السلام عليكم ورحمة الله
******************************
النهاردة ان شاء الله هتكلم فى شكل حلقات عن التأمل والابداع
ناس هتقولى التأمل مترادف للابداع هقول لا طبعا
المهم انا وضعت كلمة التأمل بعدها الابداع لان التأمل يُعد طريق للابداع والابتكار
ندخل بقى فى موضوعنا النهاردة
* الحلقة الاولى *
**********************
- ياترى ايه هو تعريفنا للتأمل ----& التأمل معروف فى البوذية انه تمرين مفيد وصالح للجسد
طبعا مش بتكلم عن ديانات لان البوذية لا تُعد ديانة ولكن بتكلم على انها ذُكرت فى تاريخهم بذلك
اما عن الدين الاسلامى فذُكر التأمل بالقرآن كثيرا
قال الله تعالى :-
( ان فى خلق السموات والارض واختلاف الليل والنهار لآيات لاولى الالباب)
صدق الله العظيم
الالباب هم اصحاب العقول المتأملة المفكرة فى ربها وفيما ابدعه الخالق بالكون
تمام
رقم واحد انت لما بتتأمل بتسرح عقلك بيخزن كل حاجة بتفكر فيها بالعقل الباطن ومش بتفكر غير فى اللى
انت بتفكر وبتتأمل فيه
فبيحصل استرخاء للعقل شديد للحظات ثم بعد ذلك توسعة للتفكير بيخلى ليك مساحة مش بطالة
الفكر بتاعك رايح جاى فيها لغاية ما توصل عند نقطة معينة....النقطة دى هى الابتكار او بالاصح هى الفكرة اللى كنت بتدور عليها
وحسب حجم تأملك فى الشىء من زاوية او اكتر تفكيرك هيدلك على الطريق الارشد ومن ثم الابتكار
**********
طيب انا مثلا عاوزة اوصل للتأمل لان من كتر الضغط اللى انا فيه مش عارفه اوصل نفسى للمرحلة دى
طيب اعمل ايه؟؟
هنا بقى بنعمل حاجة اسمها الاسترخاء
لان خلى بالكم التأمل شكل من اشكال الاسترخاء
هنعمل تمرين صغيور لبضعة دقائق وهو التنفس العميق وده عشان يخفف عندنا حدة الاجهاد
وبعدها تمارين الذراعين والوقوف
طبعا الاسترخاء جميل لانه بيزيل آثار بتصيب الصحة بعدة مشاكل زى قلق و الغثيان والتهيجات الهضمية ..الخ
********
طيب ازاى اتأمل ؟؟؟
قولت الموضوع ده بشكل عابر قبل كده
اننا نمشى حياتنا فى شريط بس هنا هنختار مشاهد بتسعدنا عشانها نقدر نكمل ونعيش بشكل سليم
اوعى حد فيكم يفتكر مشاهد نكد يبقى شكرا راحت تمارين الاسترخاء والتأمل :D
اصل امريكا بتستهبل يافوزية هههههههههههههه
المهم
من تمارين الاسترخاء بقى
###################
اليوجا... السباحة...الجلوس بالبيت فى هدوء طبعا...الجلوس والطلوع الى الحديقة
وهكذا اى حاجة بتخلى الاعصاب مرتاحة والجسد غير مشدود
ومن مزايا التأمل برضو هو زيادة الروحانية والمناعة كمان
انا مش هطول النهاردة عشان انتوا بتحبوا تقرأوا حاجات صغيورة والمرة الجاية ان شاء الله هكمل
السلام عليكم
