السلام عليكم ورحمة الله وبركاته
اهلاين عاملين ايه ياجماعه؟؟؟
النهاردة هكلمكم على حاجة خناقنى وهى السبب فى اللى احنا فيه ده
ولا ربنا مبارك للناس ولا هما عندهم خشى من رب العباد
و ده ناتج من كثرة المعاصى وتجريح وتشويه صورة الاسلام
منهم المفكر اللى بيقال انه مفكر اسلامى هو جمال البنا
مع احترامى لفكره فان كل ما قراته يُعد اراء شخصية له ولا تمط بصله بالدين الاسلامى
اولا كتعريف شامل بالشخص ده هو من بلد المحمودية وهو الشقيق الاصغر لحسن البنا
المؤسس والمكون لجماعة الاخوان المسلمين
وجمال البنا نفسه قال فى حوار بجريدة صوت الامة انه بالرغم احترامه الشديد لاخوه الاكبر
الا انهم كانوا مختلفيين لحد كبير فى الاراء والنقاشات بينهم ومن الاغرب انه كان بيقول ان حسن البنا
افكاره وارائه جميلة جدا فأين وجهه الاختلاف او لم هو اختلف اختلاف جزئى او كلى فى بعض ارائه معه!!!
وقال انه اتقبض على جمال البنا زمان لانه من الاخوان وهو بيقول انه مكانش اخوانى اصلا
ولا فكر ينتمى اليهم؟؟
اول حاجة بقى لفت نظرى وكان من فترة الموضوع ده
هو جواز تبادل القبلات بين الشباب قال ايه عشان ظروف المعيشة ومش لازم كل حاجة نحرمها
يا سلالالالالالالالالالالام
لما معروف ان القبلات اصلا اول طريق الزنا وبتوصل للفجور احللها واخليها جائزة؟؟؟
دى حاجة
حاجة تانية يقولك الحجاب مش فرض وانما دى تقاليد واشياء مغلوطة والدين مقالش كده
امال الاية الكريمة اللى بتقول:
بسم الله الرحمن الرحيم
(وليضربن بخمرهن على جيوبهن )
صدق الله العظيم
هو القران والسنة استغفر الله نازلين للعباد منظرة ؟؟ما تتدبروا وتتفكروا المعانى
اى حاجة فى جسم الفتاة تُعد عورة و قابلة لاثارة اى شاب كمان طالما بقى انتزع الله من قلوب البعض الحياء
يبقى نقول بالمفتشر
لدرجة انى قلمت اظافرى بسبب واحد بيقولى اظافرك بتفتن والله بقيت بقصها
شوفوا الموضوع وصل للاظافر اش حال الشعر العارى اللى هو تاج المراة وبيبن درجة جمالها
وبوضوح شديد جدا
شىء اخر ازاى نجمع بين الدين والعلمانية والعلمانية اصلا بتفصل امور الدين عن الامور الحياتية
وكده كده اصلا الاسلام مش بيجبر اى حد على اعتناقه جبرا والا مكانش ربنا نزل الاية الكريمة فى سورة
الكافرون
بسم الله الرحمن الرحيم
( لكم دينكم ولى دين)
صدق الله العظيم
وغير كده الاديان الثلاثة حقيقة مكملين لبعض ..لكن الاسلام شامل لكل امور الدنيا والاخرة
وبرضو جمال البنا بيرحب بالبهائية
يعنى انت بتؤمن بأن كل 1000 سنة بينزل رسول بوحى
عشان ينزل بدين يواكب العصر
ازاى لما سيدنا محمد ذُكر فى القران وفى التوراة قبل تحريفه
بأن محمد خاتم الانبياء وفى التوراة بأنه نبى اخر الزمان
!!!!!!!!!!!!!!!
بصراحة لولا ان ايمانى قوى ورايت الرسول صلى الله عليه وسلم وعلامات اخرى
كنت ممكن اهتز واعتنق البهائية بس برضو مكنتش هعتنقه لانه مش مقنع اصلا
انا سمعت بكتاب الاقداس تقريبا اللى نازل تبعهم عبارة عن قصص كلمات جميلة
لكن مش زى القران الكريم
قال الله تعالى فى سورة الجن
بسم الله الرحمن الرحيم
(قل أوحي إلي أنه استمع نفر من الجن فقالوا إنا سمعنا قرآنا عجبا)
صدق الله العظيم
شايفنى الجن بيقول ايه؟؟؟ ايش حال الانس بقى
ااااااه لو تعرفوا اسرار القران عليه النعمة لكل واحد فينا هيلزم بيته ومش هيرد ولا هيكلم حد
هيقعد يقرا يقرا يقرا فيه مدحا فى الله وفى كل كلمة ابدع فى كتابتها وتنزيلها من فوق سبع سموات
اتمنى من الجميع التفكير بالقلب والعقل والتفكير القلبى هو انك تشغل احساسك شوية
هتلاقى نفسك وانت بتقرا هتخشع
واخر كلام هقوله فى الموضوع ده
اللهم إني أعوذ بك من علم لا ينفع ، ومن قلب لا يخشع ، ومن نفس لا تشبع
السلام عليكم
انتظرونى لاحقا
