السلام عليكم ورحمة الله وبركاته
والله مش عارفه اقول ايه؟؟ لغاية امتى هنفضل كلنا فاتحيين الدش يا نتفرج على غزة وغيرها ونقول ياعينى
يا نتفرج على فيديو كليبات ونقول يا ليل
حقيقى اه يا ليل يا زمن
اه يا زمن فيه القوالب نامت والانصاص قامت
اه يا زمن باع فيه الانسان كرامته واخلاقه ودينه عشان لقمة وهدمه وعربية
اه يا زمن العرب اخوه متجمعين فى قمة وفى اول زنقة تلاقى نفسك لوحدك على حافتها
يا غزة يا اشرف الناس حافظتم على عهدكم مع ربكم
خليكوا يا عرب زى التانبلة تتفرجوا لغاية ما ييجى عليكم الدور وفى الاخر ما تلاقوا ليكوا صاحب جنبكم
حسبى الله ...حسبى الله...حسبى الله
على كل مسلم واقف ولا غير بايده ولا بلسانه ولا حتى بقلبه
الكل بيحزن حبة ويفرح حبة
ومفيش حد خشى ربه ولا حتى خشى على دمه
يا عربى عيش كريم وموت شهيد
ربك وعدك بانك عنده حى ترزق ولك مكانة عالية
ليه توطى راسك وتسيب ارضك وعرضك منهكيين
ارفع كابى ليكى يا غزة تستحقى لقب الشرف والكرامة
موتوا وانتوا بتدافعوا عن ارضكم وارض عبر فيها الرسل
موتوا عُزل من السلاح واجركم عند ربكم
حسبى الله ونعم الوكيل فى كل ظالم وربنا ناصر كل مظلوم
واللى زاد وغطى فيلم هولندى عن زوجات الرسول بمشاهد مفضحة ليه كل ده
اسلامنا يعترف بكل الاديان السماوية ونحب الناس وبقلوبنا التسامح
ليه الايذاء والاذى والتلفيق وتمثيل بقذارة على ناس شرفاء اوفياء زوجات اشرف واطهر خلق الله
رسول جعله الله تعالى بشرى للعالمين
حسبى الله ونعم الوكيل
حسبى الله ونعم الوكيل
حسبى الله ونعم الوكيل
):
): ): ):
مش عارفه اقول ايه
الى متى يا عرب
