السلام عليكم ورحمة الله
***************
ازيكم يا جماعة ؟؟ كييف احوال الجميع؟؟
انا بحاول والله ابعت رسايل على الماسنجر او اكلم القريبين على التليفون
عشان بقالى فترة منعزلة كده معرفش ليه...رغم ان فى ناس بتشوفنى على فترات قريبة
النهاردة هتكلم عن مواقف غريبة اوى
اولهم كان من قرابة اسبوعين تلاتة كلمت حد من زمايلى صدفة على النت
فقالى فى موضوع عاوز اكلمك فيه بس هخليه تليفون مش ينفع نت
قولتله ايه ياعم بيزنيس؟؟ قالى لا مش هقولك وانا بكرهه بصراحة الانتظار
المهم صليت ودخلت نمت
فى المنام معرفش اظاهر روحى سرحت وشوفت الشخص وبساله
فضلت اسال يمين وشمال ...ولاقيت فى الاخر حاجة غريبة
فصحيت ومعلقتش
كلمته بالتليفون ايه ياعم فى ايه؟؟
فقولتله انا شوفت منام كده..فقالى طيب قولى انتى الاول
لما حكيته بالتفصييل ..قالى الله عليكى جيبتيها
فاستغربت لان الحمدلله جيبت الموضوع بالضبط ومش كانت اول مرة
يحصل الموضوع ده!!!ده موقف
موقف تانى غريب جدا
شخص نفسى شايلة منه من اقواله وافعاله ويقول حاجة ويعمل حاجة تانية
فقولت ده اكيد فيه حاجة غلط
المهم واجهته ومن رده بين السطور وصل نفس اللى كان بدماغى ان تشخيصى صح
وقولت بدم ما اواجه وارد تانى لا اجيب الاخر وشكرا وكفاية بقى هو حر فى نفسه
المهم ان فترة طويلة جدا وبالاخص الفترة اللى مش بعت انا فيها اى رسايل للسلام
الاسم بيتكرر امامى وحتى الشكل ناس بتتمثل فى شكله
فاتخنقت وجيت فترة بقيت مش انزل من البيت عشان كده
وهل فى ايه ؟؟وبسال نفسى
وده من المواقف الغريبة برضو
موقف اخير كان رخم بس مضحك
انا مليش مزاج اقدم فى بنوك ..فالحاج قالى هو حد لاقى واى شاب نفسه يدخل
قولتله ورقى اهو وانا اثق انى مش داخله البنك
المهم الاتش ار يومين تلاتة اتصلوا بيا
انتى امتحنتى قبل كده؟؟
فقولتلهم لا
انتى ليكى اقارب؟؟
فسكت وقولت لا
وبعد ما قفلت كنت هتجنن لان من البيت اُجبرت ان اقول مليش اقارب
فضلت اتصل بالاتش ار ..محدش رد
وفضلت مخنوقة وهتجنن لانى بكرهه الكذب
ومحبش ابدأ اى حاجة فى حياتى بالكذب
المهم والدى اصر يوصلنى عشان الامتحان
واول ما قالوا حد ليه اقارب.. خرجت برة وقولتلهم ايوة ليا فلان الفلانى
وقريبته من الدرجة التانية والفرع والاسم وكله
فقالولى مينفعش ..ابتسمت وقولت شكرا وخدت بعضى ومشيت
اينعم ساعتها بابا زعل منى وزعل مش قليل
لكن مش ممكن استمر بالشكل ده
نحط بقى النقاط المستفادة من الكلام ده:-
1- ان روح الانسان متواصلة جدا بمن حوله حتى فى منامه مش يقظته بس.
2- ان الدنيا مليئة بالغرائب والاشارات والعلامات الغريبة وبتُفسر فيما بعد.
3- ان الغاية لا تبرر اى وسيلة لان فى وسائل غير مشروعة لكن القانون السماوى بيحرمها
زى الكذب ...الخ
اتمنى يكون الموضوع حلو ونال اعجاب الناس
السلام عليكم ورحمة الله
دعووووووووووووواتكم
