السلااااااااااااااااااااام عليكم
واحدووووووووووووووو :D
لا اله الا الله ...محمد رسول الله
انا قولت انزل بوست حب تيتانيك عشان اخلص من كمية الايميلات اللى جيالى
الكل بيحسب الموضوع فيه ان واخواتها وكان وعماتها هههههههههه
على فكرة الاعلان اللى فوق ده كان اول اعلان نزل للسفينة حقيقيا بجرائد New York
طبعا من زمااااااااان واعرف ان فى فيلم اسمه تيتانيك لكن الصراحة مشوفتوش غير فى تالتة ثانوى
كان مترجم بابا جابوه مترجم لسبب ان الاصلى بيبقى مش محذوف منه لقطات
لكن المترجم بيبقى محذوف منه كل لقطات خارجة وكمان عشان الاسرة بالكامل تقدر تتفرج عليه
المهم فى خلال فترة عرض الفيلم ونزوله بقاعات العرض السينمائية عمل ضجة جامدة
والكل بيقول ده فيلم مش محترم وحاجات من دى
فلما اتفرجت انا والعائلة عليه
لاقيت اهدافه راقية جدا بعيدا عن اللى ذكر بالجرائد او عن اللقطات اللى اتحذفت ولم اراها
بس حكمت على مادة الفيلم بوجه عام
اول هدف:- الغاء الحب الطبقى ( يعنى الاغنياء ممكن يحبوا الفقراء عادى والماديات والمستوى الاجتماعى
غير مؤثر ) بمعنى الحب لغى كل ده.
تانى هدف:- التضحية ( لما جاك دوسن انقذ روز فى نهاية الفيلم) فى لحظات فقد حياته فى سبيل حياتها.
فى زمن انتهى فيه التضحيات واصبح من يحمل هذا المعنى شخصية ساذجة.
تالت هدف:-عدم وجود الاستعداد على متن السفينة عند حدوث غرق ( ده بيعلمنا اننا قبل القيام باى شىء لازم
نحط ادنى احتمال للخسارة فى الشىء المراد القيام به).
رابع هدف:- ان الانانية من البعض ادى الى هلاك الكل.
خامس هدف:- المفروض افتقدوا الحتة الدينية وهو الحب بدون زواج وده عندنا فى مصر ساب اثر
كبير سلبى للغاية ..لان البعض كان عنده استعداد للسلبية دى بس مستنى خطوة تشجيعية
ومع الاسف كان الفيلم ده من الاشياء اللى ساعدت على كده لانه وصل الحب بشكل خاطىء جدا.
لكن كلامى النهاردة بشكل عام هل الحب بشكل قيس بن الملوح وليلى ..و احمد ومنى..وتيتانيك .. سندريلا...سواء
قصص حقيقية او خيالية هل القصة او الحب بالحجم ده موجود دلوقتى
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
من زمان حتى الان بسمع قصص من بنات اصدقاء ..معارف ..الخ اقول ياما الرجالة مش بتحس
يا اما اسلوب البنت غلط...يا اما مفيش حب ودى كلمة الرجالة بتستخدمها لادراج الفار فى المصيدة :D
يا جماعه الحب نضيف جدا عايز بس من الراجل جرأة عشان يتقدم للبنت واهلها ومن البنت انها
تبادله هذا الشعور بخجل ( الحب عفيف جدا) الحب عايز من ام واب شكل من الحنان والاحساس بالمسؤلية تجاه
ابنائهم وعايز من الابناء بر ورحمة وطاعة للوالدين
الحب عايز تضحية من الحبيب والمحبوب
الحب عايز صديق يقف ويحمى صديقه
الحب عايز اخ يحمى اخته من اذى الزمن
هو ده مفهوم الحب واللى عايزه الحب
الحب مش كلمة نقولها لراحة القلوب ولراحة من امامنا
الحب فعل وتصرف واحساس معنوى جميل
بس مع الاسف مفيش حد بيقدر
الكل بقى واااااااااااااااااااااااااااااااااااااحد
عارفيين انا على طول بقول حاجة زى دعاء كده
سواء فى حب او لا فى قلبى لازم اقوله لانى بخاف من الصدمات
ياااااارب لو بحب حد قلبه قاسى اخت ام حبيب قلبه قاسى اشفينى من حبه
:D
ما الحب يعُد مرض برضو
لان بكل اسف حبى صعب لانه صامت ممكن يظهر فى تصرف او فعل لكن قول قليل
بس الصمت هو افضل لغات الحب
الصمت هو انك متقدرش تقول كلمة حب لمحبوب لانك خايف يتصداها بكلمة
او بموقف يجرح مشاعرك
الصمت بيزود الحب فى القلب لانه فى اخفاء للمشاعر
الصمت ياريت الناس كلها تحب فى صمت!!!!!!!!!!!
الحب احساس يا ناس ...البعض فهم ان الحب غلط ..وان الحب ده مشى وخروجات وزواج غير شرعى
..الحب مش جوابات..الحب مش ايميلات ولا ميسدات...الحب قلب وعقل واحساس شغال
مش هقدر اقول غير ان الحب كلمة ذكرت فى القران كتير يعنى اكبر دليل انها مش حرام ومش عيب
بس العيب والحرام هو استخدامها قولا وفعلا لناس مش من حقها انها تسمعها او تحسها
الزوج والزوجة بس اللى من حقهم كده والخطيب والخطيبة والاخ والاخت والام والاب....الخ
غير كده الحب ملهوش مكان غير بالمعزة وبس
يلا سلاااااااااااااااااااام والقاكم بعد الفاصل
