيطبق على صدر البنى ادم او اى جزء من اجزاء الجسم
ولو حس انك هتنطق بيعمل زى تلجيم باللسان
على فكرة انا بحس بوجوده لان جسمى شفاف وحساس جدا
فلما بيقرب اصلا فروة راسى بتقشعر فبستعيذ بالله من الشيطان الرجيم
اكتوبر مليانة من الحاجات دى كتييييييييييير
فمن الافضل اللى يحس بكده يشوف نفسه او بالاصح مش محصن نفسه كويس
يبتدى يقرا الكرسى 7 مرات والمعوذتين والاخلاص 3 مرات
ويفضل يصلى على النبى حتى النوم صلى الله عليه وسلم
سؤال تانى جالى :-
ينفع ندعى الله بالايات؟؟؟
اااااااه طبعا والحمدلله بتجيب حلو معانا
يعنى على سبيل المثال :- ( بحق قولك الحق تبارك الذى بيده الملك وهو على كل شىء قدير)وغيرها من الايات
سؤال تالت:-
شخص ما معايا بالدفعة بعتلى سؤال غريب اوى؟
بيقولى لو بتعجبى بحد هتعملى ايه؟؟
:D
عادى جدا بيظهر انى مهتمة باخباره محبش ازعله كده يعنى
لكن مقولوش بحبك يعنى هو طلع فهيم وفهم واتكلم يبقى كتر خير الدنيا
متكلمش وعمل نفسه ولا واخد باله نفهم من كده انه مرتبط او مش ميال لينا وشكرا
لان المفروض هو اللى يقول ويتقدم مش انا
بس كده انتظروا بقى البوست اللى جاى
سلامووووووووووو عليكووووووووووو
